Статья:“Татарча да яхшы бел,русча да яхшы бел” викторина

“Татарча да яхшы бел,русча да яхшы бел” викторина

Татарча да яхшы бел,

Урысча да яхшы бел.

Икесе дә безнең өчен

Иң кирәкле, затлы тел.

Ш.Маннур

29нчы гыйнвар көнне “Черемушка”балалар бакчасында «Татарча да яхшы бел, русча да яхшы бел!» дигән викторина булып үтте.Балалар «Тапкырлар» һәм «Зирәкләр» командаларына бүленделәр.Тәрбияче “ татар теле- туган телегез булса,рус теле дәүләт теле булып санала ,шуңа күрә икесен дә яхшы белергә кирәк” дип, Ш.Маннурның шигыри сүзләр белән бәйгене башлап җибәрде.Акыл иясе балаларны белемнәрен тикшереп карар өчен төрле сынаулар әзерләгән иде.Викторина башында командалар үзләре турында сөйләп, девизлары белән таныштырдылар. Уен дәвамында“Тел чарлау”, “табышмак әйтәм җавап тап”, “тәрҗемәчеләр”, “хикәя төзе”, “матур сүзләр беләсезме?”, “ бу кайсы әкияттән?”дигән бәйгеләрдә көч сынаштылар. Акыл иясе ике команданың да белемнәрен тикшерде. Балалар татар телен дә, рус телен дә яхшы беләләр икән, шуңа күрә ике команда да җиңүгә иреште, дуслык җиңеп чыкты. Викторина ахырында Акыл иясе балалар бакчасына «белем ачкычы» бүләк итте.

Лилия Ибраһимова