Статья "1 сентябрь - "Белем бәйрәме"

Белем көне - ул чәчәкләр һәм ак тасмалар бәйрәме. Бу көнне безнең балалар да , чәчәк бәйләме тотып, яраткан бакчабызга  ашыга.  Җәйге яллардан соң  сезне балалар бакчасы  яңадан каршы ала. Җәйге матур көннәрдә балалар никадәр зур үскәннәр, кояшта кызынып, гомумән, рәхәтләнеп ял иткәннәр. Моның шулай булуы балаларның  нурлы йөзләрегездән күренә, алар үзләре  дә кояш нурларыдай балкыйлар. Никадәр һәм ничек кенә ял итсәк тә, без бүген барыбыз да үзебезнең яраткан балалар бакчасына җыелдык. Бәйрәмне зурлар төркеме  матур итеп  башлап җибәрде. Балалар үзләренең шигырьләрен матур итеп сөйли башлаган вакытта, көтмәгәндә залга убырлы килеп керде. Балаларга тагын бер күңеллелек өстәлде. Ул балаларны төрле яктан сынап карады: әле санап күрсәтергә кушты, әле җитезлекләрен сынап карап ярыштырды. Убырлының “А в школе – что?” уенын, шулай ук рус телендә булган табышмакларын  балалар бик яраттылар. Аның бу сынауларын бик тиз һәм җитез генә үтәп чыктылар. Убырлы үзе дә балаларга кушылып уеннар уйнады, биеде, җырлады. Балалар үзләренең тәрбиячеләрен дә онытмыйча, аларны бәйрәм белән котлап үзләренең шигырләрен сөйләделәр. Бәйрәм бик матур, күңелле үтте.