Тапталлаахтар куннэригэр аралдьыйыы сценарийа

Тапталлаахтар күннэригэр аралдьыйыы сценарыйа.

Сыала: Оҕолорго Сэбитиэй Валентин бырааһынньык туһунан өйдөбүлү биэрии.

Туттуллар матырыйааллар: өҥнөөх кумааҕылар, килиэй, кыптыыйдар оҕо ахсаанынан, өҥнөөх миэллэр, хордуонтан кырыллыбыт сүрэх аҥаардара.

Бырааһынньык барыыта.

Оҕолор тоҕо биһиги муһуннубут? Сэбитиэй Валентин күнүн бырааһынньыктаары.

Ханнык күҥҥэ буолар эбитий? (олунньу 14 күнүгэр)

Биһиэхэ барыбытыгар бу күн доҕордоһуу, таптал күнэ, улахан дьоҥҥо убаастабыллаахтык сыһыаннаһыы күнэ.Оҕолор эһиги ийэҕитин, аҕаҕытын, эбээҕитин, эһээҕитин , убайгытын, эдьиийдэргитин таптыыгыт дуо ?

Бүгүн биһиги Сэбитиэй Валентин күнүн тоҕо бэлиэтиирбитин билиэхпит.

Өрдөөҕүтэ Рим куоракка Клавдий диэн император олорбут эбит.. Кини эр дьоннору кэргэн ылалларын бопсор эбит. Кини этэринэн эр дьоннор Рим куорат туһугар туруулаһан сэриилэһиэхтээхтэр , өстөөхтөртөн көмүскүөхтээхтэр эбит. Эр киһи кэргэн ыллаҕына дьиэ кэргэттэрин көрөн – харайан аралдьыйар диир эбит. Ким кэргэн ылбыты өлөртөрөн иһэр эбит.

Ол кэмҥэ Римҥэ эдэр таҥара үлэһитэ олорбут , кини Валентин диэн ааттаах эбит. Кини наһаа өйдөөх, эйэҕэс, сайаҕас, аламаҕай барыларыгар көмөлөһөр эбит. Император Клавдий ону истибит уонна саллааттарын ыытан Валентины туттаран , түрмэҕэ олорпут. Сотору буолан баран өлөрөргө диэн указ таһаарбыт. Ол хаайыллан олорон Валентин түрмэ начальнигын кыыһын таптаабыт. Ол кыыс хараҕынан сатаан көрбөт эбит. Кыыс киһи тылынан сатаан эппэт , кыраһыабай эбит. Валентин ол кыыска бириэмэ булан тапталын билинэн сурук суруйбут .

Олунньу 14 күнүгэр Валентины өлөрбүттэр. Кыыс ол суругу ааҕан баран хараҕынан көрөн кэлбит. Онтон ыла бу күн таптал, тапталга бэринии, доҕордоһуу күнүнэн буолбут.

Оҕолору икки бөлөҕүнэн арааран икки хамаанда тэриллэр. Күрэхтэһии ыытыллар.

1 түһүмэх доскаҕа Сибиэтэй Валентина символын уруһуйдааһын. Хайа хамаанда түргэнник суһаллык элбэх кыраһыабай сүрэхтэри уруһуйдаабыт кыайыылааҕынан тахсар.

2. түһүмэх олоппосторго валентинкалар сыталлар . Иккилии паара буолан ыстаҥалаан кэлэн ылан өссө атын паараларга биэрэллэр, хамаандалартан 5 паара кыттар. Суһаллык түргэнник кэлбит хамаанда кыайыылааҕынан тахсар.

3. «Арахсыбыт сүрэхтэр». Оҕолорго барыларыгар сүрэх аҥаардыыта бэриллэр. Муусука оонньоотоҕуна үҥкүлүүллэр, тохтоотоҕуна сүрэхтэрин аҥаарын булуохтаахтар.

4. Сүрэҕинэн маһы киэргэтии.

Үҥкүү Буги- буги.

Бырааһынньык түмүгэ

Оҕолор туохтан бу бырааһынньык баар буолбутуй?. Ханнык куорат эбитий? Оҕолорго барыларыгар кэмпиэт түҥэтии.