Сталовая бялізна. Канспект урока + прэзентацыя. 6 клас

Тэма: “Сталовая бялізна”

Мэты:

• актуалізаваць і паглыбіць веды вучняў аб сталовай бялізне, яе відах і прызначэнні; выкарыстоўваемых матэрыялах і аздабленнях. Сфарміраваць паняцце аб ролі і месцы сурвэткі, абруса, ручніка як элемента сталовай бялізны ў агульнай сістэме ведаў аб сервіроўцы стала.

• Развіваць практычныя навыкі па распрацоўцы эскіза сурвэткі, падбору матэрыялаў і аздаблення. Развіваць творчыя здольнасці, эстэтычны густ.

• Выхоўваць імкненне прымяняць свае веды на практыцы і інтэрэс да вынікаў сваёй працы.

Тып урока: камбінаваны, з выкарыстаннем элементаў асобасна-арыентаванай, здароўезберагаючай, гульнёвай тэхналогій.

Колькасць гадзін: 2

Ход урока

1. Арганізацыйны момант

З добрым ранкам вас, дзяўчынкі!

Шчыра вас вітаю.

На чарговы, на ўрок

Я вас запрашаю.

Адкажыце, калі ласка,

Запытаюся ў вас:

“Ці гатовыя да ўрока

Вы прыйшлі сягоння ў клас?

Можа хтосьці паляніўся?

На ўрок наш не з’явіўся?

Калі не, за крокам крок

Пачынаем наш урок.

Кожны чалавек адчувае сябе добра, калі свеціць сонейка, калі дома ўсё ў парадку, калі яго любяць і калі побач ёсць сябар, з якім можна параіцца.

Давайце возьмемся за рукі і адчуем цяпло далоней, паглядзім адзін аднаму ў вочы, усміхнемся і пажадаем добрага настрою і творчых поспехаў.

2. Вывучэнне новага матэрыяла

Аб’яўленне тэмы ўрока.

На працягу апошніх урокаў мы вывучалі шмат цікавых тэм. Вось і сёння тэма нашага ўрока вельмі важная для будучай гаспадыні.

Тэма сённяшняга ўрока “Сталовая бялізна”. (запіс ў сшытак)

? Як вы думаеце, што адносіцца да сталовай бялізны? (адказы вучняў)

Сталовая бялізна – гэта вырабы з тканіны, якія прызначаны для выкарыстання за сталом, а таксама падчас гатавання і ўжывання ежы. (запіс ў сшытак)

Скажыце, вы любіце падарожнічаць? Тады я вас запрашаю ў падарожжа па краіне Сталовай бялізны.

1-ая станцыя – “Ручнікі”

Ручнік – вузкі прадаўгаваты кавалак тканіны, прызначаны для выцірання цела ці посуду. (работа ў сшытку)

З гісторыі ручнікоў (паведамленне вучаніцы)

? А ці ведаеце вы дзе і як прымяняюцца ручнікі?

У мяне ў кабінеце ёсць чароўны куфэрак, ён заўсёды дапамагаў мне знайсці адказы на розныя пытанні. Можа звернемся да яго? (вучні выцягваюць з куфэрка карткі з прымяненнем ручніка і чытаюць)

Тканіна, якая больш за ўсё падыходзіць для пашыву ручнікоў – гэта ільняное палатно. Яно добра мыецца, вызначаецца трываласцю і заўсёды мае прывабны выгляд. Выкарыстоўваюцца і баваўняныя тканіны (белыя, стракатыя, каляровыя, аднатонныя), якія таксама лёгка мыюцца.

У асноўным для ручнікоў падбіраюцца тканіны ў палоску або ў клетку. (паказ узораў тканіны)

Ручнік можа быць аздоблены махрамі, кісцямі, карункамі, вышыўкай, тасьмой.

2-ая станцыя – “Абрусы”

Абрус – кусок тканіны асобай выпрацоўкі, якім накрываюць стол.

Абрус – гэта аснова ўсёй кампазіцыі стала. І менавіта ад правільна падабранага абруса залежыць знешні выгляд стала.

З гісторыі абрусаў (паведамленне вучаніцы).

? Якія ж бываюць абрусы? Калі іх выкарыстоўваюць?

Найлепшы матэрыял для абруса – ільняная тканіна. Лён валодае высокай ступенню ўпітвання, зносастойкасці і ўстойлівы да расцяжэння. Але ён моцна мнецца, цяжка прасуецца.

Абрусы з ільняной тканіны з блішчастымі выпуклымі ўзорамі называюць адамашкавымі. Яны прымяняюцца для самых урачыстых выпадкаў. Таксама для ўрачыстых выпадкаў рэкамендуюцца беласнежныя, злёгку накрухмаленыя абрусы.

Для штодзённага карыстання ў нашай краіне выпускаюць воданепранікальныя тканіны.

Прамысловыя прадпрыемствы Беларусі выпускаюць абрусы прамавугольнай, круглай і авальнай формаў стандартных памераў. (мал. 31, с. 86 падручніка)

Па краях абрус можа быць упрыгожаны махрамі, кісцямі, карункамі, тасьмой, бейкай, вышыўкай. (паказ відаў аздобы)

? Як жа правільна выбраць абрус? (работа з падручнікам, с. 86 )

3-яя станцыя – “Сурвэтка”

Сурвэтка (франц. “servette”) азначае - хустачка, або мяккі паперны лісток, прызначаны для выцірання губ і рук у час прыёму ежы і пасля ежы.

Сурвэтка – абавязковы элемент сервіроўкі стала і ад яе таксама залежыць эстэтычны выгляд стала.

Як жа з’явілася сурвэтка ? (паведамленне вучаніцы).

? Якое прызначэнне мае сурвэтка? Звернемся да чароўнага куфэрку. Можа ён нам падкажа? (дзеці выцягваюць карткі і чытаюць)

Традыцыі і строгі стыль патрабуюць выкарыстоўваць для сервіроўкі стала сурвэткі, вырабленыя з той жа тканіны, што і абрус. Яны могуць быць аднаго колеру з абрусам або адрознівацца тонам, але абавязкова падкрухмаленыя і добра распрасаваныя.

Калі пакрываюць стол падвойным абрусам, то сурвэткі паўтараюць колер асноўнай тканіны.

Форма сурвэткі заўсёды квадратная, а памеры могуць быць розныя, у залежнасці ад прызначэння. Для сервіроўкі абедзенага стала выкарыстоўваюць сурвэткі вялікіх памераў (40 х 40 см, 50 х 50 см, 60 х 60 см). Для снедання і вячэры сурвэткі крыху меншыя – 30 х 30 см і 35ха 35 см.

Фізхвілінка

3. Уводны інструктаж.

Цеплыню дома, яго прыгажосць, акружаючыя рэчы і хатняя ўтульнасць – усё залежыць ад гаспадыні. А так як вы будучыя гаспадыні, мы сёння на ўроку пачнем выраб сурвэткі. Тэма сённяшняй практычнай работы “Распрацоўка эскіза. Падбор матэрыялаў і выбар віду аздобы.”

4. Практычная работа.

Разгледзім паслядоўнасць выканання практычнай работы.

Паўтарэнне правіл бяспечнай працы пры рабоце з нажніцамі.

Цякучы інструктаж.

• арганізацыя працоўнага месца;

• правільнасць і акуратнасць выканання работы;

• выкананне тэхналагічнай паслядоўнасці;

• выкананне правіл бяспечнай працы;

• самастойнасць выканання;

• выяўленне і выпраўленне памылак.

5. Заключны інструктаж. Падвядзенне вынікаў урока.

Абарона практычных работ.

Сёння вы добра папрацавалі. Я хачу, каб вы самастойна ацанілі сваю працу на ўроку. (работа вучняў з ацэначнымі лістамі)

Выстаўленне адзнак, іх каментарый.

6. Рэфлексія. “Лесвіца ведаў”

Мне сёння вельмі прыемна было працаваць з вамі на ўроку. Спадзяюся, што веды, атрыманыя на ўроку, спатрэбяцца вам у жыцці.

Азначэнні

Сталовая бялізна – гэта вырабы з тканіны, якія прызначаны для выкарыстання за сталом, а таксама падчас гатавання і ўжывання ежы.

Абрус – кусок тканіны асобай выпрацоўкі, якім накрываюць стол.

Сурвэтка (франц. “servette”) азначае - хустачка, або мяккі паперны лісток, прызначаны для выцірання губ і рук у час прыёму ежы і пасля ежы.

Ручнік – вузкі прадаўгаваты кавалак тканіны, прызначаны для выцірання цела, посуду.

КАРЫСНЫЯ ПАРАДЫ

РУЧНІК

Вышываюць аднолькава да вышытых сурвэтак і пры сервіроўцы стала сцелюць яго пасярэдзіне стала, можна і паверх белага абруса. Вышытыя ручнікі прыдаюць сталу святочны выгляд.

СУРВЭТКА

Яшчэ нашым бабулям падабалася падаваць да стала велькія накрахмаленыя сурвэткі. Але не трэба крахмаліць іх надта моцна: непрыемна выціраць рот чымсьці падобным на кардон.

5

Практычная работа № 9

Тэма: Распрацоўка эскіза вырабу. Падбор матэрыялаў, выбар віду

аздаблення

Мэта: распрацаваць эскіз абруса (сурвэткі).

Абсталяванне: узоры тканін, узоры аздобы, клей, нажніцы, каляровыя алоўкі, рызінка.

Ход работы

1. Перад тым, як выбраць мадэль абруса (сурвэткі), прадумайце:

• дзе і калі яны будуць прымяняцца;

• тканіна, з якой бузе пашыты абрус (сурвэтка), яе колер;

• якой формы будзе абрус (сурвэтка);

• від аздаблення.

1. Намалюйце эскіз абруса (сурвэткі), які вы будзеце шыць.

1. Падбярыце ўзор тканіны і прыклейце яго каля эскізу.

1. З прапанаваных узораў выберыце від аздобы і прыклейце.

1. Апішыце выбраную вамі мадэль абруса (сурвэткі) па схеме:

• Прызначэнне абруса (сурвэткі);

• Від тканіны;

• Колер;

• Форма абруса (сурвэткі);

• Від аздобы.

Напрыклад: абрус для чайнага стала з баваўнянапапяровай тканіны блакітнага колеру. Прамавугольны, аздабленне – карункі.

________________________________________________________

________________________________________________________

________________________________________________________

Вынік: пры распрацоўцы эскіза абруса (сурвэткі) неабходна ўлічваць: ________________________________________________

________________________________________________________________________________________________________________

Практычная работа № 9

Тэма: Распрацоўка эскіза вырабу. Падбор матэрыялаў, выбар віду

аздаблення

Мэта: распрацаваць эскіз абруса (сурвэткі).

Абсталяванне: узоры тканін, узоры аздобы, клей, нажніцы, каляровыя алоўкі, рызінка.

Ход работы

1. Перад тым, як выбраць мадэль абруса (сурвэткі), прадумайце:

• дзе і калі яны будуць прымяняцца;

• тканіна, з якой бузе пашыты абрус (сурвэтка), яе колер;

• якой формы будзе абрус (сурвэтка);

• від аздаблення.

1. Намалюйце эскіз абруса (сурвэткі), які вы будзеце шыць.

1. Падбярыце ўзор тканіны і прыклейце яго каля эскізу.

1. З прапанаваных узораў выберыце від аздобы і прыклейце.

1. Апішыце выбраную вамі мадэль абруса (сурвэткі) па схеме:

• Прызначэнне абруса (сурвэткі);

• Від тканіны;

• Колер;

• Форма абруса (сурвэткі);

• Від аздобы.

Напрыклад: абрус для чайнага стала з баваўнянапапяровай тканіны блакітнага колеру. Прамавугольны, аздабленне – карункі.

________________________________________________________

________________________________________________________

________________________________________________________

Вынік: пры распрацоўцы эскіза абруса (сурвэткі) неабходна ўлічваць: ________________________________________________

________________________________________________________________________________________________________________

Сталовая бял і зна

Сталовая бял і зна

Абрусы Сурвэткі Ручнікі

Ручн і к

• Ручнік – вузкі прадаўгаваты кавалак тканіны, прызначаны для выцірання цела ці посуду

З г і сторы і ручн і коў

А брус

• Абрус – кусок тканіны асобай выпрацоўкі, якім накрываюць стол.

Сурв э тка

• Сурвэтка (франц. “servette”) азначае - хустачка, або мяккі паперны лісток, прызначаны для выцірання губ і рук у час прыёму ежы і пасля ежы.

Спалуч э нне колера ў

Дзякуй за ў вагу!