Урок літаратурнага чытання ў 2 класе В.Вярба "Восень"; М.Даніленка "Па лясах і палях"

“БАБІНА ЛЕТА”-АСТРА НОВАБЕЛЬГІЙСКАЯ

БЯССМЕРТНІК-БЕССМЕРТНИК

ВЕРАС-ВЕРЕСК

Урок №2

Тэма: Ходзіць восень-чарадзейка

Мэты:

• выпрацоўваць выразнае чытанне, пашыраць слоўнікавы запас вучняў;

• развіваць логіку, вучыць абгрунтоўваць думку;

• развіваць памяць, мысленне, творчыя здольнасці вучняў;

• прывіваць любоў да роднай прыроды.

ХОД УРОКА

1. Арганізацыйны этап

—Паглядзіце адзін на аднаго, вазьміцеся за рукі, усміхніцеся, пажадайце вясёлага настрою і плённай працы.

1. Праверка дамашняга задання

Выразнае чытанне верша П.Пранузы “Бывай, лета!”

1. Паведамленне тэмы ўрока

Залаціста, жоўта ў лесе

Гэтай слаўнаю парой.

Куст рабіны гронкі звесіў,

Як аблітыя зарой.

—Скажыце, якая пара прыходзіць пасля лета?

—А чым славіцца восень?

—Калі мы з вамі завялі гутарку аб восені, то як вы думаеце, аб чым мы будзем гаварыць на ўроку? (адказы дзяцей).

—Тэма нашага ўроку “Ходзіць восень-чарадзейка”.

1. Уступная гутарка

Чытанне дыялогу Васіліны і Лянка на старонцы 10

—Хто з дзяцей не любіць восень? За што?

—А за што Лянок любіць восень?

—Раскажыце, за што вам падабаецца ці не падабаецца восень?

—Аўтарам твораў, якія мы сёння з вамі прачытаем, вельмі падабаецца восень. (Слайд 3) За рознакаляровасць, прыгажосць, за грыбы, за ягады…

1. Знаёмства з творамі

1. Вера Вярба “Восень”

1. Знаёмства з пісьменніцай (Слайд 4)

2. Падрыхтоўка да чытання

—Разгледзьце малюнак. (Слайд 5) Якой паказана восень?

—Паслухайце верш і скажыце, як Вера Вярба назвала восень.

1. Чытанне верша настаўнікам

Бюро даведак: (Слайд 6)

Жалейка—музычны інструмент у выглядзе дудачкі.

—Як аўтар назваў восень?

1. Чытанне верша вучнямі

Самастойнае чытанне верша

Чытанне самага прыгожага (на думку вучняў) месца ў вершы

1. Аналіз зместу

—Чаму аўтар называе восень чарадзейкай?

—Што робіць восень? Хто дапамагае восені?

—Навошта дзеці запрасілі восень у школу?

—Чаму дзеці хочуць навучыць яе?

1. Выразнае чытанне верша

1. Міхась Даніленка “Па лясах і палях”

1. Знаёмства с пісьменнікам (Слайд 7)

2. Падрыхтоўка да чытання

—Кожны аўтар малюе восень па-свойму. Паслухайце, як восень малюе Міхась Даніленка.

1. Чытанне тэксту настаўнікам (падчас чытання настаўнік паказвае малюнкі з выявамі раслін—Дадатак 1)

Бюро даведак: (Слайд 8)

Пацеркі—жаночае ўпрыгожанне на шыю.

Гронкі—шмат ягад на маленькіх галінках, сабраных разам.

Частавацца—рус.: угощаться.

Зіхацець—рус.: блестеть.

—Што задумала восень? Як малюе яе М.Даніленка?

1. Чытанне тэксту вучнямі

Чытанне ланцужком

1. Аналіз тэксту

—Дзе восень выбірала колеры для чвайго ўбрання?

—Прачытайце, з чаго восень зрабіла сабе пацеркі.

—Якія кветкі ўпляла восень у сваю касу?

—У якое люстэрка паглядзелася восень?

—Што нясе ў прыполе восень?

—Якім словам з верша В.Вярбы “Восень” можна назваць гэту пару года?

1. Выразнае чытанне апавядання

1. Выконваем творчае заданне

Слоўнае маляванне:

—Намалюйце словамі, якой вы ўяўляеце восень.

1. Азбука ветлівасці

—Як восень гасцінна запрашае нас пачаставацца?

—Прыгадайце, калі гавораць: “Частуйцеся на здароўе”.

1. Падвядзенне вынікаў.

—Якая пара года апісваецаа ў творах, з якімі мы сёння знаёміліся?

—Як называе восень Вера Вярба?

1. Дамашняе заданне

Выразнае чытанне твора (на выбар), па жаданні верш “Восень” вывучыць на памяць

1. Рэфлексія

На дошцы змешчана дрэва без кроны; у кожнага вучня на парце 3 лісточкі: жоўты, зялёны, чырвоны.

—Калі вы працавалі на ўроку з задавальненнем, прымацуйце да галінкі зялёны лісточак, калі было цяжка—чырвоны, калі не можаце вырашыць—жоўты.

4

Ходзіць восень-чарадзейка

В.Вярба «Восень»

М.Даніленка «Па лясах і палях»

Аўтар прэзентацыі: Гадун Наталля Пятроўна , настаўнік пачатковых класаў

Літаратурнае чытанне

ДУА «Сярэдняя школа в.Тамашоўка»

2 клас

Урок №2

2016-2017

Падрыхтавана па:

Вучэбным выданні

Н.У.Антонава, І.А.Буторына, Г.А.Галяш

Літаратурнае чытанне

Вучэбны дапаможнік для 2 класа ўстаноў агульнай сярэдняй адукацыі

з рускай мовай навучання

У 2 частках. Частка 1

Мінск «Нацыянальны інстытут адукацыі» 2016

Вера Вярба

(Гертруда Пятроўна Сакалова)

14.01.1942г.

в.Высокі Гарадзец

Талачынскі раён

15.07.2012г.

Бюро даведак

Жалейка— музычны інструмент у выглядзе дудачкі

Міхась

Пятровіч Даніленка

28.10.1922г.

в.Ястрабка

Лоеўскі раён

Бюро даведак

Пацеркі Гронкі

Частавацца— рус.: угощаться

Зіхацець— рус.: блестеть

У прыполе— ніжні пярэдні край

сукенкі, кашулі

Интернет-ресурсы:

Листики с желудями

http://www.crh.noaa.gov/images/gid/clipart/oakleaves2.gif