«Ц1ердешнийн терахьашца хийцадалар»

хьехархо Бисултанова Луиза Султановна

Тема: «Ц1ердешнийн терахьашца хийцадалар»

1алашо: ц1ердешнийн терахьашца хийцадаларх кхетам балар. Цхьаллин терахьо цхьа х1ума билгалъяр хаийтар, дукхаллин терахьо шортта х1уманаш билгалъяр хаийтар. Дукхаллин терахьехьдолчу ц1ердешнийн чаккхенийн тидам бар.

Билгалбаьхна кхиамаш: берашна хуур ду цхьаллин а , дукхаллина терахьера ц1ердешнаш вовшех къасто , церан чаккхенаш билгалъяха.Берашан 1емар ду учебникаца болх бан, оьшург лаха, цунах пайдаэца.

Урок дIахIотторан минот

I/ - Де дика хульда шун, бераш ! Вай тахана йозанан урок ю Таханлерачу урокан тема: « ЦIердешнаш терахьашца хийцадалар» ю.

II Суртийн диктант ( слайд 1)

ТIам, хьаьжкIа, цхьогал, кхокха, петIамат , куьзга,

тIоьрмиг , цIазам, чIара

( ( Шалха элпашна кIел сиз хьакха : мукъа шалха элпашна – цхьаъ, мукъаза шалха элпашна – шиъ )

III Карладаккхар (слайд 2)

- Бераш, цIердош стенах олу?.

- Муьлхачу хаттаршна жоп ло цIердашо?

- Масалаш даладела.

IV Керла тема ( слайд 3 )

а ) ЦIердешнаш терахьашца хийцало.

Цхьаллин терахьан цIердашо цхьа хIума, дукхаллин

терахьан цIердашо шиъ а , цул сов а хIуманаш билгалйо.

Дукхаллин терахьерчу цIердешнийн шен чаккхенанаш ю:

дешархой , олхазарш , гIанташ

аь ) упражнени 110, агIо 58

V Физминутка

Дитташ мохо техкадо,

Гаьннаш дIаса лестадо.

ГIаш цо охьа эгадо,

Оха уьш схьа лехьадо

VI Кица ( слайд 5)

БIаьстенал, гуьйре ,хазачу, юьзна ,тоьлу

( МIаьна долуш гулде кица )

Хазачу бIаьстенал юьзна гуьйре тоьлу.

VII Керла дош

ГIеметтахIоьттинарг – пожилой

VIII Дозуш долу къамел кхиор ( слайд 6 )

- ХIун хенан зама ю кху сурта техь гойтуриг?

- Мичахь ду бераш?

- Муьлха хасстоьмаш гулйо цара?

IX Цlахь бан болх.
Упражнени 111, агIо 58.

X ЖамI дар

- Керла хIун хиир вайна хIокху урокехь?