"Туган ягым" шигырь

Туган ягым

Башкарды: Югары Яркәй 4-нче санлы

урта мәктәбенең татар теле һәм

әдәбияты укытучысы

Сафина Фирүзә Әфка кызы

Нинди матур минем туган ягым,

Нинди матур, гүзәл кырларым,

Кырларымда уйнаклашып йөргән

Яп-яшь кенә йөгрек тайларым.

Нинди матур куе урманнарым,

Урманымда – сайрар кошларым.

Сезгә тиңе булмас бер җирдә дә,

Күкрәп үскән иген басуларым.

Нинди матур елга-күлләрем,

Күлләремдә – пар аккошларым.

Сагынуыма мин түзә алмый,

Җилләргә сибәм сагышларым.

Нинди матур биек тауларым,

Тауларымда - бөек бөркетләрем.

Туган илнең данын яклап,

Батырлыклар кыла ир-егетләрем.

Нинди матур, күркәм гадәт-

Дус булып яшәү илемдә.

Бәхетләрнең иң зурысы ул-

Гомер итү туган җиремдә!