Словазлучэнне. Заданне для замацавання.

Словазлучэнне: трэнажор для 1-га ўрока

Вызначце, якія спалучэнні слоў словазлучэннямі не з’яўляюцца і патлумачце, чаму.

Буду працаваць, мокры ад слёз, пяцьдзясят тры, мяккі хлеб, вуліца прыгожая, прыйшла вясна, густы лес, думаць пра падзею, схадзіў бы, далёка ад горада, намаляваны алоўкам, самы шчаслівы, ні жывы ні мёртвы, прылёт птушак, давай бяжы, менш упэўнена, настала ноч, поспехі ў вучобе, дваццаць пяты, збіраць суніцы, самы лепшы, першы ад дарогі, будзеш чытаць, вельмі хутка, сачыненне напісана, прыехаць у госці, наперадзе аўтобуса, дуб каранасты.

Ключы

Буду працаваць (складаная форма будучага часу), мокры ад слёз, пяцьдзясят тры (састаўны лічэбнік), мяккі хлеб, вуліца прыгожая (граматычная аснова), прыйшла вясна (граматычная аснова), густы лес, думаць пра падзею, схадзіў бы (дзеяслоў+часціца), далёка ад горада, намаляваны алоўкам, самы шчаслівы (ступень параўнання прыметніка), ні жывы ні мёртвы (фразеалагізм), прылёт птушак, давай бяжы (форма загаднага ладу дзеяслова), менш упэўнена (ступень параўнання прыслоўя), настала ноч (граматычная аснова), поспехі ў вучобе, дваццаць пяты (састаўны лічэбнік), збіраць суніцы, самы лепшы (ступень параўнання прыметніка), першы ад дарогі, будзеш чытаць (складаная форма будучага часу дзеяслова), вельмі хутка, сачыненне напісана (граматычная аснова), прыехаць у госці, наперадзе аўтобуса (прыназоўнік+назоўнік), дуб каранасты (граматычная аснова).