Сообщение про Н. Г. Дамдинова

Буряадай мэдээжэ уран шүлэгшэ, арад зондоо хүндэтэй Николай Гармаевич Дамдиновай «Түрэл хэлэн, түрэhэн дайда» гэhэн шүлэг уншаад, ямар hайхан мэдэрэл толгойдом түрѳѳ гээшэб. Нэгэшье хүн түрэл хэлэгүй, түрэhэн нютаггүй байжа шадахагүй. Хүн бүхэн түрүүшынгээ «эжы» гэhэн hайхан үгэ ѳѳрынгѳѳ хэлэн дээрэ хэлэнэ, хүлдэ ороходоо, нютагайнгаа шорой бурьюулан, наhанайнгаа зам эхилнэ.

Эжынгээ hайхан hү амталжа, элүүр энхэ тэнжээбди, түрэл дайдынгаа аршаан булагhаа хүртэжэ, амар мэндэ ябанабди.

Хаанаш холын газараар ябаа hаа, хэншье болоод ажаллаа hаа, ямаршье үнэн нүхэдэй дүхэриг соо ороошье hаа, эгээл сэдьхэлэйм оёорто эжымни hайхан шарай, түрэл нютагни хэзээдэшье байхал…

Би саашадаа Николай Дамдиновай, мүн лэ буряад поэдүүдэйнгээ шүлэгүүдые, зохёолнуудые уншажа ябахаб.

«Түрэл хэлэн,

түрэhэн дайда хоёроо

Түби дээгүүр

хаанаш яба- мартахагүйш…»

Батодоржиева Сарюна, 7 «б» классай hурагша.