Творческие работы

Эжымни.

Батодоржиева Сарюна, Буряад Уласай үндэhэтэнэй

1-дэхи лицей- интернадай 10-дахи ангиин hурагша.

Багша: Будаин С. Г.,

буряад хэлэ ба уран зохёолой багша.

Һайхан сэдьхэлтэй эжымни

Һара нарамниш намдаа.

Заахан намай үргѳѳлши

Замайм харгы залаалши.

Эжымни урихан,

Эжымни энхэргэн,

Эжымни дуратайхан,

Эжымни баяртайхан.

Ахир нялха намхандаа

Аялга дуугаа дуулажа,

Алтан дэлхэйн хүрьhэ

Арбагархан хүлөөрни гэшхүүлээлши.

Эжымни, дуратайб шамдаа,

Эжымни, хүндэлнэб шамаяа,

Эжымни, этигыш намдаа,

Эжымни, найдыш намдаа.

Алтан дэлхэйн заршамаар

Амгалан тайбан ябыш даа.

Мүнхэ тэнгэриин заяагаар

Мэндэ хододоо hуугыш даа…

Байгаали тухай шүлэгүүдhээ..

Хабар.

Түрэл hайхан нютагтам

Түбхинэн буугаа хабарнай.

Тала дайдамни тэниин

Түргэн хүнжэлѳѳ сэлеэ.

Дууша шубууд баясан

Дуугаа татан сүлѳѳгүй гү?

Борохон жэргэмэлэй абяан

Буусадамни дуулдана гү?

Yглѳѳгүүр эртэ гарахадаш

Үзэсхэлэнтэ сэбэр агаар

Зэлэ татан угтаха

Зүһэ шарайеш эльбэхэ.

Агаар унхидан жаргалаа мэдэрхэш.

Азатай талаантайгаа сэгнэхэш.

Иимэл даа хуби заяамни,

Эжы абымни бэлэглэhэн наһан.

Үбэл.

Жэлэй дүрбэн саг

Жэгтэй гоёл хэзээдэшье

Алтан намарнай

Алхалан ошобол яаралгүй.

Хүйтэн үбэлнай хүлеэгдэдэггүй

Хүрэжэл ерэбэ гэнтэ.

Мүнгэн сагаан саhаяа хаян

Мүльhөөр хүүргэ хаалта барихал.

Һүрѳѳтэй үндэр нарһад

Һажан дууран зогсоно.

Саһахан урматайгаар бултыень

Сагаан буурал болгоно.

Борохон борбилоонууд

Бээрэшэнхэй, баарһад.

Модонһоо модондо элин,

Малтана, бэдэрнэ юушьеб.

Бордоһо шуурга намдан

Бусажа ерэхэл дулаан хабар.

Байгаали эхэмнай баясан һэрижэ,

Бүхы амитад дахин жаргахал!

Эжымни.

Шагжиева Арина, Буряад Уласай үндэhэтэнэй

1-дэхи лицей- интернадай 8-дахи ангиин hурагша.

Багша: Будаин С. Г., буряад хэлэ ба уран зохёолой багша.

«Эжы»- ямар гоё үгэб даа,

Эжы үнэн сэхэ хүн лэ.

«Эжы»- ямар hайхан үгэб даа.

Эгээл нангин хүмнайл.

Эртэ бидэнээ hэрюулжэ,

Эдеэнэйнгээ дээжээр хооллуулна.

Үдэшэн гаргаад бидэндээ

Үдэрэй hайниие хүсэнэ.

Эжымнай, хайратайхан эжымнай

Элдэб юумэ үзэнэл.

Үри хүүгэдтээ hанаагаа

Үдэр hүнигүй зобонол.

Муу ушарта ороболнай.

Муудан адлихан болодог.

Һайхан ябадал хэбэлнай,

Һанаан сэдьхэлдээ баярладаг.

Харгы замдамнай үреэжэ,

Холын харгыда үдэшэнэш.

Хаанаш холо ябахадаа,

Хайрлан эжыгээ ябахаб.

Үндэр наhа эдлэжэ,

Үреэлтэй хододоо байгаарай.

Заяан hайхан hанаагаа

Залгуулан мүнхэдѳѳ ябаарай…

Минии нютаг.

Yргэн баян Гааргамни,

Yнинэй алдар суутай юм.

Yхэр малаа үдхэжэ,

Yнэр баян һуудаг юм.

Хэзээдэшье гоё байгаалитай,

Хододоо hайхан байгаарай.

Ажалай олон баатартай.

Алдар суутай болоорой.

Олон хүбүүд басагадшни

Орьёлой үндэрые дабана.

Уужам сарюун Гааргамни,

Уулын сэсэгтэл һалбарнаш.

Минии тѳѳдэй.

Тѳѳдэй, минии тѳѳдэй,

Тѳѳдэйм намдаа дуратай.

Угаа тѳѳдэйм оёдолшон даа.

Ураханаар намдаа оёнол даа.

Түмбэгэр хамарайнгаа үзүүртэ

Түргэхэн шэлээ зүүгээд лэ.

Оймhо намдаа нэхэнэл.

Ойлгыт, иимэл минин тѳѳдэймнил.

Тугалхан.

Тугал, тугал, тугалхан,

Тугаар гараhан малаадай,

Yбэл гэртээ байхадаш,

Уйтай, ехэл шалаатай.

Хабар дулаан болоходо,

Хээрэ сүлѳѳ олохош.

Амтан ногоо зулгаажа,

Амба томо болохош.

Дагалжан.

Замые хадынгаа хормойhоо

Залан гарана Дагалжан.

Сэнхир хүхэ үнгэтэй

Сэбэр hайхан Дагалжан.

Олиггүй хүйтэн уhанhаань

Оймоhон хүнүүд мэгдэжэ,

Түргэн эрьедэнь гарадаг.

Үхэр малаа ундалуулжа,

Үдэшэн урдана hэмээхэнээр,

Арзгуун нютагаа суурхуулhан,

Аршаантай, булагтай Дагалжан.