Урок.Казахская литеатура. 10 класс."Ыбырай Алтынсариннің әңгімелері"

Сынып, күні:

10 сынып

Сабақтың тақырыбы:

Ы.Алтынсариннің әңгімелері.

Сабақтың мақсаты:

Оқушылардың Ыбырай өмірі мен шығармашылығын қалай меңгергендігін пысықтау, әңгімелерінің тақырыбын ашу; Оқушылардың шығармашылық қабілетін дамыту, ойын ашық айта білуге және өз пікірін қорғай білуге баулу.

Оқушыларды адалдыққа, еңбексүйгіштікке, топта бірлесе жұмыс істеуге, өзгелердің ойын, пікірін тыңдай білуге тәрбиелеу;

Сабақтың әдісі:

Түсіндірмелі, баяндау,пікірлесу, сұрақ- жауап, сын тұрғысынан ойлау технологиясының әдіс-тәсілдері,ой қозғау

Сабақтың түрі:

Жаңа сабақ

Сабақтың кезеңі:

Сабақтың барысы

Ұйымдастыру:

Сұрақ-жауап:

Үй тапсырмасын тексеру:

Жаңа сабақ:

Психологиялық ахуал жасау.

1.Мұғалім: Қазақ халқы батамен ел көгер,жаңбырменен жер көгерер» деген екен,ендеше сабақты бастамас бұрын бір-бірімізге жылы лебіздерімізді білдіріп,сәттілік тілейік.

Сыныпты үш топқа бөлу.(смайликтер арқылы) топ басшыларын белгілеу және топ басшыларына бағалау парағын тапсыру.

Сұрақ- жауап арқылы сабақтың тақырыбы мен мақсатын айқындау.

• Қостанай облысында туған қандай жазушыларды білеміз?

• Орталықтағы дарынды балаларға арналған гимназия кімнің атында?

• Ыбырай атамыз туралы не білеміз?

• Ыбырай атамыздың қандай әңгімелерін білеміз?

1. Қызығушылықты ояту. «Миға шабуыл» тәсілін қолдану.

«Деректер сөйлейді» тапсырмасы.(Үш топқа рет-ретімен тұрған қағазды беріп, ондағы сандар арқылы Ыбырайдың өмірбаяны мен шығармашылығын класстер арқылы айтып беріңдер)

1841 – Ыбырайдың туған жылы. Қостанай обл. Затобол ауданында туды.

1850 – Орынборда ашылған қазақ-орыс мектебіне түседі.

1857- Мектепті үздік бітіріп шыққан жылы

1859- Орынбордағы шекаралық комиссияға тілмаш болып орналасқан жылы.

1860 – Орал сыртындағы қазақтарға арналып 4 сыныптық бастауыш мектеп

ашу туралы шыққанда (Тройцк, Торғай, Ырғыз, Қазалы) өзі сұранып,

Торғай мектебіне мұғалім болады. Торғай қаласында бірден мектеп

ашу мүмкін болмай, іс көпке созылады, жиналған балаларды өз үйінде

оқытқан жылы.

1864 – Мектептің қаңтар айында ашылған жылы

14 - Сол мектепке қабылданған бала саны.

1876 – Петербург, Қазан қалаларына барған жылы

1876 – «Қазақ хрестоматиясын» жазуға кіріскен жылы

1879 – Орынборда хрестоматияның басылған жылы

1889 – қайтыс болған жылы.

2.Ы.Алтынсариннің өлеңдерін жатқа айту.

3. «Суреттерді сөйлету».Слайд арқылы көрсетілген суреттер бойынша сұқбат құру.

Ы.Алтынсариннің әңгімелеріне тоқталамыз:

«Әке мен бала» , «Атымтай Жомарт», «Таза бұлақ».

II.Мағынаны ашу. /бағытталған оқу стратегиясы/

Әр оқушы осы әңгімені таспа арқылы тыңдап, топпен бірге өз ойларымен бөліседі. (топпен жұмыс).Содан соң осы мәтін бойынша сызбаны толтырып,қорғайды.

Тапсырма 1

Мәтін не туралы?Негізгі идеясы қандай?.

Мәтіннің ішінен мақал- мәтелді тауып, мағынасын ашыңдар.(постерге түсіру)

Мәтінде кездесетін жаңа сөздерді жазу.

Сызбаны толтырады:

Тапсырма 2

«Синкуейн» әдісін қолдану.

Бірінші жол-тақырыптың атауы(зат есім)

Екінші жол-тақырыпты сипаттайтын екі сөз.(сын есім)

Үшінші жол-тақырып туралы қимылды білдіретін үш сөз(етістік)

Төртінші жол-тақырыпқа қатысты төрт сөз.

Бесінші жол- бір сөз –тақырыптың мәнін ашатын синоним сөз.

Тапсырма 3

Қарама-қарсы элементтер» стратегиясы

Ата/бала

Жомарт /қайырмсыз

жақсылық/жамандық

III . Түйін сөз . Кластер құру.

Ы.Әңгімелерінде ортақ не?

Бағалау:

Топ басшылары бағалау парағын алып, топ оқушыларына қойған бағаларын айтады.

Үй тапсырма:

Ы.Алтынсариннің әңгімелерінің мазмұнын айту.

Рефлексия: Екі тілек ,бір жұлдыз.