«Цаһан Сар-хаврин байр»

Кичәлин әңг

Кичәлин йовуд

I.Мендллһн

II.

Окн Теӊгр

III.Шин төр

Багшин нүр үг.

цәәлһвр.

Кичәлин ашлвр

Герин даалһвр

Темдг тәвлһн.

-Мендвт, күүкд!

-Күүкд, эндр өдрин то ямаран? (лу сарин 13)

Фонозарядк (дарҗӊгуд)

-Эн зург хәләһәд мана кичәлин төринь келҗ үзтн.

Самбрт зургуд өлгәтә

Тиигәд эндрк мана кичәлин төр – Цаһан Сар.

Күүкд, дәкәд ямаран хальмг сән өдрмүд меднәт?(Зул,Үрс сар)

Чик хәрүһинь өгсндтн байрлҗанав!

Күүкд, девтрән секәд, эндрк өдрин то, кичәлин төринь бичтн.

Кичәлин күслинь келҗ өгх.

• Эндр кичәлдән Цаһан Сарин тускар медсән сергәһәд, Цаһан Сарин домгин тускар күүндәд, наад наадад кичәлән соньнар давулхвидн гиж нәәлҗәнәв. Тегәд ода бидн 3 багд хувагдвидн. Тана өмн бәәсн цааснд багин нерән бичтн.

2.Күүкд, оньган өгәд Цаһан Сарин туск домг соӊстн.

Сурврмуд:

1. Кенә тускар эн домгт келгдҗәнә?

2.Цаһан Сар кенә нернлә залһлдата?

3.Кенә төлә Окн Теӊгр иим йовдл һарһв?

Йир сән!

Багшин цәәлһврин үг.

3.Дамшлтын көдлмш.

Күүкд, Цаһан Сарин өмн ямаран белдвр кегднә? (герән ахулнавидн, боорцг кенәвидн)

-Чик, йир сән. Ода болхла ямаран боорцгуд кедгин тускар тодрхаһар күүндхвидн.

-Боорцгудын нер меддг күн бәәнүй?

Боорцгудын нер цәәлһҗ өглһн.

Күүкд девтртән боорцгудын нердинь бичәд, зурад авчктн.

Деежин боорцгуд: целвг, кит, мошкмр, хорха, хуц.

4.Нә, күүкд, сәәнәр көдлвт, невчк амрхм.

Салькн,салькн үләнә, модна ацмуд нәәхлнә. Салькн, салькн номһрна, модна ацмуд урһна

5. Дамшлтын көдлмш.

Күүкд, би таднд иим даалһвр өгчәнәв.Тана өмн бәәсн кроссворд хәләһәд, боорцгудын нерд олҗ автн.

Эн даалһвриг хошадар күцәтн.

Кен түрүн болҗ хәрүһинь өгхинь тоолдгар тоолад, шүүҗ авхвидн. «Абчн- чибчн, келмн-зелмн, харда –барда чикн таш». Хәрүһинь соңсх.

• Энүгәрн Цаһан Сарин туск күүндврән төгсәһәд, эндрк кичәлд соңссан, үзсән, шинәс медҗ авсан сергәһәд батлхм.

Буруһан сурҗанав «Хальмг үнн» газетас интернетар соңсхвр ирв.

Нааран эс ирсндән икәр харм төрҗәнә. Маңһдур һарх газетд мана кичәлин тускар соңсхвр өгхәр бәәнә. Иим сурврмуд илгәж. Шулуһар хәрүһинь өгхитн эрҗәнә.

1. Ямаран төрәр кичәл болв? (Цаһан Сар- хаврин байр)

2. Эн сән өдр кенә нернлә залһлдата? ( Окн Теӊгр)

3.Цаһан Сарин өмн ямаран белдвр кенә?

4. Ямаран хотар дееҗ бәрнә?

5. Дееҗин боорцгуд?

6. Цаһан Сарин йөрәл

Эн даалһвриг шулуһар күцәхин төлә бидн 3 багд хувагдхмн. 1-гч баг 2-3 сурврмудт хәрү өгх, 2-гч баг 4-5-гч сурврмудт, 3-гч баг 6-7 сурврмудт хәрү өгх.

Ода 1-гч багас эклхмн. Эднә хәрүһинь соңсхм.

2-гч багин хәрү соңсх.

3-гч багин хәрү соңсх.

Чик хәрү өгсндтн икәр байрлҗанав!

Ямаран шин үгмүд медҗ аввт?

Таднд эн кичәл таасгдв?

Тегәд мана кичәл төгсв. Сәәнәр көдлсндтн ханлтан өргҗәнәв. Менд байрта харһцхай!

«Цаһан Сар мини өрк –бүлд» -келвр тогтах