Տեխնոլոգիայի բաց դաս

Թեմա-Միտք, գաղափար, ձեռներեց: Ձեռներեցական միտք:

Նպատակը-Ձևավորել նոր միտք, մտահղացում ստեղծելու գաղափար:

Դասի ընթացքը: Խթանման փուլում դասախոսության մեթոդով ներկայացնել միտք ստեղծելու կարողության կարևորությունը բիզնես-գաղափար թեմայի շուրջ:

Իմաստի ընկալման փուլը սկսել հետևյալ հարցերով. «Ինչպիսի՞ առարկաներ ենք մենք օգտագործում տանը և ինչ ծառայություններից ենք օգտվում: Ի՞նչ ապրանքներ կցանկանայիք ստեղծել, երբ մեծանաք»: Տեխնոլոգիայի դասին մենք կարող ենք պատրաստել թղթից, բնական, արհեստական, մանածագործական նյութերից դեկորատիվ-կիրառական առարկաներ: Աշակերտը պետք է իմանա նորարաթյուն, նորույթ հասկացությունների իմաստը, թե ով է ձեռներեցը, որը պետք է միտք և գաղափար ստեղծի: Փուլն ավարտել` անդրադառնալով խաղ-մտահաղացման օրինակի:

Խմբային աշխատանք: 1-ին խումբը ստեղծում է տիկնիկային ներկայացում: 2-րդ խումբը պատրաստում է բացիկներ և զբաղվում է վաճառքով` մարդկանց շրաջանակներում կատարելով հարցում` ունենալով համապատասխան նախապես մշակված հարցաշար: Գովազդային պաստառի առկայությունը բիզբեսի հաջողության գրավականն է: 3-րդ խումբը կոշիկի տուփից պատրաստում է խնայատուփ և նվերի տուփ: 4-րդ խումբը ստեղծում է կենդանաբանական այգի: Այսինքն` 1-ին և 4-րդ խմբերը ծառայություն են մատուցում, իսկ 2-րդ և 3-րդ խմբերը` ապրանք ստեղծում:

Կշռադատում: Ամփոփման փուլ:

1.Ձեռներեցը պետք է`

• ստեղծի և արտադրի բարիք,

• լինի նորարար և ստեղծարար,

• լինի լավ տեղեկացված,

• իմանա ապրանքը ճիշտ մատուցելու սկզբունքները (գովազդի հմտություններ):

Դիտել տիկնիկային ներկայացումը, դասն ավարտել երգով: