Урок. 9 кл. Ул. Караткевіч. "Дзікае паляванне караля Стаха"

ТЭМА: “Уладзімір Караткевіч. Аповесць “Дзікае паляванне караля Стаха”. Знаёмства з жыццём і творчасцю аўтара, зместам аповесці”.

Работа на ўроку: біяграфія (с.228-233), канспект, прэзентацыя (https://www.youtube.com/watch?v=Dpk0KkuAYFE ); відэаўрок (https://www.youtube.com/watch?v=wDkFREkx5qg ); фільм “Дзікае паляванне караля Стаха” (https://www.youtube.com/watch?v=LfytMClm0LA ).

Прачытаць аповесць « Дзікае паляванне караля Стаха ».

Пытанні па аповесці Ул. Караткевіча “Дзікае паляванне караля Стаха”

1. З якога стагоддзя браў пачатак род Яноўскіх?

2. Як складваўся лёс прадстаўнікоў рода Яноўскіх?

3. Як выглядаў радавы палац Яноўскіх, калі там апынуўся Андрэй Беларэцкі? Што засталося ад былой шляхецкасці?

4. Як выглядала Надзея Яноўская пры першых сустрэчах з Андрэем Беларэцкім? Як яна змянілася за час знаёмства, што на гэта паўплывала?

5. Якім было жыццё маладой васямнаццацігадовай дзяўчыны ў Балотных Ялінах (адносіны да жыцця, кахання, сваёй шляхецкасці)?

6. Як загінуў Раман Яноўскі, бацька Надзеі?

7. Хто з’яўляўся апекуном Надзеі Яноўскай?

8. Што падарыў Надзеі Яноўскай на паўналецце апякун, які сэнс ён укладаў у гэтыя падарункі?

9. Пасля агучвання апякунскай справаздачы на паўналецці Надзеі, мы даведваемся, якой маёмасцю і прыбыткам яна валодае. Пералічыце з чаго складалася спадчына Яноўскіх?

10. Якое радавое пракляцце ляжала на родзе Яноўскіх, ад каго яно сыходзіла?

11. Дадатковае пытанне: Кім прыходзіўся Яноўскай Свеціловіч?

12. 1Хто такі кароль Стах як рэальная гістарычная асоба?

13. На які ганебны ўчынак пайшоў Раман Стары Яноўскі ў дачыненні караля Стаха?

14. На каго палявалі Раман і кароль Стах? Хто і чыё жыццё выратаваў падчас палявання?

15. Хто ў творы хаваўся пад мянушкай Лікол?

16. З якой мэтай была ўвасобленая ў рэальнасць легенда пра пракляцце караля Стаха?

17. Хто такія дрыкганты?

18. Якія яшчэ містычныя персанажы, акрамя палявання Стаха, дзейнічаюць у творы? Хто за імі стаіць?

19. Як выглядала паляванне караля Стаха, якое наводзіла жах на ваколіцы балотных Ялін?

20. Хто стаў ахвярамі дзікага палявання?

21. За каго выдаваў сябе Рыгор Дубатоўк? Як ён паводзіў сябе на людзях?

Дадатковае пытанне: Хто ў творы быў закаханы ў Надзею Яноўскую, і хто хацеў бачыць яе сваёй жонкаю, толькі дзеля радавога маярату?

Д/З дасылаць на электронны адрас: [email protected] .