Սոցիալական ոլորտ

ՍՈՑԻԱԼԱԿԱՆ, ՀՈՒԶԱԿԱՆ ԵՎ ԱՆՁՆԱՅԻՆ ՈԼՈՐՏ

Սոցիալական զարգացում

Փոխհարաբերություններ շրջապատի հետ

Չափորոշիչ

Ցուցիչ

1. Երեխան սկսում է շփվել ծանոթ մեծահասակների և հասակակիցների հետ և հաստատում է վստահության վրա հիմնված հարաբերություններ:

1) Աշխուժանում է ծնողներին և ծանոթ մեծահասակներին տեսնելիս (ժպիտ, ակտիվ շարժումներ և ձայներ):

2) Ցուցաբերում է ամաչկոտություն կամ տագնապ (վախ), անծանոթ մեծահասակների ներկայությամբ:

3) Ցուցաբերում է անհանգստություն, տագնապ` ծանոթ մեծահասակից բաժանվելիս:

4) Հանգիստ և ապահով է զգում, երբ մտերիմ մեծահասակը իր տեսադաշտում է:

5) Մեծահասակներին ներգրավում է իր փոխգործուն խաղերի (շփումների) մեջ:

6) Ներգրավվում է փոխգործուն շփումների կամ խաղերի մեջ:

7) Օգտագործում է շարժումները և դիմախաղը հաղորդակցվելու համար:

8) Նկատում և արձագանքում է ուրիշ երեխաներին:

Սոցիալական վարք

2. Երեխան զարգացնում է ինքնակառավարման հմտություններ:

1). Ինքն իրեն զբաղեցնում է կամ հետաքրքրություններ է գտնում:

2) Հարմարվում է օրվա կրկնվող գործողություններին:

3). Հաճախակի փոխում է գործողությունները (զբաղմունքը):

3. Երեխան սկսում է դրսևորել ինքնուրույնություն:

4) Փորձում է կատարել ինքնուրույն գործողություններ` ուտել, քայլել, վերցնել ինչ-որ բան (չնայած դեռ օգնության կարիք ունի):

Անձնային զարգացում

4. Երեխան սկսում է ցուցաբերել սեփական անձի և ուրիշների մասին իմացություն:

1) Երբ տալիս են իր անունը, արձագանքում է շարժումով կամ ձայնով:

2) Ուսումնասիրում է իր մարմինը:

3) Ուսումնասիրում է ուրիշների դեմքերը, մարմնի մասերը:

4) Երբ խնդրում են, ցույց է տալիս իր մարմնի առնվազն 2 մասերը:

Հուզական զարգացում

5. Երեխան սկսում է արտահայտել և ճանաչել հիմնական հույզերը:

1) Անծանոթ միջավայրում դրսևորում է վախ կամ զգուշանում է:

2) Արտահայտում է իր զգացմունքները ձայներով կամ շարժումներով:

3) Արձագանքում է ուրիշների հույզերին:

4) Երեխան հուզականորեն արձագանքում է երաժշտական գործիքներով, մարդկային ձայնով կատարած երաժշտությանը: