Teaching a song in a choir.

Xor to`garagida qo`shiq kuyini o`rgatish .

Qo`shiq o`rganishda avvalo rahbar va qatnashchilarning faollik darajasi ishning unumli bo`lishini ta’minlaydi. Bunda to`garak rahbari kuyni yaxshi o`zlashtirgan bo`lishi, uning badiiy mazmunini kuylash uchun murakkab bo`lgan jumla yoki taktlarning ahloqiy – estetik hamda tarbiyaviy ahamiyatini aniq belgilab olishi lozim. To`garak rahbari kuyni biron bir cholg`uda ijro etadi voki qo`shiq qilib kuylab beradi. Qo`shiq kuyini taktlar, tarkiblar bo`yicha o`rgatib borish ancha yaxshi natija beradi. Chunki, xalq qo`shiqlari hamda xor asarlarida uchraydigan xususiy, vokal, matnli, ritmik, lad – tonal murakkabliklari turli qochirim va sayqallar, har bir jumla, talt, ba’zida har bir tovush ustida matonat bilan ishlashni talab etadi. Ikki yoki uch ovozli asarlarni o`rgatish esa har bir ovozlar ustida qayta – qayta ishlashni talab etadi. Bunda asosan ohangi qiyinroq bo`lgan ovoz ustida birinchi bo`lib va ko`proq ishlashga to`g`ri keladi. Asosiy mavzu ohanggi tez quloqqa singgani uchun uning ustida ishlashni keyinroq boshlanadi. Xor jamoasiga ikki ovozli hamda uch ovozli asarlardan o`rgatish bir oz qiyinchilik tug`dirsada, buning natijasida o`quvchilarda garmonik eshitish va kuylash qobiliyati rivojlanadi, hamohanglikni xis qila boradi, ularning estetik didini o`stiradi, bir – birini eshitib kuylash hamda hurmat qilishga o`rgatadi .

Badiiy ijro ustida ishlash .

Badiiy ijro ustida ishlash xor – vokal qatnashchilarining kasbiy mahoratini oshirishda yordam beruvchi tarbiyaviy ishlarni amalga oshirishda katta ahamiyatga ega. Asarning badiiy ijrosi, ya’ni unga sayqal berish, aniq intonatsion o`zlashtirish, tovush xarakteri, ravshan diktsiya, jumlalarni aniqlash, umuman muallif g`oyasini ochib berish bilan bog`liq bo`lib ,bu ishning yakuni, uni yetarli darajada hissiyot bilan ijro etishdan iborat bo`lmog`i kerak .