"Ұлттық кейіпкерлер туралы не білемін? Я я әрпі" 1-сынып Сауат ашу сабақ жоспары

Сабақ жоспары

Пәні: Сауат ашу

Сынып: 1 «в»

Тақырыбы: Ұлттық кейіпкерлер туралы не білемін? Я я әрпі

Мақсаты: Я дыбысымен таныстыру,я дыбысы бар сөздермен таныстыру.Мәтін иллюстрациясы бойынша сұрақтар қоя білу немесе оқығаны бойынша қойылған сұраққа жауап беру (мұғалім көмегімен),мұғалімнің көмегімен қарама-қарсы мағыналы, мәндес, көп мағыналы сөздердің мағыналарын ажырату.

Түрі: Жаңа сабақ

Әдісі: Түсіндіру,сұрақ-жауап.

Көрнекілігі: Суреттер, я дыбысының жазба және баспа түрі.

Барысы:

І. Ұйымдастыру кезеңі

1) Сәлемдесу

2) Оқушыларды түгендеу

3) Оқушылардың назарын сабаққа аудару

Психологиялық дайындық

Қайырлы таң ашық аспан,

Қайырлы таң менің мектебім.

Қайырлы таң менің сыныбым,

Қайырлы таң менің достарым.

ІІ. Қайталау

- Балалар біз көңіл-күйіміздің әрқашан көтеріңкі болғанын қалаймыз. Көңілімізді ешқашан кірбің, бұлт шалмаса екен деп ойлаймыз. Аспандағы күніміз де әрқашан жарқырап тұрсын. Бірақ күніміздің бетін бұлт шалыпты. Күн көзінен бұлтты сейілту үшін мына бұлттардың артында сұрақтар берілген.Сол сұрақтарға жауап бере отырып күнімізге көмектесейік.

1. Әріп дегеніміз не?

2. Дыбыс дегеніміз не?

3. Дыбыс нешеге бөлінеді?

4. Кейде дауысты кейде дауыссыз болатын қандай дыбыс?

ІІІ. Жаңа сабақ

-Бүгін сендер ұлттық кейіпкерлер туралы білетін боласыңдар және я дыбысы мен танысасыңдар.

-Бұл не?

-Шаян

-Шаян сөзінде таныс емес қандай дыбыс естіп тұрсыңдар?

-Я дыбысын

Я дыбысы дауысты дыбыс.

Я дыбысының артикуляциясымен таныстыру. Я дыбысы й+а дыбыстарының қосындысынан тұратындығын, оның я әрпімен таңбаланатынын түсіндіру)

 Буындап немесе тұтас сөздермен оқиды.

Түсініп оқиды.

№1 тапсырма

 «Алдаркөсе мен бай баласы» ертегісін оқу.

 - мәтінді қатесіз оқиды;

- мәтіннің мазмұны бойынша қойылған сұрақтарға жауап береді;

- я дыбысы бар сөздерді тауып,дыбыстық талдау жасау.

№2 тапсырма

Берілген сөздерге мағынасы қарама-қарсы сөзді тап.

Баяу-тез.

VI. Сергіту сәті. « Қоян»

№3 тапсырма

Мысық неге мияулады?

Мысық  неге миялайтынын айтады.

VI. Дәптермен жұмыс.

Я дыбысын және я дыбысы бар сөздерді жазу

VII. Қорытынды.

• Бүгінгі сабақта қандай әріппен таныстық?

• Я дыбысы қандай дыбыс?

• Я дыбысы бар қандай сөздерді білесіңдер?

VIII. Кері байланыс.

Бүгінгі сабақ сендерге ұнаса Я әріпін жасыл түске, мұғалімнің көмегі қажет болса, сары түспен бүгінгі сабақ ұнамаса қызыл түспен бояңдар.