1.Dikatın çekilmesi. 2.Neetleri belli etmäk, problema koymak. Üürenmäk çalışmasına motivlemäk. 3.Bilgilerin aktual edilmesi. 4.Eni materialı üürenmäk/ üüretmäk. 5.Materialın kaavilenmesi hem becermeklerin oluşturması. 6.Kantarlamak. 7.Feedbackın gerçeklenmesı. 8.Evdeki işin verilmesi. | 2 m 5 m 10 m 10 m 10 m 4 m 3 m 1 m | ne o işlik bilmää; ne o işliklerin şindiki zamanı; cümleleri gramatikayca dooru kurmaa; gagauz dilinin gramatika normalarını dooru kullanmaa; şindiki zamanda işlikleri kullanmaa, dooru yazmaa; komunikativ situaţiyalarında aktiv pay almaa; temaya görä informaţiyayı açıklamaa; savaşmaa gagauz dilindä pak lafetmää; advokadın hem prokurorun rolunu oynamaa. | Üüredi cinin sözü. Resim. Rollu oyun. Kiyatlan iş. «Payacak» Problema koymak. Motivlemäk Slayd. Tefterdä iş. Kiyatlan iş. Tabliţa. Soruş-cuvap Çıkış. | -Sabaanız hayır olsun, üürenicilär! Büünkü günümüzü isteerim geçirelim pek islää. Bän annadım, ani bulunȇrım 7-nci «A» klasta da gördüm ani klasınızda var taa çok çocuk. Şindi isteerim hepsi çocuklar kalksınnar da benim izinnerimi yapsınnar. 1.USLU DURMAK. HAZİR OL! 2.SAA TARAFA BAKINIZ! 3.SELÄM VERMÄK. 4.ADIM-ADIM ÖRÜMÄK. Çocuklar dooru annȇȇrlar izinneri hem gelecek vakıtta askerci olaceklar. Ya, söläyiniz bana taa angı işlemneri var nicä yapsın askerci. Durȇr, işider, bakȇr, annȇȇr, sesleer, örüyer, sayer, oynadȇr, çevirer, koyer… -Bizim asker komandaları angı söz payınnan üürenicilär gösterdilär? Şindi bakalım bir resimä, angısı bulunȇr 176-nci sayfada. N.Baboglu «Eski adetlär batȇrlar» annatmasında verer bizä deyni ölä bir baş personajını, nicä Kalın Anka. Kızlar, söläyiniz işliklerin yardımınnan ne yapȇr Kalın Anka. Kalın Anka: oturȇr, bakȇr, düşüner, işider, ellerini tutȇr, dayanȇr, sesirgener, yaşȇȇr... Saa olunuz, ötäädooru gideriz. Nesoy yannışlıklar günnüktä yapılmış? Yannışlıkları buldunuz, savaşınız onnarı yapmamaa. Uoon sonunda, üürenicilär, lääzım gösteräsiniz, ani becerersiniz: *tanımaa işlikleri; *onnarın zamannarını belli etmää; *cümlelerdä işlikleri kullanmaa; *şindiki zamanda işlikleri dooru yazmaa; *savaşmaa gagauz dilindä pak lafetmää; *komunikativ situaţiyalarında aktiv pay almaa. Kendi ballarınızı yazȇrsınız yapraklara, ani bän verdim sizä. Uroon bitkisindä onnarı sayacez. Üürenicilär, sizin önünüzä koyulȇr bir problema.Ölä personajdan, nicä Kalın Anka, ya pay tutmaa, yada kabaatlı bulmaa. Problema koymak. Kalın Anka kabaatlı mı, osaydı diil mi kabaatlı kızların terbietmesindä? Eer siz dooru annayarsınız Kalın Ankanın yaptıklarını o vakıtlar, büünkü gündä dä kolay olacek ihtiyärları annamaa, onnarın nasaatlarını saymaa. Hem da korumaa, yada kabaatlı bulmaa deyni bu personajı, lääzım argumentleri vermää, işlikleri kullanmaa. Hızlı soruşlara kısa cuvap sizdän bekleerim. Ne o işlik? İşliin morfologiya nışannarı? İşliin düzülmesi? İşliin infinitiv forması? İşliin temel forması? İşliin sintaksis funkţiyası? -Ne için biz tekrarladık bu temaları? Bän gördüm, ani işlikleri islää bilersiniz da hazırsınız eni temayı geçmää. Tefterlerinizi açınız, büünkü sayıyı yazınız. Dekabrinin altısı. Klastakı iş. Şindiki zaman. N.Baboglu «Eski adetlär batȇrlar». 52-nci sayfayı açsanız, başlayalım eni temayı geçmää. Paragraf 2-nci sayfa 52-nci okumaa. -Neyi biz annadık? İşlem şindi sölenän vakıtta olȇr; Ne yapȇr? Ne olȇr? Vokal garmoniyasına görä düzüler; T.f. + afikslär (-er, -ȇr, –yer, –yȇr) Üz hem sayı afiksleri diişilmektä zaman afikslerinä eklenerlär. Tabliţayı kiyattan açıklamaa. Şindi tabliţadan 2 örnää geçirdiniz tefterlerinizä. Biri konsonnan, biri dä vokallan bitsin işliklär. Ya, uyduralım iki türlü işlikleri.Neyi gördük? Geldi vakıt iş 1 s. 52 tefterlerdä yazmaa. Gün sıraylan duuȇr, Kauşȇr avşamda, Kuşçaaz hollanȇr, Uyuklȇȇr bir dalda. Gün günü, çelip-çalȇr, Zamannar – zamanı, Su akȇr – kum kalȇr, Can diiştirer canı. İlkyaz – en gözäl zaman: Er dä, gök tä eşerer, Nasıl duuȇr bir insan, Doz-dolaya ses verer. -Angı zamanda S.Kuroglu kullanmış kendi şiirindä işlikleri? -Nesoy iki türlü işliklär var bu şiirdä? -Angı üzdä hem sayıda durȇrlar hepsi işliklär? -Angı soruşa işliklär cuvap ederlär? -İşliklerdä vokal garmoniyası kullanılmış mı? -Taa çok angı zaman afiksini avtor kullandı? -Angı afiksı taa az? -Angı iki afiksı avtor hiç kullanmadı şiirindä? -Eni temaya görä soruşlarınız var mı? Kim neyi annamadınız? Sorunuz. Üürenicilär, sayınız ballarınızı da notalarınızı koyacez. Refleksiya. İşliklär yardım ettilär mi sizä fikirinizi açıklamaa? Büün urokta meraklıydı... Bän büün üürendim eni... En zor iş bana deyni... Bän çalışacam... Günnüklerinizä evdeki işini yazınız. İş 1 s.52 Bir yaprakta on işlem resimnemää hem işlikleri orada yazmaa. DERS BİTTİ! Aralaa çıkınız, bekleerim sizi ikinci urokta. | Üüredicinin kantarlaması. Üürenicilerin kantarlaması. Üüredicinin kantarlaması. Üürenicilerin kantarlaması. |