Презентация к сказке для учащихся 6 класса "Кеедя овгн"

Хальмг туульмуд, талын келн əмтнə туульмудла əдл, эврəннь һол утхарн чик, ни-негн, ах-дү бəəдлиг таасч үн дурдна.Хальмг ут туульмуд өргн теегəрн биш, уста дала һатлад, өндр уул алслад, талын келн-əмтн заагт тарҗ, чикнə хуҗр болҗ делгрҗ йовна.

Кер һалзн хуцта Кеедə гидг өвгн

Зура 1.Кеедə гидг өвгн. 2.Хумха дал олҗ авлһн. 3.Байна герт хонлһн. 4.Далан байна хəəснд чанлһн. 5.Хуцан байна хөөтə хоннуллһн. 6.Өвгнə сөөһин көдлмш. 7.Дала хөөтə байн өвгн.

Кезəнə бəəҗ. Кер һалзн хуцта Кеедə гидг өвгн бəəҗ. Эн угатя өвгн һанцхн хуцан унад, хааһарнь цокад хавшулад, һуярнь цокад һавшулад йовна.

Зуурнь нег хумха дал кевтҗ. Өвгн далыг авад хавтхлчкна.

Асхн өвгн нег байна хотнд ирəд, хуцан уйчкад, герт орна.

Өвгнд күн цə өгсн уга. Асхн байнахн махан чанв. Өвгн бас махан чаннав, - гив. Мана махта чан, - гиҗ байн келв. - Махнтн махим идҗ оркхла, яахув? -Тиигхлə, махан цугтнь өгнəв, - гиҗ байн келв. Махн болв. Өвгнə дал - нүцкн. Байн махан өвгнд өгчкнə.

Өвгн махан идчкəд, хуцан архлх арһмҗ сурв. -Хө күн архлдв? Хуцан хөөнлə хашад орулчк,- гив. -Хөөнтн хуцим идҗ оркхла, яахув? -Хөөдм чини хуциг идхлə, хөөдəн өгнəв,- болна байн.

Өвгн хуцан хашад орулв. Əмтн унтсн хөөн өвгн хуцан алад, махинь нохаст өгəд, хөөдин аминь цусар түркчкнə.

Өрүн босхла, хуц уга, хөөдин амн ху цусн.Байн арһ уга болад, өвгнд хөөдəн туулһад тəвчкнə.

Үгин көдлмш. Кер – гнедой, хумха дал – засохшая лопатка, арһмҗ – веревка, архлх – привязывать, хуц – баран. Ашлвр: генн байниг угатя өвгн меклнə. Учрнь: өвгн олмһа, ухата.

Күүндвр: Кен гидг өвгнлə бидн таньлдувидн? Хуцарн өвгн яһҗ йовдг бəəҗ? Зууран өвгн ю олҗ авна? Асхн хотан өвгн яһҗ олҗ авв? Яһҗ өвгн байна хөөг бийдəн авсмб? Өвгнə заң-бəрц, ухан, олмһа йовдл таднд таасгдв?