Տասնորդական կոտորակների կլորացումը

Տասնորդական կոտորակների կլորացումը

Ենթադրենք, թե ճաշասենյակի պատերը պետք է պաստառապատենք Դրա համար չափել են սենյակի երկարությունը , լայնությունը և բարձրությունը , հաշվել պատերի մակերեսը և ստացել 46.8 մ²:Մեկ պաստառը 10մ² :Իհարկե, պաստառների անհրաժեշտ քանակությունը գնելիս սանտիմետրերը դեր չեն խաղալո: 4 պաստառը

Քիչ կլինի, 5-րդ պաստառից էլ մի քիչ կավելանա Այդ պատճառով ստացված թիվը կլորացնում են՝ ստացված թիվը մոտավորապես է հավասար ճշգրիտ թվին

Դա գրում են այսպես՝ 46,8≈ 50

Այս դեպքում տրված թիվը փոխարինվեց ավելի մեծ թվով: Այդ պատճառով ասում են, որ կլորացումը կատարվեց հավելուրդով: Կատարում են նաև կլորացում պակասորդով՝ եթե տրված թիվը փոխարինենք ավելի փոքր թվով: 

Սովորաբար նախընտրելի է այնպիսի կլորացումը, որով ստացված թիվը տրվածից հնարավորինս քիչ է տարբերվում:Կլորացումը կատարում են մինչև որևէ կարգ:

Մինչև տվյալ կարգը պակասորդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով, իսկ տվյալ կարգում գրված թիվը մնում է անփոփոխ:

Օրինակ 628,825 թիվը կարելի է կլորացնել մինչև տասնորդականները՝ 628,825≈628,8 00≈628,8 :Այս դեպքում մոտավոր թիվը կստացվի  տրվածից փոքր:

Մինչև տվյալ կարգը հավելուրդով կլորացման ժամանակ բոլոր թվանշանները, որոնք թվի գրառման մեջ գրված են տվյալ կարգից աջ, փոխարինվում են զրոներով, իսկ տվյալ կարգի թվանշանը մեծանում է մեկով:

Օրինակ 628,825 թիվը կլորացնենք մինչև տասնորդականները հավելուրդով628,825≈628,9 00≈628,9:Այս դեպքում մոտավոր թիվը կստացվի  տրվածից մեծ:

Մենք կատարեցինք նույն թվի կլորացում երկու եղանակներով՝ 628,825≈628,8 628,825≈628,9 : Նախընտրելի է այն կլորացումը, որի ժամանակ ստացված թիվը տրվածից հնարավորինս քիչ է տարբերվում (դիտարկված օրինակում նախընտրելի է կլորացումը պակասորդով): Դրա համար պետք է վարվել հետևյալ կերպ՝ 

1) եթե թվի գրառման մեջ տվյալ կարգից աջ գրված են 0,1,2,3,4 թվանշաններից մեկը, ապա պետք է կատարել կլորացում պակասորդով

2) եթե թվի գրառման մեջ տվյալ կարգից աջ գրված են 5,6,7,8,9 թվանշաններից մեկը, ապա պետք է կատարել կլորացում հավելուրդով

Օրինակ

Կլորացնենք 992,7084 թիվը:

Եթե կլորացնենք մինչև հազարերորդականների կարգը, կստանանք 

992,7084 ≈992,708

Եթե կլորացնենք մինչև հարյուրերորդականների կարգը, կստանանք 

992,7084 ≈992,71

Եթե կլորացնենք մինչև տասնորդականների կարգը, կստանանք 

992,7084 ≈992,7

Կլորացումը կարելի է շարունակել՝ ստանալով նաև բնական թվեր:

Օրինակ

Եթե կլորացնենք մինչև միավորների կարգը, կստանանք 

992,7084 ≈993

Եթե կլորացնենք մինչև տասնավորների կարգը, կստանանք 

992,7084 ≈990

Եթե կլորացնենք մինչև հարյուրավորների կարգը, կստանանք 

992,7084 ≈1000