Стыр дамгъæ бæстæты, горæтты, хъæуты, дæтты нæмтты.

Гом урок «Стыр дамгъæ бæстæты, горæтты, хъæуты, дæтты нæмтты»

Дзæуджыхъæуы

30-æм скъолайы ахуыргæнæг

Туаты Х.Х.

Нысан: 1. Сывæллæттæн раттын æмбарынад сæрмагонд нæмтты тыххæй . 2.Бамбарын кæнын сæрмагонд нæмтты растфыссынад.

3. Рæзын кæнын сыввæллытты зæрдæты уарзондзинад сæ мадæлон æвзаг æмæ райгуырæн бæстæмæ.

Универсалон ахуырадон архӕйдтытӕ:

Метопредметон:

Регулятивон – сахуыр кӕнын сабиты ӕвӕрын сӕ размӕ конкретон ахуырадон хӕс.

Зонындзинӕдтӕ райсыныл архайд – хъуамӕ сахуыр уой чиныджы ӕнӕкъуылымпыйӕ хъӕугӕ ӕрмӕг ахуыр кӕнын.

Коммуникативон : хъуамӕ сахуыр уой раст фехъусын ӕмӕ раст дзуаппытӕ дӕттын фӕрстытӕн.

Предметон : 1. Хъуамӕ сахуыр уой пайда кӕнын стыр дамгъайæ бæстæты, горæтты,

хъæуты, дæтты нæмтты 2. Раст пайда кӕной дзырдтæй хъуыдыйады мидӕг.

Урочы цыд.

I.Бацæттæгæнæн хай.

1.Фонетикон зарядкæ

Ден-ден-ден,джыз-джыз-джыз

Джын-джын-джын,дын-джыр!!!

2.Хæдзармæ куыст сбæрæг кæнын.

3.Рацыд æрмæг фæлхат кæнын.

-Ирон æвзаджы цал дамгъæйы ис?
-Уырыссаг æвзаджы та?
-Ирон дамгъуаты дамгъæтæ фылдæр цæмæн сты?

-Кавказаг мыртæ иннæтæй цæмæй хицæн кæнынц?

Интерактивон фæйнæгыл æвдыст цæуы ирон дамгъуат.

II.Ног æрмæг.

1.- Сывæллæттæ,нæ зæрдыл ма æрлæууын кæнæм Айларты Измаилы æмдзæвгæ «Фыдыбæстæ».

Æз нырма гыццыл дæн,
Ард хæрын нæ зонын.

Райгуырæн бæстæйы.

Æз мæ мад куы хонын.

-Цæуыл у ацы æмдзæвгæ?

-Нæ райгуырæн бæстæ цы хуыйны?

-Йæ сæйраг сахар та цы хуыйны?

-Ирыстоны цал горæты ис? Цавæртæ?

Равдисын сывæллæттæн презентаци «Мæ уарзон Ирыстон»
-Ацы дзырдтæ куыд фысгæ сты? Цæмæн?

Скæнын хатдзæг :Бæстæты, горæтты, хъæуты, дæтты нæмттæ фыссын хъæуы стыр дамгъæйæ,уымæн æмæ уыдон сты сæрмагонд нæмттæ.

2.Тетрæдты куыст.

Ныффыссын нымæц, къуырийы бон, къласы куыст.

Сыгъдæгфыссыннады минут

У у уа уи уæ уы

Уæрæсе
-Сывæллæттæ, ныффыссæм тетрæдты цы дзырдтæ ранымадтам уыдон:

Уæрæсе, Ирыстон, Мæскуы, Дзæуджыхъæу, Алагир, Æрыдон, Дигора, Беслæн, Мæздæг.

3.Скæнын физминуткæ.

4.Чиныгимæ куыст. Æххæст кæнæм 149-ӕм фæлтæрæн. Фыццаг йын йæ хæслæвæрд равзарын .Раиртæст бакæсын.

5.Сфæлдыстадон куыст.

Хъазт « Ссар уæлдай дзырд»

Фæйнæгыл фыст дзырдтæ. Рафыссут уæлдай дзырдтæ уæ тетрæдтæм. Мæскуы, Дзæуджыхъæу, Беслæн, Заманхъул.

Терк, Фиййагдон, Урсдон, Мады-хох.

Джызæл, Саниба, Хуымæллæг, Дигора.

6. Кæд ма рæстæг уа уæд æххæст кæнæм хæслæвæрд
«Дзырдтæн ссар се ̕ мбæлттæ»

хъæу Терк
горæт Уæрæсе
цæугæдон Ногир

бæстæ Мæздæг

IV.Кæронбæттæн.

-Нæ урочы темæ цавæр уыди?

_Цæуыл дзырдтам?

-Куыд фысгæ сты сæрмагонд нæмттæ иууылдæр?

-Сæрмагонд нæмттæм цы хауы?
-Нæ урочы райдайæны мах дзырдтам мадæлон æвзаг æмæ райгуырæн бæстæйы тыххæй .Цавæр æнкъарæнтæ уым гуырын кæнынц уыцы ныхæстæ?
-Ногæй цы базыдтат ацы урочы?

Сӕвӕрын бӕрӕггӕнӕнтӕ.

Рефлекси.

Ӕз базыдтон…..

Ӕз сахуыр дӕн…..

Мӕ бон суыдзӕн…..

Мӕ зӕрдӕмӕ фӕцыд….

Нӕ бамбӕрстон……

-Стыр бузныг алкӕмӕн дӕр ,тынг хорз бакуыстат урочы.

Фембӕлдмӕ!

IV.Хæдзармæ куыст.

150 - æм фæлтæрæн æххæст кæнæм тетрæдты.
Зонинаг сахуыр кæнын зæрдывæрдæй.