Просмотр содержимого документа
«Стихотворение"Моей Гюлкиз"»
Къызардашдай болгъан магъа ,Гюлкъызым.
Къызардашдай болгъан магъа, Гюлкъызым,
Гьар заман да сени шатлы гёрейим.
Насип явсун ожагъынга сени деп,
Тенгиримден мен алгъышлар тилейим.
Шатлыкълардан толсун уьюнг, ожагъынг,
Яхшылыкъгъа аякъларынг алынсын.
Гелин гелип, уьй-ожакъдан айлансын,
«Анам» дейген татли сёзлер чалынсын.
Пашманлыкъ да тайып сени юзюнгден,
Къуванчлыкъны тёрлеринде гёрейим.
Балангны балаларын кёп сююп,
Алгъыш этип, кёкге чююп ойнагъыр.
Уьй-ожагъынг талай насипден толсун,
Бал къошулсун сен ашайгъан ашынга.
Къызардашдай болгъан магъа Гюлкъызым.
Хадиргюнлер тувсун сени башынга.
Шат гюнюнгде сени булан тенг болуп,
Юрегимден сююнемен сююне.
Сыйлы болгъан Оьтемиш топуракъдан
Сююнч, къуванч алып гелдим уьюнге.
Яхшы сагьатлар болсун!
Яхшы сагьатлар болсун,
Бары зат яхшы болсун.
Биз де гелип турардай,
Гьар йылда бир той болсун.
Гелдик сизге сююне,
Гече юхубуз гелмей.
Алтындай янгур явусун, Гюлкъыз,
Абзарынга, уьюнге.
Бола буса, тойлар болсун,
Къанатлы ойлар болсун.
Абзарынг, уьюнг булан
Улан-къызлардан толсун.
Уланынг насип тапсын,
Ёлдашындан сююнюп.
Гелининг чалт айлансын.
Билеклерин чююрюп.
Абзарда яшыл терек
Яшыныгъыз йыланлар.
Алихан учун гелген
Сав болугъуз, уланлар.
Гюлкъызны шат гюнюнде
Къуванайыкъ, ашайыкъ.
Шатлыкъгъа шатлыкъ къошуп,
Тойлар эте яшайыкъ!