Сценарий праздника
«Посвящение в гимназисты».
Цӕгъды музыкӕ, бӕрӕгбон фӕлыст скъолайы агъуыст.
Фыццаг къласы скъоладзаутӕ сӕ ахуыргӕнджытимӕ лӕууынц сӕ бӕрӕг бынӕтты, музыкӕ фӕмынӕг.
Амонӕг 1: -Уӕ бон хорз, нӕ зынаргъ ахуыргӕнджытӕ ӕмӕ скъоладзаутӕ!
Амонӕг 2:-Добрый день, дорогие наши учителя и ученики!
Амонӕг 1: «Алайнаг гимназ»-ӕн йӕ кой,
Ирыл айхъуыст дардмӕ.
Йӕ ном, йӕ кад бӕрзонд хъуамӕ хӕссой,
Йӕ ахуырдзаутӕ цардмӕ.
Амонӕг 2: Многим гимназия наша известна,
Учиться в гимназии всем интересно.
В ней традиций очень много
И сегодня день особый.
Амонӕг 1: Бӕстӕтӕ бирӕ сты, дуне – уӕрӕх.
Цард дзы ӕнхъӕвзы фӕрнӕй.
Фӕлӕ дӕ хуызӕн мӕ Райгуырӕн зӕхх,
Ацы стыр дунейы нӕй.
Амонӕг 2: Патриотом стать не стыдно,
Патриотом надо быть.
Гимн страны своей родимой
Восхваляя петь, любить.
Звучат гимны: Осетии и России (куплет+припев).
Амонӕг 1: Нӕ фыццагкъласонтӕ, хӕрз ӕрӕджы сымах ӕрбакъахдзӕф кодтат фыццаг хатт скъолайы къӕсӕрӕй, ахуыры бӕрзӕндтӕм схизынмӕ.
Амонӕг 2: Дорогие первоклассники, сегодня у вас первый школьный праздник – «Посвящение в гимназисты». В начале сентября вы перешагнули порог школы, не зная её законов, а теперь вы узнали школьные порядки и правила.
1 скъоладзау:
Хъазгæ-худгæ хур ыскаст,
Абон у нæ фæндаг раст.
Згъорæм скъоламæ цæрдæг,
Дуне нæм кæны хæлæг!
2 скъоладзау:
Мах хъазгӕ, худгӕ уайӕм,
Скъоламӕ цӕрдӕг.
Кӕсӕм, фыссӕм, нымайӕм –
Нӕ зӕрдӕ у хъӕлдзӕг.
3 скъоладзау:
Ахуырвæндагыл цæуæм,
Зонындзинæдтæм тырнæм.
Калы 'рттывд æмæ цæхæр
«Аллон гимназ»-ы къæсæр.
4 скъоладзау:
Мах уарзӕм чиныг, уарзӕм,
Мах ахуырмӕ тырнӕм,
Фӕскуыст, фӕсахуыр хъазӕм
Нӕ фаг уынӕм рӕвдыд.
Амонӕг 1:
Зарæг æртахти æнустæй,
Зæрдæтæй суры фæллад.
Зарæг, дæ сызгъæрин рухсæй
Базыдтон цардæн йæ ад.
Амонӕг 2: Нӕ зарӕггӕнджыты къорд «Булӕмӕргъ» уын уӕ зӕрдӕтӕ барухс кӕндзӕн йӕ рӕсугъд ӕмӕ аив зардӕй. Табуафси, хонӕм уӕ сценӕмӕ.
(Хъуысы музыкӕ)
Переход на книги: тетр.студи (о книгах)
Знайка- Азбука-Борукаева С.
Сова-Математика-Кайтукова Д.
Зондаби-Абетӕ-Дзанагов А.
Саукуыдз-Физра-Харебов Э.
Рувас-Алфамбылай дуне-Гуриева А.
Саукуыдз рацыд заргӕйӕ. Диск №1 зарӕг № 11.
-Предметтӕ мӕ разы ма ӕрлӕуут! (предметтӕ рацыдысты)
Саукуыдз: - Ныртӕккӕ мах нӕ тыхтӕ ӕвзардзыстӕм ӕмӕ уӕ тыхджындӕр ӕмӕ зондджындӕр чи у, уый базондзыстӕм.
Саукуыдз дзуры Зондаби ӕмӕ Знайкӕмӕ.
-Адӕм цӕуыл быхсой, ууыл ды дӕр быхс.
-Адӕймаг кӕд истӕмӕй фӕзминаг у, уӕд йӕ ӕфсарм ӕмӕ йӕ хорз ӕгъдауӕй.
-Дӕхиуыл куыд тыхсыс, искӕуыл дӕр афтӕ батыхс.
Уыг: цы фӕнды куы кӕнат, уӕддӕр мӕнӕй зондджындӕр нӕ разындзыстут, уымӕн ӕмӕ ӕз ӕфтауын, нымайын, дӕнцӕгтӕ ӕмӕ хынцинӕгтӕ аразын зонын. Бафӕлварут ма сымах уый ӕппӕт диссӕгтӕ бахъуыды кӕнын.
Иу, дыууӕ, хынцинӕгтӕ
Аразӕм ӕнцонӕнӕй.
՚Ртӕ, цыппар, дӕнцӕгтӕ дӕр,
Анымайӕм, зон ӕй!
Фондз, ӕхсӕз ӕрдихтӕ кӕн,
Стӕй сӕм баппар авд дӕр,
Ӕмӕ цу нымайгӕйӕ
Дарддӕр ӕмӕ дарддӕр!
(уӕдмӕ фӕзынд рувас)
-Уӕ бон хорз, мӕ хӕлӕрттӕ. Цӕуылдӕр тынг тыхст стут? Цы кӕнут?
Зондаби: Мӕнӕ скъолайы нӕ кӕцы предмет у ахсджиагдӕр у, ууыл быцӕу кӕнӕм!
Рувас: Ӕмӕ цӕуыл быцӕу кӕнут, нӕ алфамбылай алырдӕм дӕр куы акӕсай, уӕд дзы ӕнӕ зонындзинӕдтӕй нӕ фӕцӕрдзынӕ. А дунейы нӕ алцыдӕр хъӕуы, ирон ӕвзаг фыццаджы дӕр, уымӕн ӕмӕ у нӕ мадӕлон ӕвзаг, уырыссаг ӕвзаг та нӕ паддзахадон ӕвзаг у. Уӕдӕ ӕнӕниз ӕмӕ тыхджын цӕмӕй уӕм, уый тыххӕй та Саукуыдз ӕнӕ дӕуӕй ницы бакӕндзыстӕм, уӕдӕ ныры рӕстӕг нымайын куы нӕ зонай, уӕд наукӕты бӕрзӕндтӕм не схиздзынӕ. Алы предметӕн дӕр уӕдӕ мӕ йӕхи зонындзинӕдтӕ ис.
Песня «Учат в школе»…
Буквы разные писать,
Тонким пёрышком тетрадь
Учат в школе, учат в школе, учат в школе.
Вычитать и умножать
Малышей не обижать
Учат в школе, учат в школе, учат в школе.
Скъоладзау 1:
«Чиныг –цард нывгӕнӕг,
Рухсгӕнӕг цырагъ.
Алкӕмӕн дӕр уарзон,
Буц ӕмӕ зынаргъ.
Скъоладзау 2:
Чиныг - цард нывгӕнӕг,
Чиныг – бонты уаг.
Чиныг – ахуыргӕнӕг,
Чиныг – рухс фӕндаг.
Амонӕг 2: Адæймаг йæ райгуырæн бонæй йæ царды фæстаг бонмæ амайы мæсыг - йæ царды мæсыг. Амайгæ та йæ кæны йæ къухты фæллойæ, йæ зонд æмæ зæрдæйы рæсугъддзинадæй. Хистæр кадджын кæм у, кæстæр-æгъдаудæттæг, лæджыхъæд æмæ уæздандзинадæн кад æмæ рад кæм ис, уым царды мæсгуытæ бæрзонддæр сты.
Амонӕг 1: Уӕдӕ махӕн дӕр, ӕрвылбон нӕ зонды фӕрцы мӕсыг амайынӕн чи ӕххуыс кӕны, уыдонӕн сӕ хистӕр у «Алайнаг гимназ»-ы сӕргълӕууӕг. Ныхасы бар лӕвӕрд цӕуы Цӕразонты Мӕдинӕйӕн (+ значки подарит).
Амонӕг 2: Этот день ты помни долго,
Никогда не забывай!
И значок свой гимназиста
Береги! Не потеряй!
Амонӕг 1: Ирон бӕрӕгбон ӕнӕ кафтæй нӕ фидауы. Чызджыты рог уæнгты змæлд, цæхæрцæст лæппуты къахфындзтыл кафт зæрдæйы гуырын кæнынц алыхуызон рæсугъд æнкъарæнтæ.
Амонӕг 2: Адæймагмæ афтæ фæкæсы, цыма хъазты архайджытæ кæрæдзийы кафты æвзагæй фембарынц. Цымæ цы ис рæсугъддæр ирон хонгӕ кафтæй?!
(Кафынц 4-3 къласы ахуырдзаутӕ «Хонгӕ» кафт).
Амонӕг 1: Арфӕйы ныхӕстӕ нӕ фыццагкъласонтӕн зӕгъдзысты дыккаг къласы ахуырдзаутӕ.
Уӕгъды ма бад иу ран,
Урокты-иу хъус!
Хъазгӕ дӕр иу акӕн
Фӕсурокты цъус.
Чиныг –иу дӕ ма уӕд
Хъазгӕйӕ дӕр рох.
Хорз уӕвыныл хъуамӕ
՚Взонгӕй кӕнай тох.
Амонӕг 2:
Ахуыргӕнӕг, дӕ кадджын ном цӕрӕд ӕнустӕм,
Дӕ уды хъарм сывӕллонӕн ныфс у.
Лӕггад кӕныс ды фидӕнӕн дӕ куыстӕй,
Ӕмӕ дын дзурӕм, амондджын у!..
Амонӕг 1: Арфӕйы ныхӕстӕ сӕ уарзон ахуырдзаутӕн зӕгъдзысты сӕ фыццаг ахуыргӕнджытӕ.
А-г1: Фарны къах ӕрбавӕрут,
Гимназмӕ нӕ хуртӕ.
Рухстауджытӕ баскъуыхут,
Дарӕм уыл нӕ зӕрдӕ.
А-г2:Сабитӕн нӕ зонды тых,
Рухстауӕг - дӕтдзынӕн.
Саби - коммӕгӕс, хъӕддых,
Афтӕмӕй рӕздзынӕ.
А-г1:Хурвӕндӕгтыл –иу цӕут,
Ма уын уӕд цӕлхдуртӕ.
Ахуыр, ахуырмӕ тырнут
Сабитӕ нӕ хуртӕ.
Амонӕг 2: «Алайнаг гимназ»-ы ахуырдзаутӕ, сымах стут Къостайы фӕдонтӕ ӕмӕ йын йӕ фӕдзӕхст ӕххӕст кӕнут.
Скъоладзау 1:
Цӕттӕ дӕ хызын дар,
Тагъд де скъоламӕ уай.
Ӕнӕзивӕг куы уай-
Хуыздӕр бынат дӕ бар.
Скъоладзау 2:
Зондамонӕгмӕ хъус,
Цы зӕгъа уый-иу кӕн,
Зӕрдӕхъӕлдзӕгӕй кус,
Ӕмӕ бӕззай лӕгӕн.
Фыццагкъласонтӕ зарынц зарӕг «Алантӕ».
Амонӕг 1: Нӕ бӕрӕгбон ӕрхӕццӕ кӕронмӕ.
Амонӕг2: Хорзӕй баззайут, нӕ иннӕ фембӕлдмӕ.
895
65 571 
