Тематическое планирование по мордовской литературе

Пояснительнай запискась

Кафксоце классонь покодемань программась кочкаф, нежедемок мокшэрзянь литературань программать лангс, конань аноклазь 5-11 классненди Е.И. Азыркина, А.М. Катарова, А.И. Брыжинскяй. Сон кемокстаф Мордовия Республикань Образованиянь министерстваса и нолдаф Саранскяйса, мордовскяй книжнай издательстваса 2010 кизоня. Тяфта жа программась кочкаф основной базиснай Левжиень школань учебнай планть коряс.

Тя программась ладяф 8 классонь тонафнихненди.

Тонафнемань предметть характеристикац

Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тонафнихненди шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.

Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.

Эсь кяльса сёрматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда тёждяста шарьхкодемс сембе искусствань виттнень: киноть, театрать, живописть, музыкать и лиятнень.

Родной литературась кемоста сотневи эряфть мархта, сяс и полафксне, конат молихть тя пингста, фалу эрявихть кирдемс мяльса сонь тонафнемстонза.

Урокса произведениятненди идейно - художественнай питнеть путомста сави кирдемс мяльса нравственнайть и эстетическяйть. Анализонь тиемста васенда эряви шарфтомс мяль общечеловеческяй проблематнень панжемаснонды, азомс эряфста писательть ванфонц видеть – аф видеть лангс, кодама художественно - выразительнай средства вельде авторсь панчсесыне геройхнень тевснон – валснон, потмоёжснон, ванондсы кялень козяшить. Тяка пингоня шабатне аф ламонь – аф ламонь тонафнихть арьсема, эсь мяльснон – арьсемаснон азондома, пара тефнень и афсатыкснень няема.

Лама лия предметтнень ёткста, конат тонафневихть школаса, няевикс васта максови мокшэрзянь литературати. Сон лезды тейст шарьхкодемс эряфть, перьфпяльдень явлениятнень, крхкалготфтсыне тевснон – мяльснон, козякофтсыне кяльснон – валснон, кеподьсыне корхтамань и сёрмадомань кялень культураснон, келептьсыне эстетическяй ванфксснон.

Литературань произведениятнень вельде тонафнихне сяда цебярьста кармайхть содама эсь народснон тевонзон – мялензон, иланзон, сонь кяль – валонь мазышинц и эряфонь киса смузенц, сядонгольдень эряманц – ащеманц.

Рабочай программатть эса тифт полафкст:корхтамань и сёрмадомань кялень навыкнень касомаснонды программаса максовихть частт. Ня урокнень эса эряви тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворксонь и цитатань сувафнема. Родной литературань урокса лувомань занятиятне лездыхть крхкалгофтомс и кемокстамс урокса ётаф материалть, кеподемс теориянь содамошитнень, келептемс эряфть лангс ванфксть, сяда лацкас кельгомс тонцень кяльцень и литературацень.

Литературань процессь аф ащи фкя вастса, эвондайхть писателень од лепт, цебярь произведеният, сяс эряви старандамс, штоба шабатне улельхть анокт одонь вешема и содама

Цельсь и задачатне

Родной литературань урокнень инголи путневи цель – тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц.

Дисциплинать задачанза: 

- максомс тонафнихненди содамашит мокшэрзянь литературать жанровай системанц колга;

- содамс текстовай материалть;

- шарфтомс тонафнихнень мяльснон произведениятнень художественнай ширде питнеснон ваномаснонды;

- пачфтемс тонафнихненди литературать художественно-эстетическяй питнеширенц.

Тонафнемань предметть вастоц учебнай планть эса

Учебнай планть эса литературать тонафнеманцты 7-це класса максф 34 ч. (1час недяляти).

Шабатненди эряви сатомс тяфтама результатт:

Личностнайхть:

-шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста;

-маштомс кочкаф содамошитнень и сатфкснень нолямс школань и эрь шинь эряфса;

-касфтомс маштомашитнень ялга и оцю мархта прянь вятема; шабрань ломаттнень мархта сотксонь кирдема;

- содамс иттненди народоньконь эряфста мокшетнень эряма койснон, унксснон.

Метапредметнайхть:

- маштомс мушендома разнай источникста информация;

- маштомс кулхцондома ялгать и вятемс диалог;

- максомс анализ и оценка тиф заданиятненди;

- маштомс корхтама мокшень кяльса.

Предметнайхть:

- содамс тонафнеф художественнай текстттнень содержанияснон;

- маштомс мушендома изобразительно – выразительнай средстватнень.

- содамс тяфтама понятиятнень: народнай ёфкс, содама ёфкс, лувомка, кяльяжамка, литературнай ёфкс, аллегория, басня, пьеса, пейзаж, литературнай герой, олицетворения, эпитет.

Тонафнихненди эряви содамс:

- художественнай произведениять текстонц;

- событиятнень и геройхнень ётаф произведенияста;

- произведенияса проблематикась и художественнай башка ширетне;

- силлабикань стихонь тиевомась;

- художественнай произведенияса образть колга шарьхкодемась;

- лирическяй поэмать колга шарьхкодемась;

- художественнай детальть колга шарьхкодемась;

- стихонь строфать колга шарьхкодемась;

- драматургиянь и драмань жанратнень башка шарьхкодемасна;

-понятиятнень основной признакснон: гиперболать, метафорать, описаниять,стихотворениять композициянц, художественнай произведениянь образть шарьхкодемасна;

- гимнать колга шарьхкодемась;

- фантастикань жанрать колга шарьхкодемась.

Тонафнихненди эряви маштомс:

- цебярьста лувомс;

- азондома тонафнеф произведениять сюжетонц, композициянц;

- мумс и няфтемс текстста изобразительно-выразительнай средстватнень и синь идейно-художественнай рольснон ;

- азондома устна или сёрмадозь эпическяй произведениянь или эздонза пакш;

- максома героенди портретнай характеристика;

- азондома произведенияста национальнай и художественнай ширетнень.

- произведениять шарьхкодема, няема эсонза цебярь ширетнень и афсатыкснень;

- аф шорямс эпическяй и лирическяй произведениятнень;

- максома отзыв лувф произведения коряс.

УЧЕБНАЙ КУРСОНЬ ТЕМАТНЕНЬ СОДЕРЖАНИЯСНА

Мокшэрзянь устнай народнай творчествась

Народнай творчествать колга шарьхкодемась. Миньнародоньконь устнай творчестванц сотксоц видить – сокайть тевонзон – валонзон мархта. фольклорса народть эряфонц, мировоззрениянц, коензон-обуцянзон няфтемасна. Сказительскяй творчестваса од темань эвондамась и сонь эсонза традициятнень келиста касомасна. М.Е.Евсевьев – фольклорист «Мордовская свадьба» книгац. М.Е.Евсевьев – мокшэрзянь содаф учёнай, просветитель и народнай творчествань произведениятнень кочксисна. Сонь эрямань киц, рузонь учёнайхнень мархта сотксонза. «Мордовская свадьба» произведениять кочкамань и сёрмадомань историяц. Свадьбань поэзиять кода народнай драмать идейно-художественнай шиенза, сонь эсонза национально-поэтическяй и музыкальнай культурань традициятнень ванфтомасна.

Сказительскяй творчествась. Сонь эвонда-мань туфталонза. Сказительхнень творчествасост устнай поэзиянь традициятне. Ня традициятнень лангс нежедезь од моронь, явсемань, азксонь латцемась, конатнень эса няфтеви тяниень пингста народть эряфоц. Сказительхнень путфкссна минь народоньконь культуранц касомаса и фольклорть од художественнай средстваса и жанраса козякофтомац. Сказительскяй творчествань произведения-тнень башка ширесна: авторскяй ушетксне, индивидуальнай творчествань башка ширетне, оцю мялень-арьсемань азондомась, козя кяль-валонь шарьхкодевиксшись.

Ефимия Петровна Кривошеева «Вай, аф удован», сказ, «Пиже садса, мазы садса» мор. Фёкла Игнатьевна Беззубова «Стинь чоподава, зорява», азкс, «Адядо, браттнэ, минек масторов»,мор. Серафима Марковна Люлякина «Седи ризкс», «Ёфксса ёфнесазь, морса морсесазь», «Лиихть псьмархт» скасне.

Мокшэрзянь писательхне народть ингольдень пингонь эряфонц колга.

В.М.Лёвин «Гурьян», повесть. Писательть эряфонь и творческяй киц. «Гурьян» повестьса мокш-эрзятнень ногайхнень и губаттнень каршес тюремасна. Од ломаттнень аруста кельгомасна.

Ф.М.Чесноков «Сире неже», «Сире учитель» азксне. Ф.Чесноков –эрзянь содаф драматург и новеллист. Произведениятнень эса мокшэрзятнень сире пингонь эряфснон няфтемасна.

А.И.Кочетков (Мокшони) «Митрей» азкс. Прозаикть эряфонь и творчествань киц. «Митрей» азксса мокшэрзятнень сядынгольдень эряфснон няфтемац, койхне-обуцятне. Народть лия мастору тумаснон туфталсна. Кяль-валонь козяшись. Пейзажнай картинатнень психологическяй функциясна.

Мокшэрзянь писательхне Великай Отечественнай войнань пингонь эряфть колга

А.С.Кодоркинонь эряфонь и творческяй киц. Стихонь сборниконза. «Давол» поэмаса войнань пингонь стака эрямать колга азондомась. Тядянь образсь.

Л.Ф.Макулов «Мокшава», азкс. Писательть эряфонь и творческяй киц. Васенце аськолксонза литератураса. «Мокшава» азксса войнать сталмонц няфтемац. Мокшэрзятнень койсна.

В.П.Араповонь эряфонь и творческяй киц. Великай Отечественнай войнаса улемац. Азксонь жанраса сатфксонза. «Лункфтаф тяште» азксса войнань пингонь эряфть лангс од сельмованф.

Аш мезенксонга ломаттнень муворгофнемасна.

А.П.Тяпаев – мокшень содаф поэт прозаик. Путфксоц мокшэрзянь литературав. «Люкшянь ям» азксса войнань пингонь велеть эряфонц няфтемац. Ся пингонь закоттнень сталмосна.

П.А.Ключагинонь эряфонь и творческяй киц. Сёрмадомань тевса эсь лацонь шиц. Сатирическяй и юмористическяй жанраса покодемац. «Ташта шинель» азксса Великай Отечественнай войнать колга азондомась. Ляпе вайме ломаттнень шнамасна. Лиянь ужяльдемать эрявиксшиц.

В. Л.Алтышкинонь эряфонь и творческяй киц. Васенце аськолксонзон литературав рузонь кяльса тиемасна. «Синнеф эряф» азксса Великай Отечественнай войнань событиятнень няфтемста од сельмованфсь. Эряфса видешить сяськомац.

Мокшэрзянь писательхне тяниень пингонь эряфть колга

И.Н.Кудашкин - мокшень содаф поэт и прозаик. Поэтть од художественнай приёмонза ломаттнень козя ваймоснон панжемаса. Шачема крайть мазышинц, Родинать кельгоманц-ванфтоманц колга мяльхне. Поэтть «Мазы морозе – пичень поразе» поэмаса войнань пингть велеса эряфть няфтемац. Поэмаса тядянь-алянь юкснемань кизефксне. Изобразительно-выразительнай средствань смузсь.

А.В.Арапов «Локстихть лиихть», «Васенцесь – аделсеви морось», «Он», «Ава явси» стих – не. Поэтть эряфонь и творческяй киц. Стихонзон печатламасна. Эсост ломанть и перьфпяльть ёткса соткссь. Кърхка мяльхне-арьсематне эряфть колга. Од и сире поколениятнень ёткса сотксне. Соткссь устнай народнай творчествать мархта.

В.И.Мишанинать путфксоц мокшэрзянь литературав. Иттненди сёрматф произведенияса шабань психологиять цебярьста содамац. «Ёронь юромста стирня» пьесаса тяниень пингонь эряфть афсатыксонзон, сталмонзон няфтемасна. Аф пяшксе семьятнень прябаласна. Иттнень пичедемасна.

С.В.Кинякин «Сёрма мельге сёрма»,«Модать ваймоц»,«Азорфтома мяльхть»стихотворениятне

С.В.Кинякинонь мокшэрзянь литератураса поэзиянь жанраса сатфксонза, сёрмадомань тевса эсь лацонь шиц. Лирикасонза эряфть философскяйста шарьхкодемац, эряфса ломанть вастонц колга мяльхне-арьсематне, афкуксоннеть ванфтоманц эрявиксшиц. Мокшэрзянь музыкась и поэзиясь.

Н.И.Ишуткин «Шкаень казне», «Инжи», «Кемамань штатол» стихотворениятне.

Н.И.Ишуткинонь эряфонь и творческяй киц. «Чилисема» журналса покодемац. Пародиянь жанраса сатфксонза. Стихонзон эса эряфонь смузть колга мяльхне-арьсематне, тядянь кельгомась, прянь няемать, шачема кяльть инкса виздемать аф шнамац.

Ю.Ф.Кузнецовонь путфксоц мокшэрзянь литературав. Сяда мельдень азксонь и повестень книганзон эсь лацонь ширесна. «Ёжу» азксса нравственностень прябалатне.ломанть эряфса эсь вастонь мумась.эряфть колга кърхка мяльхне-арьсематне.

М.А.Втулкинонь эряфонь и творческяй киц. Иттненди сёрматф книганзон эсь лацонь ширесна. «Ширка и Трокскя» легендаса мокшэрзятнень эряфснон няфтемасна.ётаф кизотнень коряс лия, од, сельмованф.

И.М.Девин «Борзиень пизепт», «Кши кочам», «Сярятьф», «Сенемас» стихотворениятне. И.Девинонь эряфонь и творческяй киц. Великай Отечественнай войнаса улемац. Мокшэрзянь литератураса лама жанраса покодемац. Поэт,прозаик, баснянь, юморескань сёрмады. Максф стихотворениянзон эса перьфпялень ванфтомань прябалатне. Кяль-валонь козяшись.

Г.И.Пинясовонь эряфонь и творческяй киц. Мокшэрзянь повестень жанрать вииямаса оцю путфксоц. «Тядяснонды – боьницяв» азксса тяниень пингонь прябалатнень колга азондомась. Обраснень няфтемста психологизмась. Ару вайме ломаттнень шнамасна.

М.И.Брыжинский «Идам и Эва» азкссь. Писательть эряфонь и творческяй киц. Мокшэрзянь литератураса историческяй жанрать касомаса – вииямаса М.Брыжинскяень путфксоц. Мекольдень кизотнень фантастическяй жанраса покодемац.

«Идам и Эва» азксса сай пингонь эряфть колга мяльхне-арьсематне. Азксть малавиксшиц Булгаковонь «Собачье сердце» произведениянцты.

Тематическяй планированиясь