«Уалдзæджы бæрæгбон цæттæгæнæн къорды».
Сывæллæттæ бацыдысты музыкалон залмæ къæйттæй.
Зарæг « »
Мит тайы, их сайы,
Фæхъулон ис зæхх:
Йæ цæгат фæзæйнат,
Йæ хуссар фæцъæх.
Цырд лæппу гæлæбу
Æрцахста…Зæгъын:
Нæ уалдзæг дæ уазæг,
Ныууадз æй цæрын!
Атадысты миттæ,бахъæлдзæг и бон,
Ихæй арæзт хидтæ,фестадысты дон.
Дон,дон,дон,дон,дон..
Зæххы та цы хъæуы?
Дон, дон, дон,
Хуссæртты фæзынди,
Цъæх-цъæхид кæрдæг,
Мæ алыварс æрзылди,
Гæлæбу цæрдæг.
Даргъ зымæг ивгæйæ,
Хъазгæ, æрттивгæйæ, ралæууыд бон.
Хур нæм йæ рухс тынтæ,
Царды рæссугъд уындмæ
Калы бæстон.
Дидинæджы ’рфæнды,
Хуры’рдæм кæсын,
Арвæй йæм нывæнды
Хъазгæ хур йæ тын.
Фаг æфсады цардæй
Дидинæджы хур,
Балæууыд æм дардæй
Мыдыбындз мæгуыр.
Хъ.: Рагуалдзæг райгæ æрцыди,
Ногæй та сулæфыд зæхх.
Малусæг фæзты фæзынди,
Кæрдæгæй къуылдым фæцъæх.
Уæ бон хорз нæ зынаргъ уазджытæ, тынг æхсызгон нын у, кæй арбацыдыстут нæ бæрæгбонмæ. Абон нæм у, уалдзыгон рæссугъд бонтæй иу. Куыд хъуыды кæнут, уазæгуыаты нæм исчи абон æрбацæудзæн?(сыв.дзуæппытæ).Æмæ цымæ кæм бафæстиад ис?
Хъ.: Мæнæ ма нæм цырæссугьд дидинæг ис?Æмæ ацы дидинæг куыд хуыйны? Ай хуымæтæг дидинæг нæу. Ай уы фыстæг.. Æрбарвыста нæм æй уалдзæг.
«Мæ уарзон сабитæ, æрцыд мыл фыдбылыз, къулбадæг ус мæ адавтæ æмæ мæ бамбæхмта. Уæ хорзæхæй бахуысс ма мын кæнут»
Æцæгдæр ай хъыгаг хабар у. Уæдæ нын ныр цы гæнгæ уы? Хъæуы нæ бахуысс кæнын Уалдзæгæн, æнæ уымæй нын нæй бæрæгбон.
Зарæг « » .
Хъ.: Уый та нæм цавæр гуыбар-гуыбур у? Мæнмæ гæсгæ нæм Уалдзæг æрбацæуы.
Къулбадæг ус æрбацыд.
Къ.: Уый та мæ чин æ уадзы улæфын? Уый цавæр хъæр кæнут? Бæстæ уæ сæрыл цы систад? Æз дæн Къ.ус, сымах та чи стут? Цæмæн æрымбырд стут?
Хъ.: Дæ бон хорз Къ.ус, мах дæумæ баргæ не’нхъалмæ кастысты. Цæмæн адавтай Уалдзæджы?
Къ.ус.: Фæндыд мæ, сымах та цы хъуыддаг ис мемæ? Ничи цæм кæсы, уалдзæг цæ хъæуы….ха..ха..ха…ха… Ер ма мын æй зæгъут, цы дзы кæнут уыцы фыдындæй? Уый æмæ дын мæ хæдæг «Айдæн».
Хъ.: Куыд дзы цы кæнæм, уалдзæг нæм æрбацæудзæн æмæ йемæ хъарм æрбахæсдзæн, цъиутæ нын зарын райдайдзысты. Æнæ уалдзæгæй нæй махæн бæрæгбон.
Къ.ус.: Ммммммм! Ничи цæм кæсы. Диссаджы æхсызгон хабар мын загътат. Хорз! Суæгъд уын æй кæндзынæн, фæлæ ахæм домæнæй: кæд мæ ахъæлдзæг кæнат, зарæг мын азарат æмæ ахъазат мема.
Хъ: Мах разы стæм.Бахъæлдзæг кæнын- тафуафси.
Хъазт Къ.ус. « »
Къ.ус.: Хорз ахъазыдыстут, фæлæ уыци-уыцитæ та зонут? Уæдæ лæмбынæг хъусæм.
Уыци-уыцитæ.
Урс, фæлмæн æмæ хæмпус,
Даргъ йæ рихи, хъил йæ хъус.
Хъæды къудзибын цæры,
Æмæ бирæгъæй тæрсы (тæрхъус)
Дары сусæны дæр кæрц,
Нæу дзы адæймаг æдас,
Цирчи хорз артист у (арс)
Нæу цъылын, фæлæ цæрдæг,
Уынгтæ акæны сыгъдæг(дымгæ)
Фосмæ цыргъ. Фæлæ цæрдæг,
У хъæхъхъаг æмæ фыдзыд(бирæгь)
Къ.ус.: Куыд кæсын афтæ уæ тынг фæнды, цæмæй уæм уалдзæг æрбацæуа. Хорз, сабитæ, мæ зæрдæмæ тынг фæцыдыстут. Æртæккæ уæм хæццæ кæндзæн уалдзæг. Хæрзбон.
Хъ.: Цалынмæ нæм уалдзæг цæуа, уæдмæ уал мах ахъазæм.
Хъазт « »
Уалдзæг æрбацыд.
У.: Уæ бонтæ хорз, мæ чысыл хæлæрттæ, æрбацыдтæн уæм æз. Зоныню тынг æнхъæлмæ мæм кастыстут.Бузныг зæгъын сымахæн, кæй мæ фервæзын кодтат.Æз хæссын адæмæн циндзинад.
Хъ: Æгас нæм цу.Сабитæ тынг архайдтой, цæмæй дæ Къ.ус ауадза. Тынг æнхъæлмæ дæм кастысты , цæмæй дын радзурой æмдзæвгæтæ.
Æмдзæвгæтæ
Райсом раджы хур куы скæсы,
Райхъал вæййы бæстæ, æрдз.
Амонд рог дымгæ куы’ рхæссы,
Райдайы йæ кафт уæд бындз
Хæхтæ æрттивынц, уайы сыл дон,
Мигътæ фæлидзынц, райдзаст у бон.
Цин кæнынц сырдтæ хъæды кæрон,
Се’ппæтæн иумæ у стыр бæрæгбон.
Дидинæг миты бын сдардта йæ сæр,
Доны сыр-сыр уæд хъуысы кæмдæр.
Гæлæбу райхъал æрдзы змæлдæ
Систа йæ базыртæ, тæйы хæрдмæ.
Тар фынæйæ райхъал бæстæ,
Уалдзæг, ма ацу нæ рæзты,
Лæуу Иры зæххыл æнцад,
Ныр дæ афон у, дæ рад.
У.: Куыд æнгасджын радзырдтат æмдзæвгæтæ. Мæнмæ гæсгæ сымах, сабитæ арцæмæ дæр сæрæн стут, æмæ кафын дæр зонут?
Кафт « ».
Хъ.: Уалдзæг мах фæнды æмæ ды немæ ахъазай.
Хъазт «Малусæг».
Зарæг « »
У.: Сабитæ, мæ цæуын рæстæг æрхæццæ, тынг мæ нæ фæнды, фæлæ мæм иннæ рæвдауæндоны сывæллæттæ æнхъæлмæ кæсынц.Æз уын мемæ æрбахастон лæвæрттæ.
Хъ.: Бузныг Уалдзæг, хæрзбон. Нæ бæрæгбон кæронмæ æрхæццæ.Хæрзбон.
485
109 089 
