Сыныптан тыс шара

Тақырыбы:«К Ө Ң І Л Д І Э С Т А Ф Е Т А»

Мақсаты: Оқушылардың меңгерген дене жаттығуларының түрлерін өз бетінше орындауға шынықтыру. Эстафеталық ойындар арқылы дененің ептілік, икемділік, төзімділік, шапшаңдылық қасиеттерін қалыптастыру. Бала денсаулығын сақтауда, спортқа қызығушылығын қалыптастыруда жауапкершіліктерін арттыру, салауатты өмір салтын қалыптастыру.

Қатысушы: 3 топ студенттері

Түрі:эстафеталық сайыс

Құрал – жабдықтары:резеңке доптар, кіші доптар, шелектер, кеглилер, ысқырық.

Ө т і л у б а р ы с ы:

I. Ұйымдастыру бөлімі

Оқушылардың орындайтын спорттық өнерлерін көрсетуде жылдам, епті, ұйымшыл және көңілді екендіктерін көру қандай қуаныш. Бүгінгі біздің сайысымызға 4 топ қатысады. Әр топ жеңіс мәресіне жету үшін бірнеше кезеңнен тұратын кедергілерге төтеп беруі тиіс. Меніңше бұл әрбір топтарымыздың қолынан келеді. Біз әр топтарға сәт сапар тілейміз!

Сайысты бағалап, төрелік айтар әділқазылар алқасымен таныстырып өтіледі. Спорттық сайыс 5 баллдық жүйемен бағаланады.

- Келіңіздер, келіңіздер!

Бұл жарысты көріңіздер!

Бізде бәрі жүйріктер!

Күш сынасар алыптар!

- Енді ортаға сайыскерлерімізді шақырайық. Эстафеталық спорт сайысына қатысушы 2 – 3 сынып оқушыларынан құралған 4топ ортаға шығады.

- Жалқаулықты тастаймыз!

Шынығамыз жастай біз!

Босқа тұрмай, қанекей!

Жаттығуды бастаймыз!

II. Негізгі бөлім

- Сайыстың бағдарламасы 5 шарттан тұрады:

С а й ы с б а ғ д а р л а м а с ы:

І. «Өз тобыңдыӘр топ өз тобының атауын, ұранын таныстырып өту.

таныстыр»

ІІ. «Доптарды жина»Топ мүшелері кезектесе қолына ұстаған шелекпен кедергі

арасымен жүгіре барып,белгіленген жердегі кіші

доптарды ала шелегіне салып, кері қайта жүгіре өтіп

шығу.

ІІІ. «Кенгуру»Топ мүшелері кезектесе үлкен резеңке доптың үстіне

отырып, кедергі арасымен секіре айнала өтіп, кері қайту.

ІV. «Дәл көзде»Топ мүшелері кезектесе белгіленген жердегі нысананы

дәл көздей тигізу. Әр тигізген нысана 1 ұпай болып

есептеу.

V. «ЖұптасқанТоп мүшелері екеуден жұптасып, белгіленген жерге

ұстаушылар»жүгіріп барып, кері қайту.

III. Қорытынды бөлім

- Құрметті сайысқа қатысушылар, сіздер бүгін өз күш-жігерлеріңізді, шымыр шыныққан екендеріңізді дәлелдедіңіздер.

- Қазылар орнықтырар әділдікті!

Кімдердің бірліктері кәміл мықты!

Спортшы сайыскерлер сайысында,

Жеңіске жетер дейміз, нағыз мықты...

Жеңсек біз жеңдік деп тасымаймыз,

Жеңілсек жеңілдік деп жасымаймыз.

Жығылсаң жер көтерер деген екен,

Реніш өкпелеуге қосылмаймыз!

- дей келе, сөз кезегін әділқазылар алқасына береміз.

Жеңімпаздарды марапаттау.

(Әділқазылардың ұпайларын тыңдау)

Әділқазылар алқасы қорытындысын жариялап, жеңімпаздарды атайды. Сайыскерлерді дипломдармен марапаттап, табыстайды.