Unity ортасында 3д ойын құру әдістемесі

Unity ортасында 3д ойын құру әдістемесі

Жұмыстың көкейкестілігі: Қазақстан Республикасының «Білім туралы» заңында [1] және оқу-тәрбие саласына байланысты басқа да құжаттарда мектепте жан-жақты білімді, ой-өрісі кең, мәдениеті жоғары, жаңаша ойлауға қабілеті бар, әлемдік озық техналогиялардан хабардар,еліміздің жарқын болашағын ойлайтын қазіргі өмір талабына сай іріктелген таңдаулы оқушыларды даярлау қажеттілігі көрсетілген.

Қазақстан Республикасының 2015 жылға дейінгі Концепциясының [2] басты мақсаты ретінде сапалы білім беру негізінде білікті жеке тұлғаның қалыптасуын қамтамасыз ететіндей «жеке білім беру » жобасына көшу мәселесі қойылған. Аталған концепция жас ұрпаққа қазіргі ұрпаққа сай оқытудың жаңа ақпаратық техналогияларын енгізуге бағытталуын көздейді.

Мен дипломдық жұмысымда осы негізге ала отырып, қазіргі таңда әлем бойынша алдыңғы шепте келе жатқан Unity қозғалтқышымен таныстырып және оның көмегімен балаларға ойын әзірлеудің жолдарын көрсетемін. Бұл қозғалтқыштың пайда болғанына көп уақыт болмасада, көп ойын әзірлеушілерді өзіне баурап алды.                                      

Жұмыстың мақсаты: Unity ортасында балаларға 3D ойындарын құру жолдарын үйрету. Қазіргі таңда Unity ортасына балалардың қызығушылығы жоғары. Оның айғағы Unity платформасында әзірленген ойындар, тек 2016 жылдың  1-ші тоқсанында шамамен 2 млрд бірегей ұялы телефонға жүктелді. Ең танымал ойындардың 34% Unity бойынша әзірленген. Қазақстанда да бұл қозғалтқышқа қызығушылардың саны күн санап артып келе жатыр. Әрине, олардың басым көпшілігі мектеп жасындағы балалар, менің негізгі мақсатым осы балалардың қызығушылығын одан әрі дамытып, Unity қозғалтқышының қыр-сырын үйретіп, олардың әлемдік деңгейде «Қазақ тіліндегі» ойындарды  жасап шығаруына жол ашу.

Зерттеу жұмысы екі тараудан тұрады:                                                              1. Unity ортасы туралы теориялық мағлұмат                                        2. Unity ортасында балаларға арналған 3D ойындар   құру әдістемесі