Урок 1 Түүхэлһэн хөөрөөнүүд. Гүн Сакбын тухай (2 саг)

Түүхэлһэн хөөрөөнүүд. Гүн Сакбын тухай (2 саг)

Хэшээлэй зорилго: арадай аман зохёолнууд тухай ойлгосо үргэдхэхэ, түүхэлһэн хөөрөөнүүд тухай мэдэсэ гүнзэгырүүлхэ, түүхын ушарнуудта һонирхол түрүүлхэ. Гүн Сакбын түүхэтэ хөөрөөнэй удха ойлгуулха.

Түүхэеэ мэдэхэ хүн бүхэнэй уялга.

Урданай юумэ ула болоогүй (оньһон үгэ)

Хэшээлэй удха.

8-дахи классай буряад литературын программын ёһоор энэ сэдэб үзэлгэдэ 2 саг үгтэнхэй. Энэ сэдэб хэдэн асуудалнуудые шиидхэнэ:

1. Арадай хөөрөөнүүдэй онсо удха ба маяг.

2. 18-дахи зуун жэлэй үеын Росси ба Монгол гүрэнэй хоорондо хилэ табилгын түүхын ушарнууд.

3. “Гүн Сакбын тухай” хөөрөөн.

4. Сэсэ мэргэн ухаатай Савва Рагузинский – Ород гүрэнэй элшэн сайд.

Хэшээлэй ябаса:

-Үхибүүд, хэшэйлэй эпиграф уншаад, юун гэжэ ойлгонобта? Хэшээлнай юундэ зорюулагданхайб?

-Хэшээлэймнай темэ юун бэ?

-Арадай аман зохёол гэжэ юуб?

-Арадай аман зохёолой жанрнуудые нэрлэгты.

Хэшэлэйнгээ зорилго тодоруулагты. Юу мэдэхэ, шадаха болохо ёһотойбта?

(Түүхэлһэн хөөрөөнүүдтэй танилсаха)

-Түүхэлһэн хөөрөөнүүд гэжэ юуб? Номоороо түүхэлһэн хөөрөөн тухай теори уншая.

- Хэд түүхэтэ хүнүүд тухай домогуудые мэдэхэбта?

-Түүхэлһэн хөөрөөнүүдэй гол герой хэн бэ?

18-дахи зуун жэлэй үеын Росси ба Монгол гүрэнэй хоорондо хилэ табилгын түүхын ушарнууд тухай хөөрөө 1 бэлдэһэн һурагша элидхэл хэхэ.

1 бэлдэһэн һурагша “Сэсэ мэргэн ухаатай Савва Рагузинский – Ород гүрэнэй элшэн сайд” гэһэн темээр элидхэл хэхэ.

-18-дахи зуун жэлэй үедэ Росси ба Монгол гүрэнэй хоорондохи байдал ямар байгааб?

-Юундэ хилэ табиха гэжэ шиидэһэн байнаб?

- Савва Рагузинский гэжэ хэн бэ?

-Ямар зорилготойгоор тэрэ манай нютаг руу ерэһэн байнаб?

-Ямар хүн байһыень ойлгобот?

Савва Рагузинский хэн гээшэб гэжэ ойлгоһоноо кластер (схемэ) болгон зурагты.

Савва Рагузинский

Түүхэлһэн хөөрөөн. Гүн Сакбын тухай

Номоор текстээ уншалга.

Текстээр хүдэлмэри. Энэ хөөрөөнэй удха хөөрэжэ үгэгты.

-Энэ хөөрөөнэй герой хэн болоноб?

-Түүхэлһэн хөөрөөнэй герой хэн бэ?

-Хөөрөөгшэ нюур үнэн юумэ зураглана гү? Жэшээгээр баримталагты.

-Энэ хөөрөөн соо ямар үе сагта болоһон үйлэ зурагланаб? Түүхын ямар үе саг тухай эндэ хэлэгдэнэб?

-Гүүн Сакба гээшэ хүн тухай хөөрэгты.

-Ямар зорилготойгоор манай нютаг руу эльгэээгдэһэн байнаб?

-Монголтой хилэ табилгада гүүн Сакбын хэһэн нүлөөн.

Гүн Сакбын тухай дуунуудые уран һайханаар уншая.

Дуунуудайнь удха шанар тухай хөөрэлдэе. Хүн бүхэн өөрынгөө һанамжа хэлэхэ.

-Хэшээлэйнгээ эпиграфда дахин хандая. Удхыень тайлбарилая. Һанамжануудаараа хубаалдая.

Гэрэй даабари: Савва Рагузинский тухай презентаци хэхэ