Тэма: Змітро Бяспалы “Дзятлава хвароба” Мэта: пазнаёміць з творам “Дзятлава хвароба”, узбагаціць слоўнікавы запас дзяцей; садзейнічаць развіццю іх мовы і ўменню працаваць самастойна, у групе; выхоўваць назіральнасць, беражлівыя адносіны да прыроды.

Тэма: Змітро Бяспалы “Дзятлава хвароба”

Мэта: пазнаёміць з творам “Дзятлава хвароба”, узбагаціць слоўнікавы запас дзяцей; садзейнічаць развіццю іх мовы і ўменню працаваць самастойна, у групе; выхоўваць назіральнасць, беражлівыя адносіны да прыроды.

Ход урока

1. Арганізацыйны момант. Псіхалагічны настрой.

Гучыць мелодыя (уключаецца запіс мелодыі, на фоне мелодыі словы настаўніка)

-Добры дзень! Я рада вітаць вас гэтым вясновым днём. Здаецца, што кожную вясну жыццё нараджаецца па-новаму. Цёплае, лагоднае сонейка. Пяшчотныя, зялёныя лісточкі. Спевы птушак. Вясною з падвоеннай сілай хочацца знаёміцца з новым, цікавым, ісці наперад і дзейнічаць!

Праверка дамашняга задання.

Прачытаць выразна верш, паказаць намаляваны малюнак, прачытаць, якімі словамі ён падпісаны з верша. (Ліст самаацэнкі)

1. Уступная частка.

–Паслухайце спевы птушак(слайд) і адкажыце, галасы якіх птушак вы пачулі?

-Па прапанаваных дзеясловах(дзеясловы размешчаны на лістах на дошцы) здагадайцеся, якая птушка будзе галоўным героем апавядання, з якім пазнаёмімся на ўроку.

Прыклеіўся, падляцеў, прастукаў, прабіў, дастаў, з’еў.

-Правільна, гэта дзяцел.

-Паглядзіце, калі ласка, на малюнкі розных дзятлаў і паспрабуйце даць вуснае апісанне знешняга выгляду стракатага дзятла (слайды дзятлаў).

План апісання птушкі

1. Велічыня

2. Чым пакрыта цела

3. Афарбоўка галавы, грудкі, крылаў

4. Даўжыня, форма, афарбоўка дзюбы

5. Памер, афарбоўка хваста

6. Самы яркі прызнак.

-А зараз я прапаную паслухаць спеў і стук вялікага стракатага дзятла.(слайд)

4. Падрыхтоўка да ўспрымання твора.

-Чым харчуюцца дзятлы? Якую карысць яны прыносяць лесу?

-Сёння мы пазнаёмімся з новым творам. Прачытайце яго загаловак.

-Спрагназуйце, аб чым пойдзе гаворка ў апавяданні.

- Наша задача пазнаёміцца з творам, адказаць на пытанні, навучыцца эмацыянальна, выразна чытаць па ролях, паспрабуем навучыцца скласці маналог.

1. Аналіз твора. Слоўнікавая работа.

- Прачытаем першую частку твора З.Бяспалага “Дзятлава хвароба” і падумаем, як вы разумееце сэнс выраза:Хто б дзятла ведаў, каб не яго нос.

-Падкрэсліце незразумелыя словы, калі ёсць. (Дол, караед, шашаль, уладкаваў). Работа з тлумачальным слоўнікам.

Дол- ніз, паверхня зямлі, падлога.

Караед – дробны жук, шкоднік бурага або чорнага колеру, які грызе драўніну і кару дрэў.

Шашаль – насякомае атрада жукоў, лічынкі якога псуюць скуры, футра, точаць дрэва.

-Хто растлумачыць сэнс выраза:Хто б дзятла ведаў, каб не яго нос? (яго праславіў нос, якім ён лечыць дрэвы).

-Якое абгрунтаванне гэтаму выразу даў аўтар?

-Калі адбываюцца падзеі? Пацвердзіце радкамі тэксту.

-Хто галоўныя героі?

-Якім інструментам карысталіся дзятлы для будаўніцтва жылля?

-Што за падзея адбылася ў дзятлавай сям’і?

-Якія новыя клопаты з’явіліся ў бацькоў? Знайдзіце адказ у тэксце і зачытайце яго.

-Чаму малыя дзятляняты, нягледзячы на крык, былі ў небяспецы. Пацвердзіце адказ радкамі твора.

6. Самастойнае чытанне 2-й часткі.

- А зараз саастойна прачытаем 2-ю частку і падумаем: Якія адносіны складваліся паміж бацькамі і адным з птушанят?

-Што адбылося з дзятлянятамі? Знайдзіце адказ і зачытайце яго.

Зачытаем гутарку паміж старым і маладым дзятламі па ролях. (Ліст самаацэнкі)

З апорай на змест 2-й часткі скажыце, як, на ваш погляд, будуць развівацца падзеі далей (у вучняў на партах ляжаць намаляваныя лісты, дзе яны запісваюць свае выказванні і прымацоўваюць на намаляванае дрэва на дошцы)

-Дачытайце твор да канца, знайдзіце ў ім пацверджанне сваім меркаванням.

-Якія прычыны знаходзіў малады дзяцел, каб не вылятаць з дупла?

-Як ставіліся бацькі да паводзін свайго птушаняці? Пацвердзіце адказ радкамі з твора.

-Якім чынам яны выманілі маладога дзятла з дупла?

Фізкультхвілінка

1. Работа ў групе

-Вылучыць з твора словы і выразы, з дапамогай якіх аўтар паказаў асаблівасці маладога дзятла, больш характэрныя для чалавека (не магу я стукаць па дрэве, калі стукаю, у мяне галава баліць; а мая галава і ад такога стуку баліць, ажно расколваецца; а потым са злосці як стукне)

-Як характырызуюць яны немаўля?

8. Скласці вусны маналог ад імя маладога дзятла, у якім выказаць яго пачуцці: ляноту, крыўду, радасць. (Ліст самаацэнкі)

9.Знайдзіце ў тэксце і зачытайце ўрыўкі, фразы, выразы, якія адлюстроўваюць:

а) разгубленнасць бацькоў;

б) цярплівасць старога дзятла;

в) настойлівсць бацькі;

г) яго хітрасць.

-Як вы разумееце сэнс сказа:Малады дзяцел і не заўважыў, як прайшла яго хвароба.

-У чым заключалася яго хвароба? У каго яна сустракаецца?

-У якой частцы твора раскрываецца сэнс назвы апавядання?

- Прачытайце апошні абзац твора. Аб чым аўтар у ім нагадвае? (Дзяцел – карысная птушка)

-Якая галоўная думка твора? (на ўсякую хваробу лекі знойдуцца; усяму можна навучыцца, калі захацець і не ляніцца).

10. Самастойная праца.

-Падабраць да кожнай часткі загаловак. Скласці план, да ўсіх пунктаў плана вылучыць з тэксту апорныя словы і выразы. (Ліст самаацэнкі)

11. Вынік урока

Сваёй працай на ўроку я ...

Задаволены;

Не зусім задаволены;

Я задаволены, таму што...

- Ці супалі вашы меркаванні са зместам твора, адзначце на лістах самаацэнкі.

12. Самаацэнка

13. Рэфлексія. Складанне сінквейна

Дзяцел

Працавіты, клапатлівы

Лечыць, клапоціцца, дабывае

Дзяцел- карысная птушка для дрэў

Лекар.

14. Дамашняе заданне: падрыхтаваць пераказ тэксту згодна са складзеным планам.

Наш адрас:

вул.Віленская, 21А 231414

в.Уселюб

Навагрудскі раён,

Гродзенская вобласць

ДУА”Уселюбскі вучэбна-педагагічны комплекс

дзіцячы сад-сярэдняя школа”

Тэл. (8015)97 74-7-48

[email protected]

Антановіч Жанна Іванаўна