Տնտեսության ապահովումը

ՀՀ-ում շատ ցածր մակարդակի վրա է գտնվում կրթություն-գիտությունտնտեսություն փոխկապակցվածության ապահովումը, ինչի արդյունքում նաև ինովացիոն գաղափարների ու տեխնոլոգիաների առևտրայնացումը, որոնք պայմանավորված են գիտակրթական համակարգի և տնտեսության ինովացիոն հատվածի միջև կապերի ու համագործակցության ամրապնդմամբ։ Կարելի է ասել, բացակայում է գիտելիքների փոխանակման և առևտրայնացման գործընթացի մասնակիցների իրավատնտեսական հարաբերությունների հստակեցումը և փոխշահավետության սկզբունքի պահպանումը։ Առաջարկվում է կազմակերպել մտավոր սեփականության պաշտպանության և առևտրայնացման, ինովացիայի և գյուտերի վավերացման, ինքնատիպության և նորամուծության որոշման վերաբերյալ դասընթացներ և տեղեկատվական հանդիպումներ՝ ներգրավելով համապատասխան մասնագետների։