Շարադրանք առաջադրանքով

Շարադրանք առաջադրանքով Կյանքով արբած Ասուն են ՝հրաշքներ չկան…Ինչպիսի՜միամտություն….Միթե հրաշք չէ ամենօրյա արթնացումն ու հիացումը արշալույսի շիկնանքով:Միթե հրաշք չէ արեգակի մշտնջենական ինքնաընծայումը,գիշերային երկնքի ադամանդագորգ գմբեթը…Ինչպես՜չհիանալ թռչունների գարնանային սիրախաղով,ափեափ զարնվող հորդացած գետակի ալեվետումով,սոսիների նազանքով ,ծաղիկների պչրանքով ,մեղուների տքնանքով:Ինչպես չսիրել մանկան ժպիտը,մոր գորովը,աղջիկների քրքիջը,տղաների աքլորացումը… Ո՜վ չի կարոտում մանկության քաղցր հուշերին ,տարագրված հարազատին ,հարազատի երբեմնի ջերմ վերաբերմունքին:Ու՜մ սիրտը չի թրթռում սիրելիին սպասելիս,քննասենյակ մտնելիս,անծանոթ հույզ ճաշակելիս ,աշխատանք-կոչումով զբաղվելիս… Ես սիրում եմ քեզ,կյա՜նք,դու հրաշալի ես…Քո ամեն օրը ՝երկնային պարգև… Ես՝քեզնով լի,քեզնով արբեցած ….,-հուշում է խոսքի հանճարը…Ու չես կարող չհամաձայնել…Չես կարող չշտապել ՝լիուլի վայելելու քեզ բաժին ընկած գունավառ երազը երկրային չքնաղ դրախտում… Գրել շարադրանք ՝վերնագիր ընտրելով ընդգծված նախադասություններից որևէ մեկը: