Сочинение Монь тиринь мастором-Мордовиям!

Муниципальное общеобразовательное учреждение

«Средняя общеобразовательная школа с углубленным изучением отдельных предметов № 32» городского округа Саранск

Сочинение: «Монь вечкевикс Мордовиям!».

учитель эрзянского языка Осипова Галина Анатольевна

Вечкевикс Мастором! Вечкевикс Мордовиям! Кода ёвтневлинь лангат весемнень.

Россиянь лия модатнень ютксто , тон, эзить неяво, тон виздезь кекшнить эсеть мазычить, панжить эсь прят ансяк сетненень, кинь ульнесь мелезэ тонь ланга содамс. Тонь ланга косояк кияк эзь сода. Истя ульнесь икеле. Ней тон кеместэ аштят пильгеть лангсо ды ёвтыть эсеть ланга весемнень. Эрьва косо маридизь тонь ды содатадызь, монь вечкевикс Мордовиям. Мон пек кецян ды аштян покш мельспаросо тонь кувалма.

Священной писаниясо сёрмадозь, што минек Отечестванть максызе тенек Нишкепазось. Сень кисэ вечктян, Мордовиям, што тон максозь тенек пазонь казнекс , секс эряват тон ванстомс ды вечкемс весе седейсэ.

Ломанесь аволь свал лови питнеекс сень , мезезэ ули, зярдо ёмавтсы, сестэ аварди. Кодамо ризкс марто сёрмадозь теде Священной писаниясо сядо колмоньгемень котоце псаломсо: « На реках Вавилонских тамо седохом и плахом, внегде помянути на Сиона… Како воспоим песнь Господню на земли чуждей? Аще забуду тебе Иерусалима?...».

Бути эрямось пачтьсамам лия ошов, масторов, тон, Мордовиям, свал кармат монь седейсэм ды мельсэм. Эсень тевсэ, весе эрямосом карман шнамот тонь, вечкевикс Мордовиям. Бути кевкстьсамизь , киян мон , весенень кецязь ёвтан: « Мон – эрзян!» Библиясо сеедьстэ ёвтави валось «кудо», кона чарькодеви раськекс. Мордовиям, тон – монь кудом, тон – монь кудораськем!

Вечкевикс тиринь мастором, апак лотксе ёвтневлинь тонеть вечкемань валт! Вечксынь тонь виреть ды паксят, cоборот ды церьковат, ошот ды велеть, коеть ды ёвксот. Вечктян, Мордовиям, сень кисэ, што тон монь!