Силлабус ПРЗ, 5-семестр

Кыргыз Республикасынын билим берүү жана илим министрлиги

Жалал-Абад мамлекеттик университети

“МАКУЛДАШЫЛДЫ” “БЕКИТЕМИН”

Жалал-Абад колледжинин директору ЖАМУнун билим берүүнүн сапаты

бөлүмүнүн башчысы

__________________________ ____________________________

“_____» 20 ж. «___» 20 ж.

СИЛЛАБУС

Окуу дисциплинасы Башталгыч мектепте математикалык маселелерди чыгаруунун практикуму

Негизги билим берүү программасынын деңгээли Орто кесиптик билим берүү

Даярдоо багыты/ адистиги 050709 Башталгыч класстарда окутуу

Адистиктин аталышы Башталгыч класстын мугалими

Окутуунун формасы күндүзгү

Колледждин аталышы Жалал-Абад колледжи

Бөлүм Педагогикалык жана социалдык иштер

Дисциплинанын статусу : тандоо боюнча ПВ 4.1.

Окуу планы боюнча жалпы сааты: 72 саат. Анын ичинде:

• лекциялык 18

• практикалык 18

• өз алдынча иштер 36

модулдун саны: 2

зачет V

(семестр)

Силлабус “Башталгыч класстардын мугалими” адистиги боюнча орто кесиптик билим берүүчү МС НББПнын талаптарына ылайык түзүлдү.

Иштеп чыккан: “Педагогика жана социалдык иштер” бөлүмүнүн окутуучусу

Нурматова Майрамгул Нарбековна

Окутуучу жөнүндө маалымат:

Моб. телефон: 0778445278

Электрондук дареги: nurmatova_mairamgul@mail.ru

Сабак өтүүчү күндөрү, убактысы: дүйшөмбү 8:00-12.30 – жума 8:00-12.30

Киришүү

Дисциплинанын мазмуну, максаты (миссиясы) жана милдеттери.

Дисциплинаны максаты: болочоктогу башталгыч класстардын мугалимдерине ийгиликтүү билим алуусу жана кенже курактагы балдарга татыктуу билим берүү үчүн даярдыкты камсыздоо. Түрдүү математикалык маселелерди чечүүгө байланышкан математикалык билимдерди кеңейтүү жана тереңдетүү боюнча иштерди жүргүзүү.

Дисциплинанын милдеттери:

1. Студенттердин башталгыч класстарда математикалык маселелерди чечүү предметин окутуунун усулу боюнча билимин калыптандыруу, анын калыптанышы, онугуу перспективасы жөнүндө маалымат берүү;

2. Математика сабактарын практикалык сабактарда кенири колдонууга жана аларды өз тажрыйбасында колдоно алуу мүмкүнчүлүгүнө жетишүү;

3. Курстун бөлүмдөрүн окутуу жөнүндө математиканы окутуунун усулунун жалпы теориялык билимдерин терен өздөштүрүүгө, аны өркүндөтүүгө милдеттүү;

4. Математика сабактарында инсанга багытталган окутуунун активдүү методдорун колдонууга жетишүү;

5. Программалык материалдарды окутуунун активдүү методдорун, сабактын жаны методдорун, сабактын жаны моделдерин, технологияларын, баалоонун ыкмаларын, техникаларын компетенттүү адис катары колдонууга үйрөтүү.

Дисциплинанын негизги билим берүүчү программанын (НББП) курамындагы орду

Башталгыч мектепте математикалык маселелерди чыгаруунун практикуму дисциплинасы адистик дисциплиналардын бири. Бул предметти өздөштүрүүдө мектеп программасындагы математика, колледжде окутулуүчу математика, математиканын башталгыч курсунун теориялык негиздери өздөштүрүлүшү керек. Бул дисциплина менен катар жана андан кийин улантылып окутулуүчу “математиканын баштапкы курсун окутуу методикасы” дисциплинасы практикалык көндүмдөрдүн калыптанышына, түрдүү математикалык мисал-маселелердин чыгарылышын аткарууга түрткү берет.

“Математикалык маселелерди чыгаруунун практикуму” дисциплинасы ОКББ МС (КОББ3) 050709 “Башталгыч класстарда окутуу” адистигине түзүлгөн негизги билим берүүчү программадагы окуу планынын кесиптик циклдеги тандоо бөлүгүндө (ПВ4.1.) камтылган. Аталган дисциплина 5-семестрде окутулат. Бул дисциплинанын өздөштүрүлүшү адистиктин педагогикалык жана мамлекеттик практикаларын өтөө үчүн маанилүү болуп саналат.

Күтүлүүчү натыйжалар

Дисциплинаны окутуунун натыйжасында студент:

3.1 билимге ээ болуусу керек:

3.1.1 – сан түшүнүгүн жана сандын курамы, разряд, класс түшүнүктөрүн түшүнүүсү;

3.1.2 – арифметикалык амалдардын маанисин жана алгоритмин билүүсү;

3.1.3 – маселенин кыскача шартын жазуусу;

3.1.4 – математикалык тапшырмалардын түрлөрүн;

3.1.5 – математиканын башталгыч курсунда окутулуучу математикалык туюнтмалардын түрлөрүн билүүсү;

3.1.6 – туюнтмаларда амалдарды аткаруу тартибин билүүсү;

3.1.7 – маселелерди чыгаруунун методдорун жана ыкмаларын;

3.1.8 – теңдеменин тамырын табууда компоненттердин ортосундагы байланыштарды билүүсү

3.1.9 – сандардан аттуу сандарды айырмалай билүүсү

3.2 билгичтикке ээ болуусу керек:

3.2.1 – санды курамдарга, разряддарга жана класстарга ажырата алуусу;

3.2.2 – арифметикалык амалдарды аткаруу алгоритмдерин түшүндүрүп байланыштарды жана айырмачылыктарды негиздей алуусу;

3.2.3 – сандын үлүшүн таба алуусу;

3.2.4 – геометриялык тапшырмаларды (чийүүгө, ченөөгө, параметрлерин аныктоого )аткара алуусу;

3.2.5 – маселени чыгаруу этаптарын ишке ашыра алуусу;

3.2.6 – туюнтмалардын сан маанилерин таба алуусу;

3.2.7 – чоңдуктардын ортосундагы көз-карандылыкты орното алуусу;

3.2.8 – сан түшүнүгүнө болгон теориялык-көптүктүк көз-карашты сүрөттөп жана жөнөкөй тексттик маселелерди чыгаруунун амалдарын тандоону негиздей алуусу;

3.2.9 – компоненттердин ортосундагы көз-карандылыкты, белгисиз компоненттерди таба билүүсү

3.2.10 – аттуу сандардын үстүнөн амалдарды аткаруусу

3.3 көндүмгө ээ болуусу керек:

3.3.1 – нерсенин бөлүгүн сүрөттөй алуусу жана бир нече бөлүктөрүн салыштыруусу

3.3.2 – түрдүү ыкмалар менен маселелерди чыгарууну негиздей алуусу;

3.3.3 – түрдүү усулдар менен маселелерди чыгарууну негиздей алуусу;

3.3.4 – чоңдуктар менен маселелерди чыгара алуусу;

3.3.5 – геометриялык тапшырмаларды чыгара алуусу.

3.3.6 – аттуу сандарды өзгөчөлүктөрүн айырмалап, мисалдарды иштей алуусу

Дисциплинанын кыскача мазмуну.

1. Окуу планынын негизинде курстун көлөмү жана иштин түрлөрү төмөнкүдөй тартипте пландаштырылат:

2. Курстун бөлүмдөр боюнча сааттык бөлүштүрүлүшү.

Студенттерге берилүүчү өз алдынча иштердин аткаруу формалары.

Окутуп-үйрөтүүдө колдонулуучу усулдар.

Практикалык усулдар (чийүү, ченөө), бири-бирин окутуу, түшүндүрмө-иллюстративдик, демонстрациялык методдор, Э.Венндин диаграммасы менен иштөө, таблица түзүү, биргелешип аткарылуучу тапшырмалар, мээ чабуулу, текст менен иштөө, баяндоо, биргелешип издөө, ротация, Синквейн, математикалык диктант, багыттоочу тапшырмалар, өз алдынча аткарылуучу тапшырмалар ж.б. Ошону менен бирге студенттер окутуу процессинин жүрүшүндө калыптандыруучу баалоонун техникаларын колдонуу менен көндүмдөргө айландырышат.

Техникалык жактан камсыздоо.

БКМ адистигинин 404, 407, 408, 411, 414 –аудиториялары проектор менен жабдылган. Ар бир аудиторияга 36студентке ылайык орундар бар. Электрондук документти алуу же берүү үчүн түрдүү аудио жана видеолорду көрүүгө ылайыкташтырып орнотулган. USB,audio, HDMI туташтырылат. Окутуучуга лекциялык, практикалык сабактарды ыңгайлаштырып өтүүгө мүмкүнчүлүк бар.

Курстун саясаты.

• Практикалык сабактагы активдүүлүгү;

• Сабакка даярданып келүүсү;

• ӨА иштерди белгиленген убакытта тапшыруусу;

Сабакка киргизилбейт:

• Кечигип келгенде же чыгып кетсе;

• Уюлдук телефон менен байланышса;

• Плагиат (бирөөнүн эмгегинен көчүрүү);

• Өз учурунда тапшырмаларды аткарбаса.

Студенттердин билимин баалоо.

Студенттин сабактагы активдүүлүгүн баалоо тапшырмалардын аткарылышына, коюлган суроолорго жооп берүү гана эмес, негизги: маалыматтык, социалдык-коммуникациялык жана өзүн-өзү уюштуруу жана көйгөйлөрдү чеч билүү компетенттүүлүктөрүнүн калыптануу деңгээлдердин аныкталышына жараша ишке ашат

Өз алдынча ишти баалоодо өз алдынча иш сөзсүз түрдө кол жазма түрүндө жазылууга тийиш, интернеттен көчүрүлүп алынбоосу керек,өз алдынча иштин тапшырмаларында эмне талап кылынса, ошондой формада аткарылууга тийиш, дисциплинанын өзгөчөлүгү практикалык сабак жана маселелерди чыгаруу жолдорун үйрөнүүгө багытталат, ошол себептен тапшырмалар толук түшүнүктүү чыгарылуусу эске алынат.

Текшерүү үчүн суроолор.

Баалоо каражаттарынын фонду: Текшерүү иши; Портфолио; Түрдүү деңгээлдүү маселелер жана тапшырмалар; чыгармачылык тапшырма; Тест; Тренажер; Эссе

Курс боюнча студенттердин билимин көзөмөлдөө жана текшерүүнүн жолдору:

• өз алдынча даярдануу;

• семестр бою практикалык сабактарга даярдануу

• өз алдынча иштөөгө берилген суроолорго даярдануу жана талкуу;

• үй тапшырмаларын аткаруу;

• портфолио түзүү;

• доклад жазуу;

• алдын ала даярдалган тесттерге жооп берүү;

• калыптандыруучу сурамжылоо;

• жазуу жүзүндөгү түшүндүрмөлөр.

1-модуль

Өз алдынча иш

1. Канча цифра бар?

а) 5 б)9 в)10 г)7

1. 1000 саны 10дон … эсе чон, 100дон …эсе чон

а)10; 100 б)101;10 в)100; 10 г)100; 11

1. Кошулуучулардын ордун алмаштыруудан сумма ...

а)өзгөрөт б)өзгөрбөйт в)азаят г)көбөйөт

1. 346283 санындагы жалпы ондуктардын саны

а) 34 б)345 в)3462 г)34628

1. 36 санынын төрттөн үч үлүшү

а) 32 б)24 в)27 г)30

1. 98ден чон 105тен кичине канча сан бар?

а) 4 б)5 в)6 г)7

1. класстын төмөнкү жана жогорку разряддары

а)бирдик, ондук б)жүздүк, бирдик в)ондук, бирдик г)жүздүк, ондук

1. 7-разряд кайсы класста

а) 2-кл. б) 1-кл. в) 3-кл. г) 4-кл.

1. Ар бир разрядда канча бирдик бар?

а) 10 б)9 в)8 г)7

1. класстын 3-разряды кандай аталат?

а)ондук б)жүздүк в)бирдик г)миндик

1. 6 орундуу сандардын эң жогорку разряды

а)миңдин ондугу б)миңдин бирдиги в)миңдин жүздүгү г)миңдиктер

1. 15тин бештен бир үлүшүн, бештен эки үлүшүн тап

а) 3; 6 б) 5; 3 в) 9; 5 г) 6; 2

1. 83697 санында 3 кандай сан

а) миндик б)миндин ондугу в)миндин бирдиги г)миндин жүздүгү

1. 8∙в-10 айырмасы в нын кандай маанилеринде мааниге ээ болбойт

а) в=2, 3 б) в=1, 0 в)в= 1, 3 г)в= 2, 4

1. Сандын жарымы 8ге барабар.Сандын өзү канча?

а) 8 б) 10 в) 12 г) 16

1. 847нин 11 менен болгон тийиндисин 15ке көбөйт

а) 12540 б)12870 в)1155 г)12548

1. Үч орундуу санда канча разряд бар?

а) 2 б) 5 в)3 г) 4

1. Бешинчи разрядда кайсы бирдик жайгашкан?

а)миндиктер б)жүздүктор в)миндин ондугу г)миндин жүздүгү

1. 35 санынын бештен төрт, бештен үч үлүшүн тап

а) 28; 21 б)30; 10 в)25; 12 г)30; 5

1. 9512 жана 968 сандарында 9 кайсы разрядды түшүндүрөт

а)миндик, ондук б)миндик, жүздүк в)минд.бирдиги, жүздүк г)жүздүк, ондук

1. Чоң атам 55 жашта.Атам андан 25 жашка кичүү. Мен атамдан 3 эсе кичүүмүн. Мен канча жаштамын?

а)8 б)12 в)10 г)7

1. Велосипедчен бала 12 км/с ылдамдык менен 4 саат жол жүрдү.Ал канча км жол жүргөн?

а)48км б)50км в)24км г)35км

1. 6млн. 735мин 892 санын белгиле

а)6357892 б)6575892 в)6735892 г)6075892

1. 15740 санында 7 эмнени түшүндүрөт

а)жүздүк б)ондук в)миндик г)миндик. бирдиги

1. 48 санынан 15 эсе чон сан

а)700 б)205 в)720 г)270

1. Жылкы бир күндө 15 кг чөп жейт,ал эми кой андан 5 эсе аз чөп жейт.Жылкыга жана койго 30 күнгө канча чөп керек?

а)540 б)600 в)480 г)580

1. 257849 саны канча класска болунот

а)1 б)2 в)3 г)4

1. 45тин тогуздан үч жана 9дан төрт үлүшүн тап

а)20; 18 б)35; 14 в)15; 20 г)25; 15

1. 1000 саны 10дон канча эсе чон?

а)10 б)100 в)20 г)110

1. Көп орундуу санды бөлүү … разряддан башталат

а)төмөнкү б)ортонку в)жогорку г) эң төмөнкү

2-модуль

ӨАИ

1. 7дм 5см3ммди бир бирдикке келтир

а) 7053мм б)753мм в)7530мм г)7503мм

1. Кайсы эки сандын суммасы 7, көбөйтүндүсу 12

а) 5; 2 б) 6; 4 в) 3; 4 г) 2; 3

1. 6 дм3см= см жана 5см7мм= мм

а)603см; 57мм б)63см; 507мм в) 63см; 57мм г)630см; 570мм

1. Салмактын чен бирдиктери

а)тонна, ц, кг, г б)тонна, мм, г, кг в)кг, км, ц, см г)тонна, г, м, саат

1. Узундуктун чен бирдиктери

а)см, кг, мм, ц б)м, саат, км, т в)км, м, дм, см, мм г)мм, дм, кг, км

1. Кайсы учурда = белгиси коюлат?

а)1м 12дм б)10см 1дм в)1м 90см г)1см 1мм

1. 163 сомдо канча тыйын бар?

а)60тыйын б)63тыйын в)16300тыйын г)1603тыйын

1. Тик бурчтуктун периметри 20см, анын жактары канча см?

а) а=5см, в=7см б)а=6см, в=10см в)а=4см,в=8см г)а=7см, в=3см

1. 9дм 4см7мм де канча мм бар?

а)944мм б)974мм в)970мм г)947мм

1. Кошуунун орун алмаштыруу касиети

а)а+в=в+а б)а*в*с=(а*в)*с=а*(в*с) в)а:в:с=(а+в):с=а:(в+с)

г)а-в-с=(а-в)*с=а*(в-с)

1. 1345*214 амалын аткарууда канча толук эмес көбөйтүндү бар

а)4 б)3 в)2 г)5

1. 2000де канча ондук бар?

а)10 б)20 в)200 г)2

1. Жагы 8см болгон квадраттын аянтын эсепте

а)56 б)48 в)32 г)64

1. Периметри 16 см болгон тик бурчтуктун жактары кандай болот?

а)а=5см, в=3см б)а=4см, в=6см в)а=3см, в=6см г)а=2см, в=4см

1. 10230 кг ды ирилет

а)10т 230кг б)1т 2300кг в)102т 30кг г)12т 230кг

1. 3 км ди см ге майдала

а)300000см б)30000см в)3000см г)300см

1. P=(а+в)*2; S=а*а барабардыктар эмнени туюнтат?

а)периметр, узундук б)баа, нарк в)периметр, аянт

г)саны, разряд

1. 30 ящик вермишелди жана 45 ящик макаронду 5 дүкөнгө тең болуп беришти.Ар бир дүкөнгө канча ящиктен вермишел жана макарон бөлүндү?

а)6; 7 б)9; 5 в)5; 10 г)6; 9

1. Тик бурчтуктун периметри 30 дм, бир жагы 7 дм.Тик бурчтуктун экинчи жагы канча дм

а)а=7дм, в=8дм б)а=7см, в=8см в)а=6см, в=8см г)а=8см, в=5см

1. 10 м жибек жана 28 м чыттын наркы бирдей-560 сомдон. 1 м чыттын жана 1 м жибектин баасын тап

а)56; 20 б)56; 28 в)56; 280 г)56; 10

1. Жактары 3 см 5мм, 4 см 3 мм болгон тик бурчтуктун аянтын эсепте

а)3543мм б)450мм в)1505мм г)1520мм

1. 4 т 489 кг менен 6 нын көбөйтүндүсү

а)25 т 934 кг б)24 т 935 кг в)26 т 905 кг г)26 т 934кг

1. Апам 20 сом берди.Анын 4төн бирине альбом, 4төн экисине китеп сатып алдым. Менде канча акча калды?

а)10 сом б)15сом в)5сом 20 сом

1. 4 км 95м ди метрге айландыр

а)4950м б)40950м в)4095м в)49500см

1. Квадраттын жагы 38 см 5 мм,анын периметрин тап

а)1540 мм б)10540мм в)1538мм г)5138мм

1. 3 саатта канча минута бар?

а)120 б)180 в)200 г)240

1. Бир ящикте 15 кг алма болгон.Ошондой 5 ящикте канча кг алма бар?

а)45кг б)55кг в)70кг г)75кг

1. Көлөмдүү фигуралардын кайсынысы кырга ээ болбойт?

а)куб б)параллелепипед в)шар г)пирамида

1. теңдемесин чыгар

а)0 б)5 в)75 г)15

1. теңдемесинин тамырын тап

а)1 б)0 в)10 г)9

28