Сценарий праздника "День 8 марта"

«Кулун тутар 8 күнэ» бырааһынньык сценарийа

(симэммит кылааска ийэлэр, ыалдьыттар мустан олороллор)

Ыытааччы:

Кэрэ сааскы күнүнэн, күндү ыалдьыттар!

Бүгүн биһиги аан дойду кэрэ аҥардарын күннэрин бэлиэтээри муһуннубут. Дохсун ытыс тыаһынан көрсүөҕүҥ биһиги кылааспыт кэрэ Куоларын – нарын кыргыттарбытын. Кинилэри доҕуһуоллаан киллэрэллэр хорсун-хоодуот уолаттарбыт.

Музыка доҕуһуоллаах кыргыттар уолаттарга сиэттэрэн киирэллэр.

Кылаас иннигэр тураллар. Кыргыттар инники эрээккэ, уолаттар кэнники эрээккэ.

Ы: Саас кэлиитин бэлиэтэ –

Күн күүскэ тыгара.

Ким баарый бу сиргэ

Үрүҥ күнтэн үчүгэй?

Ийэ – ийэ, Күн Ийэ!

Ийэ буолуу дьолун билбит күн күбэй ийэлэрбитин, сиэн туһугар күннэтэ түбүгүрэр элэккэй эбээлэрбитин сандал саас бырааһынньыгынан көмүс чыычаахтаргыт эҕэрдэлииллэр!

Литературно-музыкальнай монтаж

Ы: Кыыс диэн сир сибэккитэ, кэрэ киэргэлэ. Кыыс баар буолан орто дойдуга олох салҕанар. Онон саха омук былыр-былыргыттан кыыһы таптыыр, харыстыыр, араас үчүгэйгэ тэҥниир.

Хара харахтаах, хара суһуохтаах,

Арыы саһыл хааннаах, уран ньуурдаах,

Биһиги кыталык кыргыттарбыт,

Биһиги ырыаһыт ымыыларбыт,

Биһиги Туйаарыма Куоларбыт.

Ы: Саха кыргыттара олус дьоҕурдаах, ырыаһыт, үҥкүүһүт, уус тарбахтаах, бары-барыга талааннаах оҕолор. Билигин биһиги “Ийэм уонна мин - бииргэ” диэн күрэхпитин саҕалыахпыт. Кыргыттар ийэлэрин кытта иллэҥ кэмнэригэр тугунан дьарыктаналларын билиһиннэриэхтэрэ.

Биирдии-биирдии тахсан ийэлээх кыыс хоббиларын кэпсииллэр, көрдөрөллөр.

Ы: Түмүк тахсар бириэмэтигэр оонньуубут. Аан бастаан таабырын таайсабыт. Онтон оонньуохпут.

Көрдөөх таабырыннар

1. Таптыыр, таптаабат – бу иэйиини билээри этиллэр тыллары кыыс ханнык сибэккиттэн ыйытарый? (ромашка)

2. Аптаах, дьикти дойдуга тиийэн хаалбыт кыыс аата? (Алиса)

3. Компотка ханнык нота тутуллубатый? (соль)

4. Массыына айаннаан истэ5инэ ханнык көлүөhэтэ эргийбэтий? (Запаска)

5. Каким станет белый камень, если его бросить в Черное море? (мокрым)

6. Журавль может себя назвать птицей? (нет, не говорит)

7. Что можно увидеть с закрытыми глазами? (сон)

8. Сидите вы в самолете, спереди лошадь, позади автомобиль. Что это за место? (карусель)

9. Что есть, но никогда не было и не будет? (сегодня)

Кырдьык даҕаны, бүгүҥҥү күн аны хаһан да хатыламмат. Онон оонньоон-көрүлээн иһиэҕиҥ.

Оонньуу: “Ким түргэнник ийэҕэ мустарый?”

Оҕолор икки бөлөххө арахсаллар: кыргыттар, уолаттар. Икки ийэ талыллар. Биир ийэ тула кыргыттар мусталлар, икки с ийэ тула уолаттар мусталлар. Музыканан бары тус-туспа бараллар, үҥкүлүүллэр. Музыка тохтоотоҕуна ийэ тула мустуохтаахтар. Ханнык бөлөх тургэнник мустар эбитий? Атын икки ийэни таһааран оонььуу салҕанар.

Ы: Көрүү түмүгүн билиһиннэриэҕэ күндү учууталбыт.

Түмүк таһаарыы

Күн күбэй ийэлэрбитин, эйэҕэс эбэлэрбитин, тапталлаах эдьиийдэрбитин, күндү балтыларбытын, кэрэ кыргыттарбытын, убаастабыллаах учууталбытын Аан дойду дьахталларын күннүнэн итиитик-истиҥник эҕэрдэлиибит! Сааскы күн сарыала эһиги ыраас дууһаҕытын сырдаттын, бүгүҥҥү күн үтүмэн үөрүүтэ эһиги нарын сүрэххитин ыллаттын.