«Уҡыусы ҡулланыуына: текст буйынса практик эштәр»

Яҙҙы кемдәр генә яратмай, бигерәк тә был миҙгелдең күрке булған умырзая сәскәһен барыбыҙ ҙа, ниндәйҙер мөғжизә көткәндәй, көтөп алабыҙ. Башҡортостанда яҙ күркен, ғәҙәттә, алтай елбәҙәге, лютик елбәҙәге, Галлер хохлаткаһы, “йоҡо үләне” (прострел раскрытый) тип тәйөрөтәләр. Тик умырзая сәскәһенең ғүмере ҡыҫҡа, шуға күрә лә ғалимдар уны эфемероидтар тип атай. “Эфорос” һүҙе ғәрәп теленән тәржемә иткәндә “беркөнлөк”, “ҡыҫҡа ваҡытлы” тигәнде аңлата.

Йыл һайын республикала апрель, май айҙарында “Умырзая” акцияһы үтә. Уны БР Тәбиғәтте файҙаланыу, урман ресурстары һәм тирә-яҡ мөхитте һаҡлау министрлығы ойоштора. Акцияның төп маҡсаты – умырзая сәскәһенең төрҙәрен һаҡлап ҡалыу.

Умырзая сыға башлау менән баҙарҙа, транспорт туҡталыштарында уның менән һатыу итеүселәр күбәйә. Үкенескә ҡаршы, үҙҙәренең кеҫәһен ҡалынайтырға маташыусылар тарафынан умырзая сәскәһенең бик күп төрҙәре юҡҡа сыға. Был иһә үҙ йәһәтендә республикабыҙҙың экология системаһының биологик төрлөлөгөнә зыян килтерә.