Тор белгини колдонуу

• Хэштег  (англис тилинен hash – торчо белгиси, tag – метка, белги) – социалдык тармактарда жана микроблогдордо колдонулуучу ачкыч сөз же сөздөр. Ал # белгиси менен башталат, кийинки сөзгө туташ жазылат.

Эмне үчүн керек?  

• Билдирүүңүздү, постуңузду хэштег менен белгилеп, сиз «эн белги» саласыз жана башка колдонуучулар үчүн тематикалык, үндөш материалдарды издешин оңойлотосуз.

• Хэштег жалпы соцтармакка Твиттерден тараган. Эгер аны туура колдонсоңуз, маалыматты ирээттеп аласыз, сиздин баракчаларга адам көбүрөк киришине шарт түзөсүз.

Кызматы

• Ачкыч сөздөр аркылуу посттун, билдирүүнүн башкы маанисин баса белгилөө.
• Маалыматты темасына жараша топтоштуруу.
• Кызыктырган темаларда издөөнү тездетүү.

Хэштег кантип коюлат?

• # белгиси сиз белгилешиңиш керек болгон сөздүн алдына коюлат. Мисалы, #bilim #mediasabak
• Хэштег жазылганда көк болуп түсүн өзгөртөт жана шилтемеге айланат. Ал шилтемени бассаңыз ушундай хэштег менен жазылган сүрөт, маалыматтын баары чыгат.

Хэштегди жазуу

• -хэштегди латын тамгаларында да, кириллицада да жазса болот;
• -эгер хэштег бир нече сөздөн турса, пробелди баспай, чогуу жазыңыз #медиаборбор же ылдыйкы сызыкча менен ажыратса да болот #медиа_борбор

Хэштегди кантип туура жазасыз?

• Аз, бирок саз! Ой келди жерге эле хэштегдерди колдоно бербеңиз. Өтө узун да болбосун – ашып барса 1-15 символ.
• #mediasabak #oshbilim #MIL 

Хэштегди кантип туура жазасыз?

Өзүңүзгө тиешелүү 3-4 хэштегди дайыма колдонсоңуз болот. Жалпы агымдан калбаңыз, колдонуучулар көп талкуулап же бөлүшүп жаткан темага сиз да сүрөт киргизип же пост жазсаңыз, анда ошол теманын хэштегин сөзсүз колдонсоңуз болот.

• Бул нускама билим берүү мекемелеринде иштеп/окуп жаткан мугалимдер, тарбиячылар жана окуучулар үчүн даярдалгандыктан, билим берүү тармагындагы жаңылыгыңызды социалдык сайттарга жарыялоодо #bilim хэштегин колдонууңузду сунуштайбыз.

• Жалпы колдонуудагы хэштег менен катарлаш эле өзүңүздөр иштеген/окуган билим берүү мекемесинин да туруктуу хэштегин кошо белгилесеңиздер максатка ылайык келет.
• Мисалы:
• #bilim #mediasabak #jetigen