Стихотворение "Ирыстон - мæ цард"

Ирыстон- мæ цард

Æз ирон лæг дæн, Алайнаг, Æз сæрыстырæй цæрын. Æз мæ зæрдæйы фæндиаг Райгæ а-зæххыл цæуын.

Æз Ирыстоны фысым дæн. О куыд хорз у, дæн ирон. Ацы комбæстæм фæзындтæн- Никуы йыл кæнын фæсмон.

Æз Ирыстоны - цæргæс дæн, ᴁз Ирыстоны – уæйыг. ᴁз Ирыстоны ныфсджын дæн. Ацы зæххыл дæн хъæздыг.

ᴁз хъæздыг дæн Иры уарзтæй. У мæ риу йæ цинæй ̓фсæст. Бузныг дын, Хуыцау, кæй нæ дæн Искæй къæхты бын ыссæст.

О куыд хорз у ̓мæ иронæй Искæй бæстыл нæй мæ цард, Уæд æрвитин цард фыдбонæй, Цардæгасæй уаин мард.

ᴁз ирон лæг дæн, мæ зæххыл Къахдзæф барджынæй кæнын. ᴁз æдæрсгæйæ нæ бæстыл Ргом мæ ныхæстæ зæгъын.

Цалынмæ цæрон нæ зæххыл, Цалынмæ тæлфа мæ уд, Уалынмæ нæ Иры бæстыл Зæлдзæн хъæлдзæгæй мæ худт.