Учуутал күнүгэр аналлаах концерт сценарийа
(Монтаж 6 класс «Вслушайтесь сердцем»)
Даша: (сыана кэтэҕэр )Авиацияҕа летчик хас чаас көппүтүн кытаанахтык ааҕаллар, атыылааччы төһөнү атыылаабытын эмиэ ааҕар. Онтон учуутал дуоска иннигэр хас чаас турбутун ким да билбэт. Хас түүн төһөлөөх тэтэрээт бэрэбиэркэлээбитин, хас уруок былаанын суруммутун, оҕолор үөрэхтээх буоллуннар диэн сыратын- сылбатын, күүһүн-уоҕун биэрбитин ааҕа да барбаккын! Учуутал билиитин, тулуурун, итэҕэлин иһин бүгүн уруйдуоҕун!!!
(Музыка тыаһыыр, ыытааччылар тахсаллар)
Слава: Үтүө күнүнэн күндү ытык-мааны, кэрэҕэ- сырдыкка угуйар учууталларбыт! Эһигини барыгытын бүгүҥҥү профессиональнай бырааһынньыккытынан үөрэнээччилэр ааттарыттан итиитик- истиҥник эҕэрдэлиибит!
Даша: Бүгүн этиллэр сылаас, истиҥ тылларбыт барыта эһиэхэ ананаллар. Үлэлиир үлэҕит үөрүүнү эрэ аҕаллын! Онтон биһиги эһигини үрдүк ситиһиилэрбитинэн үөрдэ туруохпут.
Слава: Эһиги үөрэтэн таһаарбыт оҕолоргут
Эҥин дьикти үлэһит буоланнар
Олох дьолун оҥоро
Бары тарҕаан бардылар,
Ол да буоллар кинилэр,
Үүнэр үтүө саастарын
Сайаҕас сирдьиттэрин,
Көлүөнэ дьону ииппит,
Ийэлии истиҥ сыһыаннаах
Кырдьаҕас учууталларын
Хаһан да умнубаттар.
Даша: Ол курдук урут бу оскуолаҕа үөрэммит оҕолор убаастыыр учууталларыгар ыыппыт эҕэрдэ-видеорепортажтарын көрүөххэйиҥ!
(экраҥҥа видеорепортаж көстөр)
Слава: Сир үрдүгэр төһөлөөх элбэх бырааһынньык баарый? Саҥа Дьыл, Ийэ күнэ, танкист, пограничник күнэ, ааҕан да сиппэккин!
Даша: Ол гынан баран биир саамай наадалаах бырааһынньыгынан Учуутал күнэ буолар. Учуутал күнүн алтынньы 5 күнүгэр бэлиэтиибит.
Слава: Доҕоттоор, эһиги билэр этигит дуо алтынньы 5 күнүгэр Парижка учууталларга буолбут специальнай межправительственнай конференция түмүгүнэн бу күн учууталлар күннэринэн бигэргэтиллибитин?
Даша: Учуутал күнүн аан бастаан 1994 сыллаахха алтынньы 5 күнүгэр бэлиэтээбиттэр. Россияҕа бастаан учуутал күнүн алтынньы ый бастакы өрөбүлүгэр бэлиэтииллэр эбит, 1994 сылтан аан дойдутааҕы халандаарынан алтыненьы 5 күнүгэр бэлиэтиир буолбуттар.
Слава: Учууталбыт кэпсээнин
Чуумпураммыт истиэхпит,
Эҥин араас дьиктини
Эбии билэн иһиэхпит!
Билигин бэйэлэрин эҕэрдэлэрин тиэрдиэхтэрэ 1-2 кылаас толоруутугар хоһоон
Даша: Ким «то5о» диэн ыйытыкка куруук хоруй буларый?
Слава: Ким уруокка куолаһа олоруор диэри билиини биэрэ сатыырый?
Даша: Ким биир күн иһигэр салайааччы, уруһуйдьут, артыыс, психолог, иитээччи оруолун толороруй?
Слава: Ким биһиэхэ телевизортан уонна компьютертан харыстаан биэс чаастваах дьиэҕэ үлэ биэрэрий?
Даша: Ким биһиги төрөппүттэрбитигэр ситиһиибитин тириэрдэр?
Слава: Ким биһигини үөрэтэр?
Даша: Ким биһигини эрэйдиир?
Слава: Ким биһиэхэ билиини биэрэр?
Даша: Ол биһиги күндүтүк саныыр учууталбыт буолар. Эһиэхэ анаан 4 кылаастар толорууларыгар сыаҥка «Хараҥаҕа тыкпыт сырдык»
Слава: Дохсун ытыс тыаһынан көрсүҥ 5 кылаас толоруутугар ырыа «Оскуола биһигэ».
Даша: Ханнык баҕарар киһи инники олоҕор туох күүтэрин билиэн баҕарара буолуо дии? Билигин сыанаҕа көрсүөххэйиҥ күн-дьыл билгэһиттэрин. Кинилэр учууталларбытын бу сылга туох күүтэрин кэпсиэхтэрэ.
(Астрологтар тахсаллар)
Слава: Аа5а- суоттуу үөрэтэр,
Уһуйааннарга угуйар
Сатабылларга салайар
Эти-ханны эрчийэр.
Күндү учуутал дьоннорбут –
Уустук үлэҕит чиэстэнэр
Сатал санааҕыт хайҕанар
Бүгүн эһи сулус күҥҥүт!
Эһиги иннигитигэр кыра бөлөх толоруутугар үҥкүү «Премена».
Даша: Театр вешалкаттан саҕаланар диэччилэр. Онтон оскуола директортан. Эҕэрдэ тылын этэригэр ыҥырабыт оскуолабыт директоры үөрэх чааһыгар солбуйааччытын Лена Ефремовна Лугинованы.
(Лена Ефремовна тыл этэр)
Слава: Тыл бэриллэр директоры иитэр үлэҕэ солбуйааччытыгар Лилия Егоровна Бурнашеваҕа
(Лилия Егоровна тыл этэр)
Даша: Учуутал – эн кимнээҕэр да
Ордук элбэх оҕолооххун
Итиэннэ кимнээҕэр да
Баайгын, дьоллооххун
Элбиих- элбэх оҕолорго
Иккис ийэҕин,
Үчүгэй дьон оҥорорго
Өрөөбөккө дьулуһаҕын!
10-11 кылаас толоруутугар сыаҥка «Оскуола көрдөөх түгэннэрэ»
Слава: Номинацияны туттарарга ыҥырабын самоуправление оҕолорун
(Номинация туттарыыта)
Даша: Учуутал сүрэҕэ тыыннаах
Оҕолорго тапталынан
Дьоҕурдаах, өйдөөх, талаанннаах
Дьону иитэр талаанынан
Диэн этэн туран эҕэрдэ номердарын утары уунуохтара 8 кылаас кыргыттара хоһоон
Слава: Билигин сынньана таарыйа кыратык оонньуоххайыҥ. Сөптөөх эппиэти биэрбит учууталга жетон бэриллэн иһиэ. Ким элбэх жетоннаах – ол кыайыылаах.
За что ученика выгоняют из класса? (за дверь)
Когда дурак бывает умным? (когда молчит)
Без чего человеку жить нельзя? (без имени)
Что сделается с красным шелковым платком, если его отпустить на 5 минут на дно моря? (станет мокрым)
Что будет делать ворона, прожив 3 года? (жить четвертый год)
Чего не устаешь всю жизнь делать? (дышать)
Не горит, а гасить приходится? (долг)
Что с земли легко поднимешь, но далеко не закинешь? (пух)
Что стоит между окном и дверью? (Буква «И»)
Что можно приготовить, но нельзя съесть? (Уроки)
Сколько месяцев в году имеют 28 дней? (Все месяцы)
Что все люди на земле делают одновременно? (Становятся старше)
Какой рукой лучше размешать чай? (чай лучше размешивать ложкой)
На какой вопрос нельзя ответить «Да»?(Вы спите?)
В названии каой птицы сорок букв? (сорока)
Даша: Оҕо- дьол! Оҕо үөрүү! Оҕо инники кэскил!
Оҕо туһа диэн оскуола үлэлиир,
Оҕо туһа диэн төрөппүт кыһаллар,
Оскуола уонна төрөппүт биир сыаллаахтарЮ
Оҕобут доруобай, үөрэхтээх, үлэһит буолуохтаах.
Көрсүөҕүҥ доҕоттор дохсун ытыс тыаһынан
Убаастыыр, ытыктыыр дьоммутун,
Оскуола бары ситиһиитигэр
Сүҥкэн кылааттарын киллэрсэр
Дьоһун мааны төрөппүттэрбитин!
(Родкомитет тыл этэр)
Слава: Учуутал – ийэ, аҕа,
Учуутал – доҕор, атас,
Уһун сааска умнубакка
Учууталы уруйдуохха.
Музыкальнай эҕэрдэлэрин тиэрдэллэр 3-4 кылаас ырыа «Оскуолабын ахтабын»
Даша: Махтал тылларын этэригэр тылы биэрэбит оскуола профсоюһугар Айталина Владимировна Босиковаҕа.
(Айталина Владимировна тыл этэр)
Слава: Үөрэ- көтө кэлэбит,
Үөрэнэргэ бэлэммит.
Үлүһүйэ үлэлээн
Үүнэн- сайдан иһэбит.
Сыаҥка «Учууталлар киирсиилэрэ» 6-7 кылаас
Даша: Билигин сынньана таарыйа кыратык оонньуоххайыҥ. Сыанаҕа баҕалаах 4 учууталы ыҥырыаххайыҥ. (учууталлар тахсаллар). Сылын ахсын, чиэппэр ахсын учууталлар биһигиттэн экзамен туталлар. Бүгүн биһиги учуутал оруолун толоруохпут, учууталларбыт оҕолор буолуохтара. Ол курдук биһиэхэ бу 4 шарик баар, мантан биири талан ылабыт. Шарбыт иһигэр заданиеларбыт бааллар.
Саҥарбакка эрэ илии- атах көмөтүнэн дьиэҕэ үлэтин оҥорботох үөрэнээччини көрдөрүөхтээххит.
Дуоскаҕа саамай мэник оҕо портретын уруһуйдуохтааххыт.
Хараҕын баайыылаах дневникка «5» оценканы уонна подпискытын туруоруохтааххыт.
Сөбүлүүр ырыаҕытын ытыскытын таһынан дуу, атаххытынан, указканан тоҥсуйан дуу көрдөрөҕүт.
Ким заданиетын толорбут приз ылар.
Слава: Ыччаты кэскиллээх оҥорбут,
Үөрэх киэҥ суолугар атаарбыт,
Үтүөнү- кэрэни үөрэппит
Үтүө- мааны учууталларбытыгар анаан современнай үҥкүү.
Даша: Учууталбыт кэпсээнин
Чуумпураммыт истиэхпит,
Эҥин араас дьиктини
Эбии билэн иһиэхпит!
Ытыс тыаһынан көрсүөҕүн «Сардаана» ансамбль толоруутугар «Тиһэх чуораан»
Слава: Сайдыы- үүнүү төрүтүн
Сатабыллаахтык тобулан,
Үрдүк сорук оҥостон,
Үйэлэргэ үлэлээҥ!
Көхтөөх үлэ тэтимин
Күөстүү өрө оргутан
Уһуну – быйаҥы уһаныҥ!
диэн баҕа санаабытын этэбит.
Даша: Күндү учууталлар! Эһигини кытта үөрүү уонна ситиһии эрэ арыалластын!
Слава: Күөх халлаан эһиэхэ эрэ сырдык, ыраас буоллун!
Даша: Саха алмааһыныы кытаанах доруобуйаны!
Слава: Дьиэ-кэргэҥҥитигэр дьоллоох олоҕу!
Даша: Баҕа санааҕыт туоллун!
Слава: Манан биһиги эҕэрдэ кэнсиэрбит түмүктэнэр. Болҕомтоҕут иһит баһыыбаларын!
24 923
1 286 
