Улуу Женишке 75жыл

Сабактын темасы: Улуу Жеңишке 70 жыл.

Сабактын максаты:

1)Окуучулар Улуу Ата Мекендик согуш мезгилинде элин,жерин, коргогон кан майданга барып,кайратынан жанбай душманды сөзсүз жеңерине ишенген советтик жоокерлердин эрдиги жөнүндө түшүнүк алышат.

2)Окуучулар маңдай терлери менен жеңишке салымын кошкон тылдагы эмгектенгендердин биримдиги жөнүндө билишет.

3)Окуучулар мекенди сүйүү,ыйык тутуу менен патриоттуулукка тарбияланышат.

1941-жылы 22-июнда тынч жаткан өлкөбүзгө Германия Кол салды.Ата Мекенин коргоо үчүн согушка жарактуу эркектердин баары аттанышкан.

1)Кырк биринчи жылында, Жыйырма экинчи июнунда, Оңбогон Герман кол салды, СССРдин тобуна.

2)Дүңгүрөтүп дүйнөнү, Дүйнөлүк согуш башталды. Коргоого биздин чектерди, Аскерге алды жаштарды.

3)Аскерге кеттиңжазылып, алты атар мылтык асынып. Аман келер бекенсиң, Германиялык согуш басылып.

4)Үйдө туулуп эр жигит, Жоо бетинде болбойбу. Эрсинген жаштар жүргүлө, Эр четин барып коргойлу.

5)Ажалы жетсе эр жигит, Айылда деле өлбөйбү. Эгерде иши оң болсо, аралап душман бөлбөйбү. Алтынга бөлөп койсо да, Ажалы жетсе өлбөйбү. Ажалсыз болсо барса да, Айланып үйүн көрбөйбү.

6)Жазасы катуу душманга, Жамгырдай окту төгөбүз.                                                                                                                                   

Жазыктуу душман жок болсо, Жакшылык бетин көрбөйбүз.

7)Эркек деп тууду энебиз, Эмне иш болсо көрөбүз. Эми жан болсо саламат, Эмнеге көңүл бөлөбүз.

8)Поезде кетип барамын, Фашистке түрүм саламын. Фашисттерди жоготуу Башынан күткөн талабым.

9)Ала-Тоо калды көрүнүп, Мен кеттим элден бөлүнүп. Мен элимди эстесем, Көзүмдөн жашым төгүлүп.

10)Үйгө жазган катым бар, Үрөйдү учурган касым бар. Үйрүлүп бизден кетпеген, Герман деген касым бар.

11)Уруш илим үйрөнүп, Даяр болуп турабыз. Немецтерди жоготуп, Акыры кууп чыгабыз.

12)Эстесем курбум табылбайт, Ойлосом жүрөк жалындайт. Айта берсем арманды, Бир күнү кечке арылбайт.

13)Далай жаш кетти жеримден, Даңктуу кыргыз элмден. Далай кыз-келин айрылды, Даанышман сулуу теңинен.

14)СССРдин жеринде, Көк шибери жайкалган. Ошол жерди алсам деп, Германия кол салган.

15)Сталин атам күлсө экен, Планды мыктап чийсе экен.      

 Аламын деген Гитлердин, Тилегши ташка тийсе экен.

16)Жаштарды совет таптасын, Табийгат өзү сактасын. Баш ийип Герман советке, Эмгекти тездеп актасын.

17)Кетсе экен Герман кетсе экен, Өз жерине жетсе экен. Фронттогу балдар ай, Тегиз эсен келсе экен.

18)Германдын жерин бөлсө экен, Фашизмди жеңсе экен. Чыгыштан угуп Японуң, Арданып жатып өлсө экен.

19)Фронттогу биздин эл, Жаркырап элге келсе экен. Жеңиш менен той кылып, Жыргалын элге берсе экен. 

20)Кармап алып Гитлердин, Эки көзүн ое көр. Атагың чыгып байкебай, Аскерден баатыр боло көр.

21)Барса-барса,барса тоо, Фашисттер чыкты бизге жоо. Фашисттерди талкалап, Баргандар келсин эсен соо.

22)Керме-керме,керме тоо, Германдар чыкты бизге жоо. Германдарды талкалап, Кеткендер келсин эсен соо.

23)Фронтту көздөй баратам, Мылтык,кылыч жаракчан. Элиме каршы ок аткан Душманга каршы ок атам.

24)Ок атып,найза саямын, Душмандан кегин аламын.    

 Антым ушул сүйгөн жер, Фашистти жеңип барамын.

                                            Энеме кабар 

25)Айтканың, эне эсимде, Көкүрөктө сакталып. Мен жүрөмүн эң жакшы, Ак шумкардай тапталып. 

26)Каралдым,эне сабалба, Мен жүрөм элдин камында. Балаң шумкар учуучу, Келип турган табыңа.

27)Балаң бүгүн кызыл чеп, Сактап калчу эмеңди. Кетирбеймин өлбөсөм, Душмандарга кегимди.

28)Канча да болсо тосомун, Күйүп турган жалынды. Аябаймын эч качан, Эл үчүн кашык канымды. 

29)Мени эстебей энеке, Балдарыңды эрмек кыл. Жардам берип фронтко , Талыкпастан эмгек кыл.

Өлкөбүз баары бир жакадан баш,бир жеңден кол чыгарып,ынтымактуу болуу менен жеңишке жетишти.Фронтто да, тылда да баары жапырт күч кубаттарын аяшкан жок.

                                 Жеңиш менен тостуңар.

30)Аламын деп фашисттер, Кенге толгон жеримди. Жеңемин деп ойлошкон, Эркин совет элимди.

31)Каракчылык ой менен , Адегенде теминди. Акырында моминтип, Биздин колдон жеңилди.

32)Жеңебиз деп фашисттер, Тим жаткан элге катылган. Жеңилип шору катты бейм, Советтик кыраан баатырдан.

33)Баштаганың Гитлер, Ишенген кишиң кимиңер. Кайсыныңа чирендиң, Акыры көргө кирдиңер.

34)Өчүрөм дедиң суу төгүп, Өлкөмдүн күйгөн чырагын. Талашып согуш баштадың, Таалайлуу элдин жыргалын.

35)Аягында асманга, Чыгып келди шыйрагың. Өз жеңишиң өрттөнүп, Сапырылды кырманы.

36)Тогузунчу май күнү, Саат тогуз,он ченде. Радио сүйлөдү, Согуш бүткөн жөнүндө .

37)Ай-аалам бүтүн дүркүрөп, Алкыш айтты аскерге. Той беришти баардык эл, Ээ болдук деп жеңишке.

38)Жеринен баатыр элибиз, Жеңилбес жоону жеңдиңер. Жер жүзүнөн жок кылып, Фашисттердин азабын колго бердиңер. Берлинге жетип туу сайып, Жеңиш менен келдиңер. 

Ветерандарга куттуктоолор айтылып

концерттик программа берилет.