Т1атохача предложене кертерча предложенеца грамматически бувзам.

Тема : Т1атохача предложене кертерча предложенецара грамматически бувзам.Т1атохача предложене моттиг.

Лоарх1ам: т1атохача предложенех бола кхетам балар,уж текста юкъера хьакъестае 1омабар; наьнацара безам кхебар; нийса яздара навыкаш дег1айоалаяр .

Гойтара г1ирс:тесташ,карточкаш,перфокарточкаш

Урока никъ :

I Кийчо ю ха.

II Ц1аг1ара болх тахкар :1Упр № 300.

2. § § 46 -50 - ювцийт дешархошка.

III Гойтара диктант : Мотт адамий вахаре ца хилча баргбоаца хьаькъала г1ирс ба. Вахар а къахьегам а бахьане кхоллабенна,даим дег1аухаш хьабена а хьабоаг1аш а ба. Адамий вахар а,говзал а,1илма а, культура а - адамашта эшаш мел дар кхеде,г1о даьр мотт ба.

IV.Тохкамаш :1.с.:Хиннавий хьо гурахьа хьунаг1а? 2.м.:хиннавий. 3.ф.:хиннавий.

V.Урока темацара болх:

1) Урока тема ювц. Грамматика бокъонах т1атоха предложени кертерча предложенех д1аювзалу хоттаргий,хоттаргий лоарх1аме долча дешай,сказуеме т1атохача формай новкъосталца.I.Хоттаргийи хоттаргий лоарх1ам болча дешайи новкъосталца:Х1анз кхашка болхбе атта да,х1ана аьлча(хоттарг да)цига дукхаг1бола болх машинашца бу.Нагахьа санна(хоттарг)хьо ханнахьа ца кхоаче,поезда т1ехьадусаргда вай. Нагахьа(хоттарг)аьттув боацаш моттиг хуле,юхавелахь,са доттаг1а,самолёташ ехаргья вай.Хьо Москве ваха везаш волче,ханнахьа билет эца деза. II.Т1атохача предложене сказуеме т1атохача форма новкъосталца бола бувзам:Цунах х1ама ца хуле,сахуллашехьа болабала лаьрх1ар цар а.Т1атоха предложени латта тарлу кертерча предложенена хьалха,т1ехьа,юкъе :Со хьога хьежаргва,нагахьа санна хьо тхацига воаг1аргвале.Со,нагахьа санна хьо тхацига воаг1аргвале,хьога хьежаргва.Нагахьа санна хьо тхацига воаг1аргвале,со хьога хьежаргва. . . .

2) Упр № 306. Хьаязде,к1ал така хьакха т1атохача предложенешта:Селхан 1а хьунаг1а вахийтаваларе, дахча дена хургдар,селхан г1ор яр,соалоза никъ бар,аьнна,сесага т1авийрзар из. и.д1.

3) Упр № 308.Шоашкара дага а лаьце,д1аязъе 6 чоалхане-карара предложенеш : 2 т1атоха предложенеш хьалха хургйолаш, 2 - юкъе хургйолаш, 2 - т1ехьа хургйолаш.

4)"Хой шоана?"- 1.1а – а ) г1айре я, б ) зама я, в ) шу да, г ) хаоттам ба ;

2.Чукхийтта моттиг я : а) форд, б) кха, в ) гув, г) ор .

VI 1омадаьр ч1оаг1дир.

VII Ц1аг1ара болх: § § 51 - 52. Упр № 302.

VIII Урока корта бар.