Тақырыбы:Жыл басы -Наурыз!

Жыл басы -Наурыз!

Мақсаты:  Балаларға ұлыстың ұлы күні туралы мағлұмат беру; Балаларды елін , Отанын сүюге, ұлттық салт-дәстүрін дәріптеуге  тәрбиелеу; Имандылық, инабаттылық, ізеттілік қасиеттерін қалыптастыру.

Мейрам өтетін жер салт –дәстүрге байланысты жабдықталады.Балалар ұлттық киімдерімен келеді.   

Залда әсем әуен ойнап тұрады.

 Тәрбиеші: Жер әлемді жайнатып, әнші құстар сайратып, наурыз тойын тойлатып, Ұлыстың ұлы күні келді ағайын. Той құтты болсын! Ақ мол болсын!  Армысыздар  құрметті  қонақтар.

Ұлыс күні кәрі – жас

Құшақтасып көріскен

Жаңа ағатқан қозыдай

Жамырасып өріскен

Ұлыс күні қар еріп

Сай салалар гүрілдеп

Көк шөбі шығып желкілдеп

Дүние біткен күлімдеп

Ұлыс күні кәрі жас

Құшақтасып көріскен.

Ән: « Наурызым мерекем».

Тәрбиеші: Наурыз туралы жыр шумақтар.

Алим:               Қош келіпсің Наурыз!

                       Арман  тойы халықтың.

                        Қуанышы халықтың,

                       Құтты болсын қадамың!

Елдана:          Би биледік бәріміз!

                       Егін өңін толқытқан,

                       Елдің көңілін шалқытқан.

Ильяс:                  Ұлы күні кәрі- жас,

                                Құшақтасып көріскен.

                                Жаңа ағытқан қозыдай,

                                Жамырасып өсірген.

                                Наурыз той құтты болсын!

Халиф:                Шапағатын аямай бұл жақта аспан,

                              Жадырайды әр адам мұң шақпастан.

                              Ой ағайын, келіңдер!

                              Бүгін бізде –

                              Наурыз көже құрт - қатық,бұршақ  қосқан.

Гауһар:          Наурыз келді құт болып,

                         Мына бізге нұр болып.

                         Аққа аузымыз толады,

                         Бар жақсылық болады.

Алина:             Наурыз күні той думан,

                         Ортамызды ашайық.

                         Ән мен күйді төгілдіріп,

                         Інжу маржан шашайық.                           

Арнұр:             Наурыз келсе,құт келгені, халайық!

                          Есік ашып,шашу шашып,

                         Ел боп қарсы алайық.

Тәрбиеші: кезекті айтыс өнеріне берейік:

Диас пен Арайдың айтысы.

Диас:        Диас ұлың мен болам.

                  Әке шешем мақтаған,

                   Жарыс десе жайнаймын

                   Намысымды қорғаймын.

Арай:    Өнердің ашып есігін

                    Шешендік сөзбен көсілдім

                   Таныстырсам өзімді

                    Айдана менің есімім

Диас:          Ал Арай сұлу қыз

                   Қандай  күшті бұрымың

                    Қасыңдағы қыздардың

                    Ішіндегі сұлу қыз

Арай:     Мені мақтап не істейсің

                    Білем өзім сұлумын

                    Дайынсың ба  мектепке

                    Соны айтып білдіргің.

Диас:     Білім, ғылым өнерге

                     Қанат қағар кезім ғой

                    Ата – салтын ертеңге

                     Жеткізетін өзім – ғой

Арай:     Ой жігітім арманшыл

                      Орындалсың арманың

                      Жұмыртқаны қақ жарып

                      Пілге ұқсап жатырсың.

Диас:     Көріп тұрсың сұлуым

                    Жігіт деген атым бар

                     Болашақта халқыма

                    Президент болу арманым

 Арай:      Әнде айта аламын

                       Биде билей аламын

                       Өзім бала болсамда

                      Таудай үлкен талабым.

Бірге:           Еркем, еркем еркем- ай

                      Еркелеген ертең – ай

                     Бүгін болған мереке

                     Болсын тағы ертең ай.

Есік қағылып, ішке вальс ырғағымен Көктем келеді.

Көктем: Мен көңілді Көктеммін,

                Былтыр келіп кеткенмін.

                 Көзін ашып бұлақтың,

                 Түбіне тал еккенмін.

Тәрбиеші: Амансың ба ару Көктем!Ұлан байтақ еліме қош келіпсіз!

Көктем:балалар мен сендердің мерекелеріңе бос қол келгем жоқ,ойын алып келдім.

Ойын: «Гүл құрастыру».

Ән: «Көктем келді».

7-ші топтың мерекелік сыйлығы:

Би: «Көңілді би».

Ойын: «Қыз қуу».

Ән: «Бөбектер әні».

Би «Қара жорға».

   Тәрбиеші: Наурыз құтты болсын!

                      Дендеріміз сау, мықты болсын!

                      Наурыз тойы келе берсін!

                      Барлық халық бақытты болсын,

                      Қош ,сау болыңыздар, халайық!

                      Көріскенші күн жарық болсын!

Барлықтарыңызды  Наурыз  дастарханына шақырамыз.

Көжеден дәм татыңыздар.