Статья "Роль проектной деятельности"

Сакъ район

МБУМ "Суворово орта мектеби"

Къырымтатар тили оджасы

Джемилова Э.И.

чыкъышы

Къырымтатар тили ве эдебияты дерслеринде проект фаалиетининъ ролю

"Зеин дегиль, озь фикир арекети иле

тапылгъан бильги акъикъий бильги

сайылыр"

Л.Н. Толстой

"Айт манъа- мен унутарым, 
Косьтерсень- мен хатырларым,
Меракъландыр- мен япар ве анъларым".
Конфуций

Биз къырымтатар тили оджалары ишимизде чешит усуллардан

файдаланамыз. Лякин эпимизни бирлештирген бир макъсат- русча къонушкъан талебелерни ана тилинде лаф этмеге огретмек. Оджа ичюн баланы озь фенине нисбетен мерагъыны арттырмакъ буюк проблема. Чокъларыныз бу фикирнен, мен беллесем, разы олурсыз.  Бир типтеки дерслер, эв вазифелер- булар эписи талебелерни бездире, истеги эксиле ве джоюла.

"Окъумакъ керек" дегенде окъув процессине негатив тесир догъура. 

     Насыл этип огренеяткъан фенине талебенинъ мотивациясыны (сильтем) юксельтмели? 

      Проект- тедкъикъий фаалиет бу проблеманы чезмеге ел ача. Талебелернинъ эписи, атта "зайыф" сайылгъанлар да, зевкъ ве меракънен, истекнен вазифе беджермеге янашалар. Бу технология узеринде чалышмакъны макъуль корем, чюнки базы вакъыт озь тешеббюсинен ана- бабалар да къатыла билелер, бу пек эмиетли тербиевий ань олып чыкъа.

     Бу янъылыкъ дегиль. Хорошо забытое старое,-деген киби. Эвель китап, дерслик екъ дереджеде олгъан заманда айны усуллардан файдалана эдик. Проект фаалиети- бу иджадий джерьян (процесс). Эр бир талебе процесс девамында озюни косьтере биле. Эсас хусусиети- эр бир талебеге шахсий янашув беджериле (личностно -индивидуальный подход).

      Проект тедкъикъ фаалиети талебенинъ акъкикъий талимине ярдымджы ола, чюнки о: 

• Шахсий ориетирленген

• сечильген вазифе узеринде чалышкъан сайын меракъ да арткъаны корюле 

• эр бир этапта педагогик макъсат къойып чезмек ичюн ёл ачыла

• озь шахсий иш теджрибесинде огренмеге, конкрет иш беджермеге ел ача 

• озь ишини беджергенини корьген талебе хошнутлыкъ дуя, тесирлене, гоньлю къувана

                                                                     Тарихкъа бир назар ташлайыкъ 

   ХХ асыр башында проект усулы АКЪШ да пейда олгъан. Онынъ эсасчысы америкалы фельсефеджи, психолог ве педагог Джон Дьюи. 1905с. Русиеде Шацкий деген педагог бу усулны къулланып, мувафакъиетке иришмеген. 1931с. бу усул ясакъ этильген. Совет укюмети де къабул этмеген, бу технология популярлыкъ къазанмагъан. Тек ХХI асырда бу усул янъы омюр корип башлады. онынъ маиети (суть) талебелернинъ бильгиге ынтылувыны, мерагъыны стимуллаштыра ве алгъан бильгилерни чешит конкрет проблемлерни чезюв ичюн амельде мектептен тышта къуллана бильмекни огрете.

      Шимдики заманда "янъы тасиль технологиялары" деген тюшюндже проект усулысыз акъылгъа сыгъмай. Проект огретювининъ макъсады шунда ки, талебелерге огренюв ичюн шараитлер яратыла:

• мустакъиль суретте , истекнен етишмеген бильгилерни чешит менбалардан къыдырып тапалар

• алгъан бильгилерини чешит огренюв ве амелий меселелер чезювде файдаланып огренелер

• группаларда чалышып, коммуникатив мелекелер къазаналар (приобретают коммуникативные навыки)

• озьлерининь тедкъикъий беджериклерини инкишав этелер (проблеманы аныкълав, информацияны топлав, козетюв, талиль япув, умюмийлештирюв)

• системалы фикир юрсетювни инкишаф эте

Проект чешитлери

1. тедкъикъий проект

2. иджадий проект

3. роль проекти

4. информацион проект

5. амелий- ориентирленген

Информацион проект

• Исмаил Гаспринский 165 йыллыгъы

1. Омюри

2. Журналистик фаалиети

3. Эдебий фаалиети

4. Педагогик фаалиети

5. «Терджиман» газетасы

6. Гаспралы акъкъында сезлер

Эдебият дерслеринде бу проект зияде уйгъундыр

Роль проекти

Талебелер эдебий, тарихий къараман, персонажларны сечелер, роллерде ойнап, къараманнынъ тиль ифаделигини косьтерелер.

Амелий – ориентирленген проект

Талебелерге лугъатнен чалышмакъ керекми?

- синонимлер лугъаты

- изалав лугъаты

- фразеологик лугъат

- имля лугъаты

Иджадий проект 1

Мевзу «Аилемнинь тарихы Ватан тарихында»

• Проблема: «Озь сюлялемизни, аиле тарихыны, эдждатларны толусынен яхшы дереджеде бильмеймиз,»

• Не ичюн? Меракъланмаймыз. Керекли къадар малюматлар сакъланмагъан. Аилевий аньанелер екъ дереджеде. Ана-бабалар озь аиле тарихыны бильмейлер. Къартана-къартбабалар узакъта яшайлар. Оларнен къавий багъ екъ.

• Не япмалы? Озь аиле тарихыны огренмели

• Насыл этип? Ана-бабалардан, къартлардан, сой-акърабалардан сорап бильмек, къоранта акъкъында малюматлар, весикъалар, аиле дегерликлери, фото суретлер, альбомлар огренмек.

• Не къазандыкъ? Нетидже (результат)

• Инша «Аилемнинъ тарихы Ватан тарихында»

Иджадий проект 2

«Бир сезнинь энциклопедиясы» проектининъ алгоритми

1. Сёз … онынъ лексик манасы

2. Сёз… этимологиясы

3. Сёз… тамырдаш сезлер

4. Сёз… синонимлер

5. Сёз… антонимлер

6. Сёз… фразеологизмлерде

7. Сёз… сёз бирикмелерде

8. Сёз… халкъ агъыз иджадында, аталар сезлери, айтымлар, тапмаджалар, эфсанелерде

9. Сёз… бедиий эдебият метинлеринде

10. Сёз… ресимлер адларында (рессам)

11. Сёз… фильм адларында

12. Сёз… газета, журнал адларында

13. Сёз… бала иджадий нуткъунда (озь шиир, масал, икяе)

14. Сёз… талебелер ресимлеринде (айны сёз омюрини акс эткен)

Проект технологиясынъы эсас шекиллери агъзавий ве язма олур.

Агъзавий шекиль – сёз зенгинлигини арттырув

- ситуатив мешгъулиетлер беджерюв

- монолог, икяе

Язма шекиль – мешгъулиетлер

- мини-иншалар

- мини беянлар ве башкъалар.

Комбинирленген проектлерден де файдаланмакъ мумкюн. Адет узре дерстен тыш ишлерде файдалангъан иджадий викториналар, конкурслар, чешит саналаштырувларны талебелер истекнен къолай къабул этелер ве беджерелер.

Проект фаалиети къырымтатар талебелерине озь ана тилини менимсемеге чокъ ярдым эте. Бу усул эсасында талебелернинъ идрак ( огренюв) мелекелерининъ инкишафы, озь бильгилерини мустакъиль тизмек, къурмакъ (конструировать), инфармацион фезада (пространство) ориентирленмек, иджадий ве тенкъидий фикирлев инкишафы тура. Огренюв ёлунда огренюв джерьяныны тешкиль этюв вастасыдыр. Чешит сааларда бильгилерни джельп этип, проблемни чезмек ичюн, макъсаткъа иришмек ичюн арект этелер. Бу проектни къуланъгъанда талебелер окъув объектинден окъув фаалиетининъ субъектине чевириле. Оджа исе ярдымджы – консультант ролюнде олур. Незарет этюв ичюн бу энъ мувафакъиетли шекиллерден биридир. Проект иши нетиджесинде месулиет талебенинъ озюне юклене. Проект азырлав ве къорчалав мевзу узеринде ишни екюнлев этапында кечириле. Бу иджадий севие. Эвель япылгъан пекетюв ве фааллештирюв боюнджа ишлернен талебелер гузель материаллар азырлап нумайыш этелер (такъдим).

Такъдимнаме шекеллери чешит ола билир: доклад, бюллетень чыкъарув, буклет, мультимедия такъдимнамеси ве башкъалар.

Проект усулы дерслерде мусбет нетиджелер бере. Эсас зорлукъны талебелернинъ чокъ ишлери олгъаны ( перегрузка ) ярата. Тедкъикъий ишлери чокъ файда кетире ве чокъ да вакъыт ала. Ярдымджы васталар : китапхане, интернет, газета, журнал –КМВ (СМИ). Шу чокъ ишлери олгъан себептен, талебелерни проект фаалиетине йыл девамында 1-2 кере джельп этмек етерли.

Ильмий- тедкъикъий ве проект фаалиетининъ нетиджелери

- ана тили дерслерине меракъларыны фааллештирюв - викторина, конкурсларда, чешит севиели олимпиадаларда иштирак этюв – талебелернинъ аттестация вакътында бильги кейфиетини юксельтюв .

Проект фаалиети – талебелернинъ мустакъиль чалышувыны, земаневий инфармацион технологияларны, шахсий – ориентирлер окъутувны бирлештирген ( бераберлештирген) энъ яхшы ёлларнынъ биридир ( для совмещения).

Бойле иш нетиджеси- 70% талебелер анълайлар, 50-60% джевап бермеге тырышалар, 30-40% ана тилинде сербест лаф этеллер .

43 сене оджалыкъ япам, нефакъаджы олсам да, яшларнен берабер янъы усулларны огренмеге ве омюрге кечирмеге тырышам.

Талебелернинъ ишлери

Отдел образования Сакской райгосадминистрации

Конкурс литературно-творческих работ

«Сюргюнлик эбедий хатырамызда»

«Драма майских дней 1944 года»

Выполнила

Акаева Зера

учащаяся 11 класса

МБОУ «Суворовская средняя школа»

Руководитель

Джемилова Эргуван Ильясовна

учитель крымскотатарского языка и

литературы

2016