Угталга (ёhо заншал)

Угталга

Цыбиков Номто:

Намарай дулаахан хаһада

Цыбиков Золто:

Намарай баян тарганда

Цыбиков Тамир:

Холын харгые холо гэнгүй,

Холоһоо зориһон хүндэтэ айлшадаа

халуунаар таанадаа угтанабди даа!

Барандаа: Амар мэндээ!

Урбаева Бэлигма:

Yргэн дэлхэйһээ үргэмжэтэй,

Yндэр тэнгэриһээ үршөөлтэй,

Эртын наранһаа элшэ абажа,

Эхэ газарһаа хүсэ абажа,

Папаев Тамир:

Гай гасалан үзэнгүй,

Гэр бүлэдөө жаргалтай ажаһуухатнай болтогой!

Самбялова Айлана:

Агаарта мандаһан наран шэнги,

Аршаад табиһан толи шэнги,

Атар газарай сэсэг шэнги,

Уняарта тайгын буга шэнги,

Самбаева Бадма-Ханда:

Уулын үндэрэй барас шэнги,

Уяхан дуута булжамуур шэнги,

Сэсэгэй задарһан дэльбэ шэнги,

Өөдөө бадарһан гал шэнги,

Гармаева Айлуна:

Yүрэй гэрэлтэ одон шэнги

Yдэр бүхэндэ өөдөө мандажа,

Yлзы жаргалтай ябахатнай болтогой!

Хаптагаев Леонид:

Хазаһанаа таһалжа,

Хэлэһэнээ бүтээжэ,

Зориһондоо хүрэжэ,

Үдэр бүри үдэ нэмэжэ,

Урбаева Бэлигма:

Жэл бүри жэгүүр нэмэжэ,

Ажабайдалай уужам харгыгаар

Урагшатай, урматай

Ябахатнай болтогой! – гэжэ үреэнэбди!

Цыбиков Лопсон:

Хадаг, хадаг гээшэмнай

Хадата Түбэдhөө ерэhэн,

«Тэнгэри» гэhэн удхатай

Тон нангин юумэн даа.

Ошорова Нарана:

Бурхан шажанай дэлгэрэн,

Буряад орондо залархада,

Хүндын дээдэ тэмдэг болон,

Хүн зоной дунда заншал даа,

Хүнэй hүр hүлдэ үргэнэл даа.

Цыбиков Лопсон:

Хүхэ үнгэтэй хадаг

Хүхэ тэнгэриие бэлэглэн,

Энхэ тайбанай хүсэлтэй,

Эбтэй hайхан байдалай,

Дээдын удха шанартай

Дэмбэрэлтэ тэмдэг болонол.

Гармаева Айлуна:

Зандан модон мэтэ оройһоо дэлгэржэ,
Ганга мүрэн мэтэ оёорһоо дэлбэржэ,
Хүхэ мүнхэ тэнгэри мэтэ,
Хүрьһэтэ алтан дэлхэй мэтэ,

Цыбиков Номто:

Сэдьхэл ухаан бодолой

Сэбэр һайханиие гэршэлэн,

Эд бараан, зѳѳриин

Элбэг байлгые һүлдэлэн,

Самбаева Бадма-Ханда:

Хүхэ үнгын хадагуудые ба сагаан эдеэнэй дээжэ болохо һү

айлшан бүхэндэ барюулнабди!   

Папаев Тамир:

Тайбан энхые хүсэн,

Һайн һайханиие үршѳѳнэбди.

Цыбиков Тамир:

Та бүгэдэниие уужам, һаруул эрдэмэймнай гуламтада орохыетнай үнэн зүрхэнһөөн уринабди!