Студенттердин практикасын өткөрүү боюнча жобо

25

Даярдаган Раманкулов М.

Кыргыз Республикасынын Билим берүү жана илим министрлиги

ОшТУнун академик Б.Мурзубраимов атындагы

Өзгөн технология жана билим берүү институту

Институттун окумуштуу кеңеши тарабынан каралды

жана КАБЫЛ АЛЫНДЫ

2023-ж. 15.09 №2 протокол

БЕКИТЕМИН

директор, т.и.к., доцент

____________ Зулпуев З.Б.

2023-ж. 16.09

Орто кесиптик билим берүүнүн негизги кесиптик билим берүү программаларын өздөштүргөн студенттердин практикасы жөнүндө

ЖОБО

1. Жалпы жоболор

1.1. Бул жобо “Орто кесиптик билим берүүнүн Негизги кесиптик билим берүү программасын” (мындан ары ОКББ, НКББП) өздөштүргөн студенттердин практикасы жөнүндөгү жобону бекитүү тууралуу” КРнын Билим берүү жана илим министрлигинин (ББИМ) буйругунун жана КРнын Эмгек кодексинин негизинде иштелип чыккан.

1.2. Бул жобо окуу жайда ОКББнын НКББПсын өздөштүргөн студенттердин практикасын уюштуруу тартибин жана өткөрүлүүсүн аныктайт.

1.3. Практика кесиптик ищмердиктин түрлөрү боюнча кесиптик модулдарды өздөштүрүүнүн жыйынтыктоочу этабы болуп эсептелет.

2. Практиканын түрлөрү жана максаттары

2.1. Практиканын түрлөрү төмөнкүлөр болуп эсептелет:

• окуу практикасы;

• өндүрүштүк практика

2.2. Практиканын максаты: студенттердин ОКББнын тиешелүү адистиги боюнча кесиптик ишмердиктин бардык түрлөрүн жумуш ордунда өздөштүрүүсү, жалпы жана кесиптик компетенцияларды калыптандыруусу, ошондой эле адистикке зарыл болгон билгичтиктерди жана практикалык иштин тажрыйбасын алуусу.

2.3. Окуу практикасы студенттердин билгичтиктерин калыптандырууга, алгачкы практикалык тажрыйбаларды алууга багытталган жана кесиптик ишмердиктин негизги түрлөрү боюнча ОКББнын НКББПсынын кесиптик модулдарынын чегинде ишке ашырылат. Андан ары тандаган адистиги боюнча жумуш ордунда иштөө менен жалпы жана кесиптик компетенцияларды өздөштүрүүгө өбөлгө түзөт. Окутуунун күндүзгү формасындагы бардык адистиктерде 2-курста окуган студенттер 4 апталык окуу практикасында биринчи аптанын 1-3- же 1-5-күндөрүн окуу жайда, ал эми калган мөөнөттү тиешелүү ишканаларда, мекемелерде (уюмдарда) өткөрүлөт. Акыркы аптанын аягындагы эки-үч күндө студенттер окуу жайга келип отчет даярдоосуна уруксат берилет. Практиканын биринчи аптасында практиканын жетекчилери тарабынан студенттерге практика тууралуу маалыматтар, практика үчүн күндөлүктөр, аларды толтуруу эрежелери, практикага жолдомо жана практикадан өтүү мезгилинде аткарылуучу тапшырмалар берилет. Бул мезгил аралыгында студенттер менен иштөө офлайн жана онлайн режимдеринде WhatsApp, Zoom, Multiurok, Google Classroom ж.б. платформаларды колдонуп, уюштурулат.

2.4. Өндүрүштүк практика өзүнө төмөнкү этаптарды камтыйт:

• өндүрүштүк (адистик профили боюнча) практика;

• диплом алдындагы практика.

Адистик профили боюнча практика студенттерде жумуш ордунда жалпы жана кесиптик компетенцияларды калыптандырууга, практикалык жактан тажрыйба алууга багытталган жана ОКББнын Мамлекеттик билим берүү стандартында (МББС) каралган кесиптик ишмердиктин түрлөрү боюнча ОКББ НКББПнын кесиптик модулдарынын чегинде ишке ашырылат.

Диплом алдындагы практика студенттердин жумуш ордунда алгачкы практикалык тажрыйбаларын тереңдетүүгө, жалпы жана кесиптик компетенцияларды өнүктүрүүгө, өз алдынча эмгек ишмердүүлүгүнө даярдыгын текшерүүгө, ошондой эле мекемелерде (ишканаларда) жумуш ордунда иштеген мезгилде бүтүрүүчү мамлекеттик сынактарга же дипломдук иштерди аткарууга даярдык көрүүсүнө багытталган.

З. Практиканы уюштуруу

3.1. Окуу практикасы жана өндүрүштүк практика окуу жайы тарабынан студенттер кесиптик компетенцияларды өздөштүргөндө өткөрүлөт жана бир нече мезгилдерде ОКББ НКББПнын чегинде теориялык сабактар менен катарлаш жумуш ордунда өз-өзүнчө өткөрүлөт.

3.2. Окуу практикасы окуу кааналарында, лабораторияларда, окуу аянтчаларында же окуу жайы менен белгиленген тартипте түзүлгөн келишимдин негизинде базалык мекемелердин (ишканалардын) атайын жабдылган жумуш орундарында өткөрүлөт.

3.3. Окуу практикасы практиканын жетекчиси (кесиптик циклдеги дисциплиналардын окутуучусу) тарабынан өткөрүлөт.

3.4. Өндүрүштүк практикалар окуу жайы жана мекемелер (ишканалар) ортосунда белгиленген тартипте түзүлгөн келишимдин негизинде мекемелердеги (ишканалардагы) жумуш орундарында өткөрүлөт.

Өндүрүштүк практика мезгилиндеги жумуш практиканын программасынын талаптарына ылайык келген учурларда студенттер бош кызмат орундарына атайын буйруктун негизинде жумушка кабыл алынуусу мүмкүн. Окуу жана адистик профили боюнча практикалар өздөштүрүлгөндөн кийин үзгүлтүксүз түрдө диплом алдындагы практика өткөрүлөт.

3.5. Практикаларды өткөрүүнүн мөөнөттөрү ОКББ НКББПга ылайык окуу жай тарабынан коюлат.

3.6. Өндүрүштүк практикага жөнөтүү окуу жайдын директорунун буйругу менен жүргүзүлөт. Анда ар бир студентти мекемеге (ишканага) бекитүү, практикадан өтүүнүн түрү жана мөөнөтү көрсөтүлөт.

3.7. Окууну эмгек ишмердиги менен айкалыштырып жүргүзгөн студенттер кесиптик ишмердиги практиканын максаты менен дал келсе, анда окуу жана өндүрүштүк практикалардан өзү иштеген мекемеде (ишканада) өтүүгө укуктуу.

3.8. Өндүрүштүк (адистик профили боюнча) жана диплом алдындагы практикаларды уюштурууну окуу жайдан жана мекемеден (ишканадан) дайындалган практика жетекчилери ишке ашырышат. Практиканын окуу жайдагы жетекчилери окуу жайдын директорунун буйругу менен дайындалат.

3.9. Өндүрүштүк практиканын программасын ишке ашыруу үчүн ал практиканын окуу жайдагы жетекчиси төмөнкү документтерди жетекчиликке алат:

• ушул жобо;

• өндүрүштүк практиканын жумушчу программасы;

• мекеме (ишкана) менен түзүлгөн келишим;

• студенттерди практикага бөлүштүрүү жана окуу жайдан практиканын жетекчилерин дайындоо жөнүндө директордун буйругу;

• практиканы текшерүүлөрдүн графиги;

• жеке тапшырмалардын тизмеги жана практика боюнча отчет түзүү үчүн сунуштар (усулдук көрсөтмөлөр);

• өндүрүштүк практиканын күндөлүгү;

• аттестациялык барактын бланкы.

Жогоруда көрсөтүлгөн документтердин топтому өндүрүштүк практиканын башталуу датасынан кеминде 10 күн мурда даяр болуусу керек.

3.10. Практиканын программасынын аткарылышын жана окугандардын өз алдынча иштөөгө даярдыгын объективдүү баалоо үчүн өндүрүштүк практикага жөнөтүлгөн студенттерге төмөнкүлөр берилет:

• практиканын күндөлүгү;

• өндүрүштүк практикага тапшырмалар;

• практика боюнча отчет түзүү үчүн сунуштар (усулдук көрсөтмөлөр).

4. Окуу жайдын укуктары жана милдеттери

4.1. Окуу жайы окуу пландарында практиканын бардык түрлөрүн жана этаптарын ОКББ НКББПга ылайык, мекемелер (ишканалар) менен түзүлгөн келишимдерди эске алып пландаштырат жана бекитет.

4.2. Практикаларды уюштурууга жана өткөрүүгө келишимдерди түзөт.

4.3. Практиканын программасын, мазмунун жана пландалган жыйынтыктарын иштеп чыгат жана мекемелер (ишканалар) менен макулдашат.

4.4. Практикага жетекчиликти ишке ашырат.

4.5. Практиканын программасын ишке ашырууну жана практиканы өткөрүү шарттарын, анын ичинде эмгекти коргоонун, жашоо коопсуздугунун жана өрт коопсуздугунун талаптарынын нормалык эрежелерге ылайык келүүсүн көзөмөлдөйт.

4.6. Практиканы группалык формада өткөрүү учурларында группа түзөт.

4.7. Студенттер практиканы өтөөнүн жүрүшүндө ээ болгон (өздөштүргөн) жалпы жана кесиптик компетенцияларды баалоо жол-жоболорун мекемелер (ишканалар) менен бирдикте аныктайт.

4.8. Практикадагы отчеттуулуктун формасын жана практикадан өтүүнү баалоонун материалдарын иштеп чыгат жана мекемелер (ишканалар) менен макулдашат.

4.9. Студенттердин практикага өз убагында жөнөп кетүүсүн жана аларга белгиленген тартиптеги өндүрүштүк окутууга студенттик аттестациялык китепчелердин (күндөлүктөрдүн) берилүүсүн камсыздайт. Практикадан өтүү мезгилиндеги финансылык чыгымдар (жол акы, суточные ж.б.) зарылдыгына карай төлөнүп берилет.

5. Мекеменин (ишкананын) укуктары жана милдеттери

1. Практикаларды уюштурууга жана өткөрүүгө келишимдерди түзөт.

2. Практиканын программасын, мазмунун жана пландалган жыйынтыктарын, практикага берилген тапшырмаларды макулдашат.

3. Студенттерге жумуш орунун бөлүп берет, мекемеден (ишканадан) практиканын жетекчилерин дайындайт, насаатчыларды аныктайт.

4. Студенттер практиканы өтөөнүн жүрүшүндө ээ болгон (освоенных) жалпы жана кесиптик компетенцияларды баалоо жол-жоболорун аныктоого жана жыйынтыктарды баалоого катышат.

5. Практикадан өтүүнүн жүрүшүндө ээ болгон (освоенных) жалпы жана кесиптик компетенцияларды баалоонун материалдарын түзүүгө катышат.

6. Бош кызмат орундары болгон учурларда окугандар менен тез арада эмгек келишимдерин түзө алат.

7. Санитардык эрежелерге жана эмгекти коргоонун талаптарына жооп берген, практиканы өткөрүүнүн коопсуз шартын камсыздайт.

8. Эмгекти коргоонун, өрт коопсуздугунун талаптары жана ошондой эле ички эмгек тартиби менен студенттерди тааныштырат.

6. Студенттердин укуктары жана милдеттери

1. Практиканын программасында каралган жана жетекчи тарабынан берилген жекече тапшырмаларды толук аткаруу.

2. Мекемелердеги (ишканалардагы) ички эмгек тартибинин эрежелерин сактоо.

3. Эмгекти коргоо жана өрт коопсуздугунун талаптарын так сактоо.

4. Практика мезгилинде күндөлүктү үзгүлтүксүз толтуруу. Практиканын жыйынтыгы боюнча отчет даярдоо жана аны мекемеге (ишканага) бекиттирүү.

5. Практикадан өтүү учурунда келип чыккан бардык маселелер боюнча практиканын жана окуу жайдын жетекчилерине кайрылуу.

7. Баалоо, көзөмөл

1. Практикага коюлган баа теориялык окутуунун баасына теңдештирилет жана студенттин жалпы жетишүүсүн жыйынтыктоодо эске алынат.

2. Окуу кааналарында, лабораторияларда, окуу аянтчаларында өткөрүлгөн окуу практикаларында жетишүүнүн жана катышуунун эсеп-кысабы практиканын жетекчиси тарабынан белгиленген үлгүдөгү группалык журналга толтурулат.

3. Окуу практикасынын ар бир түрү боюнча студенттердин катышуусу жана жетишүүсү боюнча маалыматтарды практиканын жетекчиси апта сайын бөлүмдүн башчысына билдирип турат.

4. Окуу жайдан дайындалган практика жетекчиси өндүрүштүк практикадагы студенттердин жетишүүсү жана катышуусу боюнча атайын журналга учет (эсеп-кысап) жүргүзөт. Ал журнал өндүрүштүк окутуу боюнча директордун орун басарында сакталат.

7.6. Практиканын бардык этаптарында практиканын жүрүшү боюнча көзөмөлдү төмөнкүлөр ишке ашырат:

- студенттик группага бекитилген куратор – группадагы студенттердин жетишүүсүнө жана катышуусуна талдоо жүргүзөт;

- практиканын жетекчиси – жетишүүгө, катышууга, сабактарды өткөрүүнүн сапатына талдоо жүргүзөт;

- өндүрүштүк окутуу боюнча директордун орун басары жана окуу жайы боюнча практика жетекчиси группанын практика жетекчиси менен бирдикте практиканын бардык этаптарында жалпы жетекчиликти жана уюштурууну ишке ашырат.

8. Практиканы жетектөө

1. Окуу жайда практикаларга жалпы жетекчилик өндүрүштүк окутуу боюнча директордун орун басарына жана практика жетекчиси кызматкерине жүктөлөт. Алар кызматтык инструкциялардын, учурдагы жетектөөчү документтердин негизинде практиканы уюштурууда, өткөрүүдө тиешелүү кызмат адамдарынын милдеттерин, жоопкерчилик даражаларын аныкташат.

2. Этаптарына карай студенттердин практикасына жетекчиликти төмөнкүлөр ишке ашырат:

адистик боюнча бөлүмдүн башчысы, кафедранын башчысы жана окуу жайдагы практиканын жетекчиси.

Өндүрүштүк практикаларга жетекчиликке жакшы даярдыктагы, тажрыйбалуу, профилдик циклдеги дисциплиналардын окутуучулары дайындалат.

1. Жогоруда белгиленген окуу жайдагы кызмат адамдары төмөнкүлөрдү камсыздашат:

- практикага окуу-усулдук жетекчиликти, анын ичинде эмгекти коргоо, жеке коопсуздук, өндүрүштүк санитария жана студенттердин гигиенасы маселелерин;

- практикага өз убагында жөнөп кетүүнү / кайтып келүүнү, практика боюнча белгиленген тартиптеги күндөлүктүн ж.б. зарыл документтердин студенттерге өз убагында берилүүсүн;

- ишканаларда (мекемелерде) жана окуу жайынын базасында практикалардын уюштурулуусун, өткөрүлүүсүн, сапатын жана мөөнөттөрүнүн сакталуусун көзөмөлдөөнү.

1. Практикага жөнөтүлүүчү ар бир окуу группасына практика мезгили үчүн бир жетекчи дайындалат. Зарыл учурларда практика жетекчисин алмаштыруу директордун орун басарынын сунушу менен окуу жайдын директорунун буйругу аркылуу жүргүзүлөт.

2. Окуу жайдан дайындалган өндүрүштүк (адистик профили боюнча жана диплом алдындагы) практикалардын жетекчилерине төмөнкүлөр милдеттендирилет:

• ушул Жобо тарабынан белгиленип, мекемелер (ишканалар) менен макулдашылган өндүрүштүк практикага тапшырмаларды ж.б. жумушчу документтерди студенттерге берүү;

• өндүрүштүк экскурсияларды, кеңеш берүүлөрдү, эмгекти коргоо, жумуш орундарындагы эмгек шарттары боюнча инструктаж өткөрүүнү уюштуруу;

• студенттердин нормативдик документтерди билүүсү боюнча мекемедеги (ишканадагы) комиссиялар өткөргөн сыноолорго катышуу;

• тиешелүү практиканын түрүнө ылайык студенттердин жекече тапшырмаларын аткаруусуна жана курстук (дипломдук) иштерине материалдарды тандоого (жыйноого) усулдук жардам көрсөтүү;

• практиканын мекемедеги (ишканадагы) жетекчилери менен усулдук иштерди өткөрүү.

Практиканын бардык этаптарында практиканын уюштурулуусуна жана өткөрүлүүсүнө окуу жайдын директорунун буйругу менен дайындалган практика жетекчилери толук жоопкерчиликтүү болот.

1. Өндүрүштүк практиканын жетекчиси төмөнкүлөргө милдеттүү:

• практика башталганга чейин 3 күндөн кеч эмес мөөнөттө практиканттарды кабыл алууну уюштуруу маселелерин мекеменин (ишкананын) жетекчиси менен макулдашуу;

• практика башталгандан кийин 10 күндүн ичинде практиканттарды кабыл алуу (зачисление) жөнүндөгү мекеменин (ишкананын) жетекчисинин буйругунун көчүрмөсүн, группанын практикадан өтүү графигин директордун орун басарына алып келүү;

- текшерүүлөрдүн графигине ылайык ишканада (мекемеде) өтүп жаткан практиканын жүрүшү жөнүндө тийиштүү отчеттук документтер аркылуу билдирип туруу.

9. Студенттердин коопсуздугун камсыздоо

1. Практиканы кооптуу өндүрүштүк объектилерде (цехтерде, ишкананын структуралык бөлүмдөрүндө ж.б.) өтөп жаткан студенттерге эмгекти коргоо маселелери боюнча КРнын нормативдик-укуктук актылары аракетте болот.

2. Практика жетекчилери эмгекти коргоо боюнча окутуудан жана жана билимдерин текшерүүдөн кеминде 3 жылда бир жолу өтүп турушат.

9.3. Практиканын ишканадагы (мекемедеги) жетекчиси студенттер менен төмөнкүлөрдү өткөрөт:

• эмгекти коргоо боюнча инструктаж, жумуш орундарында стажировка, ишти аткаруунун коопсуз ыкмаларын жана методдорун үйрөтүүнү жана алар боюнча билимдерди текшерүүнү;

• күтүлбөгөн (чукул) абалдар жаралган учурларда авариялык абалдарды жоюу, студенттердин өмүрүн жана ден соолугун сактоо, анын ичинде жабырлануучуларга биринчи жардам көрсөтүү чараларын көрөт;

• эмгекти коргоо эрежелерин бузган студенттерди иштен четтетет жана анын практиканы улантуу маселесин окуу жайдын жетекчилигине билдирет.

Студенттердин жогорку коркунучтагы иштерди өз алдынча аткаруусуна жол берилбейт.

10. Практиканын жыйынтыктары

1. Практиканын жыйынтыгы окуу жайы тарабынан иштелип чыккан практиканын программасы аркылуу аныкталат.

2. Практиканын жыйынтыгында практиканын окуу жайдан жана ишканадан дайындалган жетекчилери тарабынан аттестациялык баракча даярдалат. Анда студенттердин кесиптик компетенцияларга ээ болуу деңгээли, ошондой эле практиканы өтөө мезгилинде студенттин кесиптик компетенцияларга ээ болуусу боюнча мүнөздөмө камтылат.

3. Практиканы өтөө мезгилинде белгиленген талаптарга ылайык күндөлүк толтурулат жана ал практиканын ишканадагы жетекчиси тарабынан колтамга коюлуп, тастыкталат. Практиканын жыйынтыктары боюнча студент белгиленген формага ылайык отчет түзөт жана ал отчет ишкана тарабынан бекитилип, күндөлүк менен бирдикте практиканын окуу жайдагы жетекчисине тапшырылат.

Өндүрүштүк практика боюнча отчеттун формасы жана күндөлүгү ар бир адистик боюнча окуу-усулдук бирикмелер тарабынан аныкталат, иштелип чыгат жана бекитилет (сунуштар же усулдук көрсөтмөлөр). Отчеттун мазмуну практиканын программасы жана жеке тапшырмалар аркылуу аныкталат. Отчет практика жөнүндөгү отчетту даярдоонун сунуштарында (усулдук көрсөтмөлөрдө) көрсөтүлгөн маалыматтарды камтышы керек. Отчеттор практиканын ишканадагы жана окуу жайдагы жетекчилери тарабынан каралат.

1. Практика учурунда студенттердин алган тажрыйбасын тастыктоочу графикалык, аудио-, фото-, видео-материалдар, компьютердик программалардын материалдары (түшүндүрмөлөрү, скриншоттору ж.б.) практиканын күндөлүгүнө тиркеме катары практиканын окуу жайдагы жетекчисине тапшырылат.

2. Мекеменин (ишкананын) тиешелүү документтери менен тастыкталган практиканын жыйынтыктарынын негизинде өндүрүштүк практиканын жыйынтыктоочу аттестациясы жүргүзүлөт.

3. Практиканын жетекчилери күндөлүккө практиканттын аткарган иштери боюнча кыскача ой пикир беришет. Анда студент тарабынан практиканын программасынын аткарылышы (ишке мамилеси, эмгек тартиби, кесиптик көндүмдөргө ээ болуу даражасы, мекемедеги коомдук турмушка катышуусу ж.б.), адистикке зарыл практикалык тажрыйбалары, жалпы, кесиптик компетенциялардын калыптануу критерийлери чагылдырылат.

4. Практикадан өтпөгөн же практика боюнча канааттандырарлык эмес баа алгандарга жыйынтыктоочу мамлекеттик аттестациядан өтүүгө уруксат берилбейт.

11. Жыйынтыктоочу жоболор

1. Бул жобого өзгөртүүлөр жана толуктоолор окуу жайдын усулдук кеңеши тарабынан кабыл алынат жана окуу жайдын директору бекитет.

2. ОКББнын НКББПсы боюнча студенттердин практикаларын өткөрүү жөнүндөгү мурдагы (2019-жылдын 16-сентябрындагыдагы, № 2 протокол) Жобо күчүн жоготту деп эсептелсин.

Колдонулган адабияттар

1. Положение о производственной практике студентов СПО. Приложение 5. Утверждено ПП КР №470 от 04.07.2012.

2. ОшМУнун №24 бюллетени. ОшМУда практикаларды уюштуруу боюнча (ОКББ үчүн) жобо. 2018

3. Положение о практике обучающихся, осваивающих ОПОП СПО, Москва, колледж РГУПС. 2017.

4. Положение о практике обучающихся, осваивающих ОПОП СПО Государственного автономного профессионального образовательного учреждения Мурманской области «Кандалакшский индустриальный колледж». Город Кандалакша, 2017.

5. Закон Кыргызской Республики «Об образовании» (№ 92 от 30.04.03) / Сборник нормативно-правовых актов в области образования КР. Выпуск 1. Бишкек: - Просвещение, 2004. - С. 13-56.

Иштеп чыккандар:

Раманкулов М., окуу бөлүмүнүн башкы адиси

Касымбеков А.А., окуу бөлүмүнүн башчысы

Муратбаева Г.Н., окуу иштери боюнча директордун орун басары

Макулдашылды:

Тынай уулу Б., өндүрүштүк окутуу боюнча директордун орун басары

Ой пикир билдиргендер:

Хакимова М.С., Экономика кафедрасынын окутуучусу

Кайназаров Б.А., Педагогика жана тил илимдери кафедрасынын улук окутуучусу

ТИРКЕМЕЛЕР

1-тиркеме. Жумушчу программанын титулдук баракчасы

Кыргыз Республикасынын Билим берүү жана илим министрлиги

Ош технологиялык университети

Академик Б.Мурзубраимов атындагы Өзгөн технология жана билим берүү институту

_______________________________ кафедрасы

«Каралды» «Бекитилди»

кафедранын 20__-ж. “___”_______ Окуу-усулд.кеңештин 20__-ж. “____”

жыйынынын № ____ протоколу жыйынынын № ______ протоколу

Каф.башчысы: ___________________ Төрагасы: ___________________

Адистик: ______________________________________________

Окутуунун түрү: _______________________________________

Бүтүрүүчүнүн квалификациясы: ________________________

_________________________________ практиканы өткөрүү боюнча

ЖУМУШЧУ ПРОГРАММА

Окуу планы боюнча сааттардын торчосу

Жумушчу программа НКББПнын негизинде түзүлүп, Окуу-усулдук кенештин 202__-ж. ____________ отурумунда бекитилген. № ________. протокол

Түзгөн:

2-тиркеме. Жумушчу программанын аннотациясы

«____________________________» кафедрасынын отурумунда

талкууланган жана бекитилген.

201__-ж. _________________ №______ протокол

Окуу-усулдук кеңешинин отурумунда бекитилди

202__-ж. _________________ №______ протокол

_________________________________________________________ адистиги боюнча __________________________________________ практиканы өткөрүү үчүн жумушчу программа (аннотация)

Түзүүчүлөр: ___________________________________________________________

Сын пикир жазган: _____________________________________________________

3-тиркеме. Диплом алдындагы практиканы өздөштүрүүнүн максаттары

- теориялык билимдерди бышыктоо жана конкреттештирүү;

- адистик боюнча тармактарда практикалык билгичтерин жана көндүмдөрүн практика жүзүндө калыптандыруу;

- өз алдынча кесиптик иш-тажрыйбасы калыптандыруу;

- бүтүрүү квалификациялык ишке зарыл болгон материалдарды жыйноо.

4-тиркеме. Диплом алдындагы практиканы өздөштүрүү процессинде калыптандырылуучу компетенциялар жана окутуу натыйжалары

Диплом алдындагы практиканынын натыйжасында студент билим берүү программасын өздөштүрүүнүн күтүүлүчү натыйжасына ылайык келген төмөнкү окутуу натыйжаларына жана дисциплинага берилген компетенцияларга жетишет:

5-тиркеме. Дисциплинанын НКББПдагы орду

Диплом алдындагы практика практикалар циклынын ___________________

___________________________________________________________________________ тармагындагы орто звенодогу адистерди практикалык жактан даярдоону камсыз кылуучу вариативдик бөлүгүнө кирет (Б5).

Пререквизиттер Диплом алдындагы практиканы өтүү үчүн гуманитардык, социалдык жана экономикалык циклдагы дисциплиналарга таянат.

Постреквизиттер Диплом алдындагы практика ____-семестрдеги предметтерди өздөштүрүүгө, Мамлекеттик жыйынтыктоочу аттестацияны тапшырууга, Бүтүрүүчү квалификациялык ишти жазууга жана коргоого жардам берет

6-тиркеме. Диплом алдындагы практиканын компетенциялар картасынын темаларда (бөлүмдөрдө) берилиши

7-тиркеме. Дисциплинанын технологиялык картасы

8-тиркеме. Отчеттун титулдук баракчасы

Окуу жайы _______________________________

Бөлүм ____________________________________

Кафедра __________________________________

Адистик __________________________________

(Окуу, Адистик профили боюнча, Диплом алдындагы)

практикасынын

ОТЧЕТУ

Студент______________________________________________________

курсу_________группасы_______________________________________

Практика өтүлгөн ишкана_______________________________________

_____________________________________________________________

Отчет тапшырылган күн:__________________________________

Баасы ____________________

Практика боюнча жетекчи _____________________________________

(кол тамгасы, Ф.А.А.)

202__ – жыл

9-тиркеме. Отчеттун түрлөрү (үлгү)

Практиканын жыйынтыгы боюнча студент басылма тексти 1 беттен кем эмес жазуу жүзүндөгү отчет (кыргыз, орус же англис тилинде) берилет. Отчет практика учурунда аткарган иши боюнча белгилүү бир маалыматтарды камтыйт, ал эми отчет практика программасындагы милдеттеринин натыйжаларын чагылдырууга тийиш.

Отчет (портфолио) төмөндөгү документтерди камтыйт:

• Отчет

• Күндөлүк

• Мүнөздөмө

• Которгон тексттердин нускамалары же өзү

• Сөздүк (ишканага тиешелүү 100 сөздөн кем эмес)

• Фотоотчет

• Жекече тапшырмалар

• Презентация

• Тиркемелер.

10-тиркеме. Окуу-усулдук жана маалымат менен камсыздоо (үлгү)

Негизги адабияттар

1. Алексеева И.С. Введение в переводоведение. М. - СПб.: ACADEMIA, 2004.

2. Алексеева И. С. Профессиональное обучение переводчика: Учебное пособие по устному и письменному переводу для переводчиков и преподавателей. - СПб.: «Союз», 2 0 0 1. - 2 8 8 с.

3. Брандес М.П. Предпереводческий анализ текста. М.: Тезаурус, 2003.

4. Виноградов В.С. Перевод: общие и лексические вопросы. М.: Книжный Дом Университет, 2004.

Кошумча адабияттар

1. Виноградов В.С. Перевод. Общие и лексические вопросы. М., 2004.

2. Виссон Л. Синхронный перевод с русского на английский. М., 2012

3. Виссон Л. Практикум 1 по синхронному переводу с русского на английский. М., 2013

4. Гарбовский Н.К. Теория перевода. М., 2004.

5. Комиссаров В.Н. Современное переводоведение. М., 2001.

6. Латышев Л. К. Технология перевода. М., 2001.

7. Миньяр-Белоручев Р.К. Теория и методы перевода. М., 1996.

8. Рецкер Я. И. Теория перевода и переводческая практика. М., 1974.

9. Федоров А.В. Основы общей теории перевода. М., 1983.

10. Швейцер А.Д. Теория перевода: Статус, проблемы, аспекты. М., 1988.

11. Якобсон Р. О лингвистических аспектах перевода // Якобсон Р. Избранные работы. М., 1985

Электрондук ресурстар

1. www.britannica.com

2. www.m-w.com/dictionary

3. www.ldoceonline.com

4. www.multitran.ru

5. www.multilex.ru/slovari.htm

11-тиркеме. Программалар жана маалымат менен камсыздоо

Студенттердин практикасы жогорку денгээлде өтүүсү үчүн ата-мекендик жана чет өлкөлүк окуу жайлары, ишканалар жана уюмдар менен маалымат алмашуу үчүн заманбап кесиптик базалары, маалыматтарды жана издөө системалары менен камсыз кылуу мүмкүнчүлүгү берилиши керек. Практикада Word, MS Office, ошондой эле техникалык котормолору менен иштөө үчүн программалык камсыздоо керек (мисалы, TRADOS, Multi translator, Google Translator, Abby Lingvo ж.б.) же башка маалыматтарды жана техникалык программалар (иш багытына жараша, азыр ишке ашырылат).

12-тиркеме. Материалдык-техникалык жактан камсыздоо

Практика өткөн мекеме (ишкана) студенттерге керек болгон материалдык-техникалык жактан колдоону көрсөтүшү, практиканын программасын жүзөгө ашыруу үчүн зарыл болгон шарттарды түзүү, керектүү материалдарды жана документтерди берүү, студенттердин коопсуздугун камсыз кылуу, практиканы туура жолго салуу үчүн квалификациялуу эксперттерди дайындоо, практиканын аягында ар бир студенттке мүнөздөмө жазуусу зарыл.

Практиканы толук кандуу өтөө үчүн кабыл алуучу мекеме (ишкана) студентке интернетке туташкан компьютер менен жабдылган жумуш орду берип турууга милдеттүү.

13-тиркеме. Календардык-тематикалык иш пландын графиги

Практиканын календардык-тематикалык иш пландын графиги боюнча

жалпы тапшырмалардын үлгүсү

14-тиркеме. Жекече тапшырмалар

Практикада аткарылуучу жекече тапшырмалардын үлгүсү

15-тиркеме. Практиканын түрлөрүнө тиешелүү НКББПдан көчүрмө берилгендигин аныктоо

Ар бир ОУБ өзү жооптуу болгон окуу программасынан НББП түзүп, окуу жайдын педагогикалык кеңешинде бекитилиши керек. Окуу мөөнөтү ичинде студенттер үчүн адистигине ылайык практиканын түрлөрү жана мөөнөтү каралышы керек. НББПда практикага тиешелүү компетенциялары так көрсөтүлүүсү зарыл.

16-тиркеме. НКББПнын ОНдору менен практиканын ОНдорунун дал келүүсү

Жумушчу программаларында тиешелүү практика кайсы компетенцияларды калыптандыра тургандыгы, ал компетенцияларга багытталган тапшырмалары жана программалары иштелип чыгылсын.

Жогоруда көрсөтүлгөндөй жаңы билим берүү стандарттары колдонууга алынгандан кийин компетенциялык негизде практикага тиешелүү компетенциялар аныкталып, практиканын жумушчу программаларына өзгөртүүлөр каралып, киргизилиш керек.

17-тиркеме. Баалоо критерийлери

Практика боюнча студенттердин аткарган ишинин жыйынтыгын

баалоо критерийлери (үлгү)

18-тиркеме. Багыттама

№__ «_____» ____________ 202__ -ж.

________________________________________

(ишкананын аталышы)

________________________________________

(жетекчинин аты-жөнү)

Б А Г Ы Т Т А М А

ОшТУнун Өзгөн технология жана билим берүү институтунун _____________________________ бөлүмүнүн ______________ тайпасынын студенти ________________________________ _________________________________________ 20 ___ - жылдын ___________________ баштап ___________________________ чейин ________________________ практикасын өтүү үчүн кабыл алууңузду суранабыз.

Бөлүмдүн башчысы: ________________________

Практика жетекчиси: ________________________

МО

19-тиркеме. Күндөлүктүн титулдук баракчасы

Кыргыз Республикасынын Билим берүү жана илим министрлиги

Өзгөн технология жана билим берүү институту

_________________________________________________________________________

^бөлүм

_________________________________________________________________________

^{кафедра}

^{_________________________________________________________________________________________________}

^{адистик}

(окуу-таанышуу, адистик профили боюнча, диплом алдындагы)

практиканын

КҮНДӨЛҮГҮ

Студент__________________________________________________

курсу_________группасы___________________________________

Практика өтүлгөн ишкана___________________________________

__________________________________________________________

Практика жетекчиси _____________________________________

(кол тамгасы, Ф.А.А.)

202__ – жыл

20-тиркеме. Мүнөздөмөнүн үлгүсү

(Ишкананын фирмалык бланкасы)

ОшТУнун Өзгөн институтунун 3-курсунун студенти М.Кадыровго

Мүнөздөмө

“Электр менен жабдуу” адистигинин 3-курсунун студенти Кадыров Маматкерим 20__-жылдын 18-сентябрынан 16-октябрына чейин “Save the children” ишканасында диплом алдындагы практикасын ийгиликтүү өткөрдү.

И.Кадырбаев практикада калыптануучу компетенциялардын негизинде өзүнүн ишке болгон жөндөмдүүлүгүн жана эмгекчилдигин, тапшырылган иштерди так жана сапаттуу аткарып, ишке жоопкерчилик менен мамиле кылгандыгын жана кесиптик компетенцияга калыптандырууда активдүүлүгүн көрсөтө алды. Ишке кечикпестен келип, эмгек тартибин толук сактады.

Практиканын календардык-графиктик планында көрсөтүлгөн тапшырмаларды аткарууда окуу жайда алган теориялык билимдерин колдонууга жетишти.

Электрик катары ишканада өз милдеттерин так аткарууга жетишти, сайтты жаңылоо жана материалдарды жайгаштырууга, маалыматтар базасын жаңылоого жана ар түрдүү административдик иштерге жардам берди.

Практиканы өтөө убагында тандап алган кесиби боюнча терең билим алып жаткандыгын көрсөтө алды. Жекече берилген тапшырмалардын баарын аткарды. Ошондуктан, М.Кадыров практиканы ийгиликтүү өткөрдү деп эсептеймин.

“Save the children” ишканасынын жетекчиси __________________ К.Исканов

^{(кол тамга, ишкананын печаты)}

16.10.202__