I.Өөредилге ниң хевиринге туружу (мотивация). | Иштики сагыш-сеткил талазы-биле өөреникчини кичээлге белеткээри. Азы темаже уругларны хаара тудуп алыры. -Экии, уруглар! Олуруп алыңар. -Даштын агаар бойдус силерге кандыг-дыр, уруглар? -Ынчангаш, бөгүн идекпейлиг ажылдаарыңарны күзедим! Класстың болгаш өөреникчиниң кичээлге белеткелин хынааш, журнал аайы-биле өөреникчилерни демдеглээр. | Өөреникчи башкы-биле харылзааны тудар, кичээнгейлиг дыңнаар. Кичээлге белен болур. | 1. Бот-тускайлаң чедип алыр түңнелдер. Өөредилгеге хамаарылгазы эки болуру 2. Медереп билир түңнел. Кандыг-даа чаа чүүлдү өөренип алыр деп сорулга тургустунуп келир. 3. Кылып чорудуп тургаш чедип алыр түңнел. Боттары улаштыр ажылдаар деп сорулганы уруглар баш удур салып алыр. |
II.Катаптааш-кын. Херек кырында шенеп өөредири. | Ооң мурнунда өөренген чүүлдерин катаптавышаан, амгы билиг-биле харылзаштырып, оларны чаа билигге ажыглаары. Катаптаашкын Айтырыгларга харыыладыр: -Эрткен кичээлде өөренген темаңарга катааптаашкындан кылыптаалыңар. -Кандыг тема өөренген бис, уруглар? (Даар байдалдың тайылбыр домаа) -Даар байдалдың тайылбыр домаа деп чүл? -Ол кандыг айтырыгларга харыылаттынып чоруур? | Презентацияны көөр, башкының тайылбырын кичээнгейлиг дыңнаар. Башкының салган айтырыгларынга кичээнгейлиг харыылаар. | 1. Угаап шиңгээдир түңнелдер: сөс бүрүзү утка илередир дээрзин шиңгээдип алыр; 2. Кылып чорудуп тура, чедип алыр түңнели: сөстерниң уткаларын тодарадып билири; 3. Харылзажылга талазы-биле түңнелдер: бот-тускайлаң ажылдаан соонда, бодалдарын солчуру, бодунуң бодалын шын тайылбырлап, бадыткап шыдаары, кылган ажылындан түңнелди үндүрери. |
III.Чаа теманың тайылбыры | -Бөгүнгү ай хүннү ажылчын кыдырааштарыңарга бижээш, чаа өөренир теманы бижип алыңар! (Чөрүлдээниң тайылбыр домаа) Ном-биле ажыл (дүрүмнү номчуур, ажылчын кыдырааштарынга дүрүмнү бижиир) ар 83-84 Таблица-биле ажыл (слайд-биле ажыл) Чөрүлдээниң тайылбыр домаа кол домакка даар наклонениениң кожумаанга (-за болгаш ооң фонетиктиг вариантылары) –даа деп артынчының; бээриниң турарының падеж кожумактарынга (-га, -да болгаш оларның вариантылары) –даа болгаш –ла деп артынчыларның каттышканы-биле; -даа деп артынчыга бол азы болза деп холбаа сөстерниң каттышканының дузазы-биле холбажыр. Айтырыглары: канчалза-даа? кандыг болза-даа? канчаар болза-даа? Чижээ: 1) Алдар аъдым чок-даа болза, арат чазаам албатызы мен. (С.Т.) 2) Ыттар ээрерге-даа, Коккаарак оларны херекке албас. (М.А.) | Презентацияны көөр, башкының тайылбырын кичээнгейлиг дыңнаар, лингвистиктиг терминнерни сактып алыр, дүрүмнү билип алганын чижектер-биле бадыткаар. Өөренген дүрүмүнге хамаарыштыр башкының айтырыгларынга шын харыы бээрин оралдажыр. -Чөрүлдээниң тайылбыр домааның айтырыглары: канчалза-даа? кандыг болза-даа? канчаар болза-даа? Чижээ: Алдар аъдым чок-даа болза, арат чазаам албатызы мен. | 1. Медереп билир түңнели: (познавательный) кандыг-ла бир чаа чүүлдү билип алыр деп сорулга тургустунуп кээри. 2. Кылып чорудуп тура чедип алыр түңнели: (регулятивный) бот-боттарының канчалдыр ажылдаарын баш удур боданып алыр. 3. Харылзажылга талазы-биле түңнели: (коммуникатив-ный) бөлүү-биле ажылдап, бодалдар солчуру, кады ажылдап турар эштериниң илередип турар бодалынга каттыжып азы чөшпээрешпейн турарын бадыткап, үнелел бээри. |
IV.Быжыглаашкын | 2.Мергежилге 175 арын 85. Онаалгазын бир өөреникчи ыыткыр болгаш тода кылдыр номчуур, тайылбырны кылыр. 3. Чурук-биле ажыл. (слайдыда) Онаалга 1: Экранда чурукче кичээнгейлиг көргеш, айтырыгларга харыылаар: а) Чурукта чүнү көрүп тур силер, уруглар? б) Мал-маганны кандыг мергежилдиг улус азырап, өстүрүп чоруурул? в) “Малдыг кижи каас, инектиг кижи тодуг” дээр болгай, чүге ынча дээн деп бодап тур силер? Онаалга 2: Экранда чурукче кичээнгейлиг көргеш, аңаа даянып чөрүлдээниң тайылбыр домактарын ажыглавышаан, “Хойлуг кижи – каас, инектиг кижи – тодуг” деп кыска 5-6 домактардан тургустунган чогаадыгдан бижиңер. Чөрүлдээниң тайылбыр домактарында бижик демдектерин тайылбырлаар. 3. Бот ажыл (бижимел-биле ажыл) Онаалгазы:Чөрүлдээниң тайылбыр домааның кол домакка холбажыр аргазын айтыңар. 1. Хойларның уксаазы экижиттинмээн-даа болза, сөөлгү чылдарда олардан эки түңнелдерни ап келген. Күс апраган-даа болза, ыяштар ам-даа ногаан хевээр. Чеже-даа соок болза, уйгу черле чая бээр чораан. Машпал Эртештен хары биче-даа болза, дурт-сынны оон шыырак, сөөккүрү аажок. | Башкының тайылбыры ёзугаар чурук-биле ажылдаар. Сөс-домаан сайзырадып, кол билиглерни шиңгээдип алыр, оларның аразында харылзаазын көөр. Чуруктуң мурнуку, артыкы планында турар чүүлдерни, чылдың үезин, долгандыр чурумалды долузу-биле сайгарып харыылаар. Чуруктуң темазын шын тодарадыр, ону бадыткаар. Башкының берген ажылын бот күүседип, кичээнгейлиг бот ажылдаа | 1. Бот-тускайлаң чедип алыр түңнелдер. Чаа билиглерни чедип алыр. 2. Медереп-билип тургаш чедип алыр түңнелдер. Дыӊнап болгаш бижип ора, херек медээни тодарадыр. 3. Таарыштырар түңнел. Кылган частырыгларын эскерип билири. 4. Харылзажыр түңнел. Билдинмейн барган таварылгаларда айтырыглар салып өөренири. |
V.Түңнел (рефлексия) | Бажыӊга онаалга: Самбырада бижээн онаалганы дневниктериңерге бижип алыңар, уруглар. «Эки кижээ эш хөй – Эки аътка ээ хөй» деп тыва улустуң үлегер домаанга даянып, кыска чогаадыг. Демдек салыр: – Бөгүнгү кичээлде шупту «эр-хейлер» болдуӊар, уруглар. Ынчалза-даа кончуг эки ажылдаан (уругларныӊ аттары) «беш» деп демдекти салыр мен. Катаптаашкын: – Бөгүн кандыг теманы өөрендивис, уруглар? (Чөрүлдээниң тайылбыр домаа) 3)Чөрүлдээниң тайылбыр домаа кандыг айтырыгларга харыылаар? –Эр-хейлер! Чижектерин берип кɵрүңерем, уруглар! Кичээлди түңнеп чугаалаар. | Бодунуң туружун бадыткап тургаш, тайылбырлап чугаалаары. Бодунуң шилилгезин бадыткап тургаш, тайылбырлап чугаалары. | 1. Угаап шиңгээдир түңнелдер: эштериниң харыызын дыңнап тургаш, бодунуң билииниң чедер-четпестерин тодарадыр. 2. Кылып чорудуп тургаш, чедип алыр түңнелдер: айтырыгларга харыылаптургаш, бергедээшкиннерни тодарадып, частырыгларын эдип, бодунуң ажылынга унелел бээр. 3. Угаап шиңгээдир түңнелдер: кичээлге өөренген чүүлүн шын түңнеп, медереп билип алыр. |