Тема: Жубараб предложение

Родной язык 9 класс.

Дарсил тема: Жубараб предложение.

Дарсил мурад: Лъималазда рак1алде щвезарила г1адатал предложениял.

Баян гьабила щиб кколеб жубараб предложение. Жубараб предложение г1адаталдаса бат1а гьабизе ругьун гьарила.

Алатал: таблица, карточкаби, т1ахьал.

Дарсил ин.

1. Класс х1адур гьабила дарсиде.

2. Гарач1вари гьабила гьаб ц1алул соналъ лъималазда цере лъун ругел масъалабазул х1акъалъулъ. Ц1алул соналъул ахиралда бук1ине бугеб экзаменалъул бицина.

3. Араб соналъ малъараб рак1алде щвеялъе суалал кьела:

- Щиб кколеб предложение?

Цо т1убараб маг1на жидедасан бич1ч1улеб цо я цо чанго раг1иялда предложение абула.

- Кинаб предложение кколеб г1адатаб?

- Мисалал раче.

1. Синтаксисияб разбор гьабила:

Нилъер халкъалъ кидаго ракълил рахъ ккола.

Лъималаз риидалил каникулазда г1емерал т1ахьал ц1алана.

1. Учителас ц1ияб дарс бич1ч1изабила:

К1иго, я ц1ик1к1ун г1адатал предложениял цолъизарун лъугьараб предложениялда жубараб предложение абула.

Г1адатал прелдожениял цолъизарун, жубарал предложениял лъугьуна аслияб к1иго къаг1идаялда:

- интонациялъулги союзалъулги кумекалдалъун,

Най т1огьоде уна, т1ут1 къеда ч1ола.

- союзал гьеч1ого жибго интонациялъул кумекалдалъун.

Коч1охъанлъун дун халкъалъ вахъинавуна, ва дир библиотека бук1ана халкъ.(Ц1.Х1.)

1. Жубараб сок1к1араб абула маг1наялъул рахъалъ жал цоцада рач1ел, бащадго к1вар бугел г1адатал предложенияздаса г1уц1араб предложениялда.

Бакъанил г1уж щолеб бук1ана, киса-кибего х1анч1азул сас къот1ана.

1. Жубараб нахъбилълъараб абула маг1наялъул рахъалъ жал цоцазда рарал ва цояб цоялъ баян гьабулел чанго г1адатаб предложениялдаса г1уц1араб предложениялда.

Азие самоварги лъун, сон радал дун школалде ана.

(Кинаб литературияб асаралдаса гьаб предложение?)

1. Т1охьода т1асан х1алт1и т1убала: х1алт1и № 172, гьумер 100.

2. Рокъобе х1алт1и кьела: предложениял ургъизе: 5 г1адатаб, 5 жубараб.