Уянгын сэсэрлиг Проект

Ярууна Хори аймагуудай хилэ дээрэ Маарагта горхоной эрье дээрэ «Уянгын сэсэрлиг» тогтонхой Сагаан мрамор дээрэ алтан үзэгөөр hиилэгдэhэн шүлэгүүдтэй хүшөөнүүд бодхоогдонхой. Ярууна нютагһаа уг гарбалтай уран зохёолшод: Ш.Нимбуев, Н.Нимбуев, Ц.Номтоев, С.Банзаракцаев, Ц.Бадмаев, К.Цыденов,М.Цыренов, Ц.Дондогой, Б.Цырендэлэгэй. Уран үгөөрөө Эхэ ороноо, тоонто нютагаа, байгаалияа магтажа дууладаг бэлигтэй зохёолшод – нютагаймнай солотой хүнүүд болоно.

Шираб Нимбув- поэт, лирик, атирик, оршуулагша, журналист, буряадай мэдээжэ уран зохёолшо

Буряад поэзиин х ү лыень д ү рөөдэ, гарыень ганзагада х ү ргэлсэhэн уран зохеолшодой нэгэн манай Маарагта нютагhаа гараhан Шираб Нимбуевич Нимбуевай шулуун х ү шөө анхарагты

.

Эгээл түрүүшын шулуун хүшөө Намжил Нимбуевтатабигдаа

Ашата эсэгынгээ абьяас бэлигые хубаалдажа гараhан, бэлиг талаангаараа бухы Росси соогуур суурхаhан, Маарагтын малгайгүй моодхон харгана обогой Шираб Нимбуевай ууган хүбүүн Намжил Нимбуевай хүмэг шулуу анхарая .

Хэбэд номхон Хэжэнгын хүбүүншье hаа, Яруунын элдин дайдада хуби заяагаа оложо, 6 hайхан үринэрэйнь тоонто болоhон, тубхинэhэн, түшэhэн Ярууна нютагаа яhалашье олон шүлэгүүдээрээ дуулан магтаhан эсэгэ, багша, сэрэгшэ , Герой Цокто Номтоевич Номтоевай хүшөөдэнь зогсонобди.

Манан х ү нжэл сэлигдээд,

Миралтан hуняагаа Ярууна.

Нугаhа, загаhадынь иралтаад,

Нойрынь сэлмээн яаруулна.

Нарhата нуурнай долгитон,

Намжаа ү глөөг үү р hэрюухэн .

Буряадай арадай поэт, Буряадай, Росиин соелой габьяата ажал ябуулагша, Ярослав Гашегай нэрэмжэтэ шангай лауреат, «Хүндэлэлэй тэмдэг» орденто, мэргэжэлээрээ багша, дээрэhээ табиhан табисуураараа уран зохеолшо, шүлэгшэ, журналист, публицист, оршуулагша Цырен-Дулма Цыреновна Дондогойн хүшөө шулуу анхарая.

2013 ондо Намжил Нимбуевай шүлэгүүдтэй хүрдын нээлгэ болоо

2009 ондо уран үгын шэдитэ хайрсаг табигдаа

Уран зураашан,скульптор

Юрий Мандаганов

Yлзы hайхан Yльдэргэ нютагай урдаа хараха хүбүүдэй нэгэн уран гартай, уран зурааша, бэлигтэй уран зохёолшо, hургуулиин бэрхэ багша, олон жэлдэ Yльдэргын дунда hургуулиин hуралсалай таhагые даажа ябаhан, гунан дэлхэйн гурбан hайхан үринэрэй ашата эсэгэ, Ким Шогдопович Цыденовай Хүмэг шулуунда зогсонобди .

Зэдэлээтэ Зэдэ голой хүбүүншье hаа, Яруунын дуулим дайдада хуби заяагаа олоhон, тээли улаан басагаяа, хоер баатар хүбүүдээ үргэн үндылгэhэн, Эгэтын – Адагай дунда hургуулида тоогүй олон hурагшадта буряад хэлэ заажа, буян хэшэг хуряаhан Банзаракцаев Санжа Баторовичай хүшөө шулуу анхараяа.

Түрэл нютагаа түүрээн магтажа ябадаг байhан хонгёо дуушадаймнай нэгэн Цыренов Мархуу Цыдыповичай хүшөө шулуу анхарая.

1933 ондо Яруунын аймагай Зүүн Маарагтада түрэhэн. Эгэтын-Адагай эхин hургуули, Yльдэргын долоон жэлэй hургуули, Нарhатын дунда hургуули дүүргэhэн.

Богонихон наhан соогоо хамаг ажалай амта үзэhэн, хүүгэдтэ зорюулжа олон зохёол бэшэhэн, Шэрэнги нютагhаа уг гарбалтай Цыренжап Цырендулмаевич Бадмаевай хүшөө шулуу анхарая.

Бата найдамтай , нэрэдээ таарама Бата Цыдыпович Цырендэлэгэй элдин Эгэтын эрхим хүбүүдэй нэгэн, Маарагтаhаа уг гарбалтай, багша, Мужыхын интернат hургуулиин директор байhан