Ұйымдастырылған оқу әрекетінің ашық қараламы. Тақырыбы: «Ұлттық тәрбие»

Акпарова Зарина Мараткызы

Ақмола облысы, Көкшетау қаласы

«Бэйби Бум» ЖШС-ң қарамағындағы

№36 «Аққу» балабақшасы

Тәрбиеші

«Ұлттық тәрбие»

Ашық ұйымдастырылған қаралым

Білім беру саласы: «Коммуникация», «Таным»

Бөлімі: Сөйлеуді дамыту, қоршаған ортамен танысу

Мақсаты: Балалардың бойына ұлттық құндылықтарымызды ұялату, одан нәр алып өсуіне, қадір-қасиетін білуге баулу.

Керекті құралдар: интерактивтік тақта, ұлттық тағамдар липучкамен ойын, киіз үй суреті, фонарик.

Шаттық шеңбері

Тәрбиеші: Сәлеметсіңдерме, балалар! Көңіл күйлерін қалай?

Балалар: Жақсы

Тәрбиеші: Балалар, мына суретке назар аударайық, суретте біз үй жануарларын көріп тұрмыз. Неліктен “үй жануары” деп атаймыз?

Балалар: Өйткені оларды үйде бағып өсіреміз.

Тәрбиеші: Қанеки балалар бұл ненің дыбысы, тыңдайықшы.

Балалар: Сиырдың

Тәрбиеші: Дұрыс айтасыңдар.

Осы уақытта мөңіреген дауыспен сиыр кіреді.

Сиыр: Сәлеметсіңдерме балалар!

Мен мүйізді сиырмын,
Бұзауымды іздеймін,
Сүт пен қаймақ беремін
Балаларды сүзбеймін!

Тәрбиеші: Балалар онда қазір сиыр қандай өнім береді екенің көрейік.

Тапсырма: «Сиыр сау»

Мақсаты: Саусақ икемділігін дамыту.

Тәрбиеші: Қараңдаршы, балалар сиырдан не шықты? Бұл не екенін білесіңдерма?

Балалар: Сүт

Тәрбиеші: Сиыр төрт түліктің бірі. Сүті, еті, терісі бағалы. Сүтінен май, айран, құрт, қаймақ, етінен тағам түрлері , терісінен түрлі бұйымдар жасалады. Бұның бәрі біздің қазақ халқымыздың ұлттық тағамдары.

Тапсырма «Ұлттық тағамдардың көлеңкесін тап»

Мақсаты: Балалардың есте сақтау,көру қабілетін дамыту.Тиянақтылыққа және ұқыптыллыққа үйрету.

Шарты: Суреттерде бейнеленген тағамдардың көлеңкелерін ажырату. Дұрыс екенін тексеріп, беттестіру.

Тәрбиеші: Өте жақсы, балалар! Енді бәріміз орнымыздан тұрып, сергіп алайық!

Сергіту сәті

Тапсырма «Киіз үйде не бар?» фонарик ойыны

Мақсаты: Балалардың сөздік қорын, байланыстырып сөйлеуін дамытуға бағытталған.

Тәрбиеші: Өте тамаша, балалар жарайсыңдар!

Сиыр: Керемет! Сендер өте ақылды екенсіңдер, көп нәрсе біледі екенсіңдер. Мен сендерге сыйлығымды беріп кетейін, мұны ауылдан әжелерің беріп жіберді, дәм татыңдар балалар. Жақсы сау болыңдар!
Тәрбиеші: Рахмет, сіз келіп, біздің көңіліміз көтеріліп қалды. Жолыңыз болсын! Соу болыңыз!

Қорытынды:

• Балалар, сонымен сиыр бізге кандай өнімдер береді екен?

• Ұлттық тағамдарға не жатады?

• Бүгінгі сабақ ұнадыма?

Күтілетін нәтиже:

Біледі: Сиыр малының дауысын ажыратуды біледі;

Игереді: Сиыр малынан қандай өнім шығатынын игереді;

Меңгереді: Еркін жауап береді меңгереді.