«Төртінші индустриялық революция» Клаус Швабтың оқулығына шолу

Рухани жаңғыру

Жаңа гуманитарлық білім. Қазақ тіліндегі 100 жаңа оқулық

«Төртінші индустриялық революция»

Клаус Швабтың оқулығына шолу

11.01.2019

Кіріспе: «Жаңа гуманитарлық білім. Қазақ тіліндегі 100 жаңа оқулық» жобасы Қазақстан Республикасының Тұңғыш Президенті-Елбасы Нұрсұлтан Назарбаевтың бастамасымен «Рухани жаңғыру» мемлекеттік бағдарламасы аясында іске асырылды. Бүгінде алғашқы 18 кітап мен оқу құралы жарыққа шығып отыр. Оқулықтар философия, әлеуметтану, психология, тіл білімі, экономика, менеджмент, дінтану, антропология және журналистика бағыттары бойынша аударылған. Оқулықтардың әрқайсысы 10 мың данамен басылып, жоғары оқу орындары мен кітапханаларға тегін таратылды.Жарық көрген кітаптардың қатарында Джонстонның «Философияның қысқаша тарихы: Сократтан Дерридаға дейін», Энтони Кеннидің «Батыс философиясының жаңа тарихы, Антика философиясы» І-томы және «Батыс философиясының жаңа тарихы, Орта ғасыр философиясы» ІІ-томы, Реми Хесстің «Философияның таңдаулы 25 кітабы», Дэвид Бринкерхоф, Роуз Уейтс, Сюзан Ортеганың «Әлеуметтану негіздері», Джордж Ритцер, Джеффри Степницкидің «Әлеуметтану теориясы», Эллиот Аронсонның «Көпке ұмтылған жалғыз. Әлеуметтік психологияға кіріспе», Дуэйн Шульц, Сидней Эллен Шульцтің «Қазіргі психология тарихы», Дэвид Г. Майерс, Жан М. Туенждің «Әлеуметтік психология», Н. Грегори Мэнкью, Марк П. Тейлордың «Экономикс», Дональд Ф. Куратконың «Кәсіпкерлік: теория, процесс, практика», Рикки У. Гриффиннің «Менеджмент», Карен Армстронгтың «Иудаизм, христиандық пен исламдағы 4000 жылдық ізденіс: Құдайтану баяны», Виктория Фромкин, Роберт Родман, Нина Хайамстың «Тіл біліміне кіріспе», Светлана Тер-Минасованың «Тіл және мәдениетаралық коммуникация», Алан Барнардтың «Антропология тарихы мен теориясы» және Клаус Швабтың «Төртінші индустриялық революция» атты еңбектері бар.

Мақсаты: «Төртінші индустриялық революция» Клаус Швабтың оқулығына танысу мақсатында шолу жасау

Аудитория: 825,835 топ студенттері «Әлеуметтік жұмыс» мамандығы

Жұмыс барысы: студенттерге алдын-ала оқулықтан бір тақырып алып, сол тақырып бойынша өзіндік талдау жасауына тапсырма берілді. Кітап үш бөлімнен тұрады.

І бөлім- төртінші индустриялық революция жөнінде жалпы мағлұматтар жинақталған.

ІІ бөлім- технологияларға сипаттама беріледі.

ІІІ бөлім- революцияның салдары.