Стихотворения ко Дню Победы для дошкольников на казахском языке

Алтын тулар желмен ойнап,

Қуанышты ұлғайтамыз.

Жеңіс күнін жылда тойлап,

Жеңіс әнін жылда айтамыз.

Бабалардың айбынды үнін,

Тындаймыз біз мақтанышпен.

Тоғызыншы майдың күні –

Тойдың күні тоқаш піскен.

Бақыт сыйлап жатады әр күн,

Санамызға жарық берген.

Әкелері аталардың

Бұл жеңісті алып келген!

Қуантамыз ән сап жұртты,

Келе берсін бақыт таңы.

Жеңіс күнің болсын құтты,

Батырлардың ұрпақтары.

Адамдардың шалқып ойы

Асқақтайды от арман,

Жеңіс тойы - елдің тойы!

Ердің тойы- қаһарман!

На выпуск

Мектепке енді барамыз,

Біз оқушы боламыз.

Жақсы оқып сабақты,

Кілең бестік аламыз!

Ойыншықты жинаймыз,

Бөбектерге сыйлаймыз.

Үлкен болып өссек те,

Бақшамызды қимаймыз!

Біз мектепке барамыз,

Қолға қалам аламыз

Кітапты оқимыз,

Суретті де саламыз!

Сәлем саған мектебім!

Сәлем білім ордасы!

Жасыл бақты мектебім,

Жастық шақтың ордасы.

Қызық күндер өткіздік

Балабақша бағында

Көп оқидық, көп білдік

Ел мен Отан жайында!

Тәрбие берген ұямыз,

Тәртіпті бала боламыз.

Қоштасып балабақшамен,

Біріншіге барамыз!

Қуанышым менің мол,

Мектебіме тартып жол,

Ұмытпаймын өзіңді

Балабақшам, қош сау бол!

Адам етіп баптаған,

Ардақтап бізді мақтаған.

Тәрбиешіміз, сізге мың алғыс!

Біздер жеті жастамыз,

Сәбиліктен асқанбыз.

Мектеп бізді шақырды,

Қош бол, әсем бақшамыз!

Сен үйреттің сөйлеуді,

Сенде ойым есейді.

Мектепке барам мен енді,

Балабақшам, қош енді!